2875 - Dorian

Trump er kannski ekki sá alversti af bandarískum forsetum, en hann er örugglega meðal þeirra verstu. Í bandarískum fjölmiðlum er aðalmálið Trump um þessar mundir og hvað hann og bandarískar veðurstofur hafi sagt og spáð um fellibylinn Dorian. Íslenskir fjölmiðlar draga einkum dám af bandarískum og þýða eða reyna að þýða mest krassandi fréttir þaðan. Oft eru þær hundgamlar og að engu hafandi. Einu sinni voru „fréttir“ af þessu tagi einkum fluttar í mánaðarlega útgefnum sorpritum.

Fellibylurinn Dorian hefur valdið miklu tjóni á Bahamaeyjum. Samt hefur afar lítið verið fjallað um hann í íslenskum fjölmiðlum. Ruv-ið er bara eins og það er og flytur næstum einungis amerískar fréttir. Þegar Pence-fíflið kom hingað um daginn var ekki hægt að koma neinum öðrum fréttum að, þar á bæ. Þó hann hafi bæði logið og reynt að blekkja, fylgdi RUV ekki einu sinni bandarískum fréttum hvað hann snerti. Þar var mest gert úr því að hann og fylgdarliðið hafi gist á hóteli sem Trump átti, þó það væri langt frá Dublin. Já, stríð Trumps við fjölmiðlana tekur á sig ýmsar myndir. Enginn hafði nokkurn áhuga á því sem Pence sagði, enda er aldrei tekið neitt mark á honum. A.m.k. gera stóru Bandarísku fjölmiðlarir það ekki.

Eyðileggingin af völdum fellibylsins Dorians á Bahamaeyjum er alveg gífurleg og kannski kemst sú eyðilegging í fréttirnar á RUV í næstu viku eða svo. Málið er mér kannski skyldara en ella vegna þess að önnur tengdadóttir mín er þaðan. Um Indland gegnir alltöðru máli.

Indverjar sendu eldflaug á loft í júlí síðastliðnum með geimstöð og tunglfar innanborðs og núna um daginn reyndu þeir að lenda tunglfarinu mjúklega á tunglinu, en mistókst það. Ísraelar reyndu það sama fyrir skemmstu, en mistókst einnig. Á sínum tíma mistókust margar ómannaðar geimferðir Bandaríkjamanna. Mannaðar geimferðir eru ekki í mikilli tísku núna þó töluvert sé umliðið síðan Bandaríkjamenn sprönguðu um á tunglinu. Allavega er það ekki mikið í fréttum þó ýmislegt gerist á því sviði. Áhugavert er að fylgjast með ýmsu í sambandi við stjörnufræði og geimferðir. Einkum nú að undanförnu.

Horfði í gærkvöldi á nýjan spurningaþátt á RUV. Ekki er hægt að neita því að hann virðist vera allhraður og skemmtilegur, þó líka sé hægt að halda því fram, að hann sé heldur ómerkilegur. Vel tókst til að skeyta saman vinsæla leiki eins og Hangman og fleiri, án þess að mikið bæri á því.

Hver segir að bloggskrif þurfi að vera af ákveðinni lengd? Ég er mest að hugsa um að láta þetta duga í bili. Ekki virðist mikill áhugi á svona almennum skrifum eins og ég stunda.

Einhver mynd.

Athugasemdir

[Emil Hannes Valgeirsson, 7.9.2019 kl. 11:34]

Ég hef einmitt furðað mig á hversu lítið hefur verið fjallað um náttúruhamfarirnar á Bahamaeyjum. En þar sem ég fylgist með öllu svona þá hef ég þurft að leita upplýsinga hjá Bandaríksum fréttamiðlum svo sem CNN og Fox. Umfjöllunin hefði þó sennilega verið meiri ef samskonar atburðir hefðu átt sér stað innan Bandaríkjanna. Vonum bara að manntjón verði ekki eins mikið og óttast er.

[Sæmundur Bjarnason, 7.9.2019 kl. 12:19]

Þetta er alveg rétt hjá þér. Sum svæði eru eins og margra kílómetra stór skýstrokkur (tornado) hafi riðið yfir. Hef aldrei séð annað eins. 

[Þorsteinn Briem, 7.9.2019 kl. 13:07]

Drap þar margan Dorian,
dóninn á þó bræður,
Pence var mikið feigðarflan,
flutti ljótar ræður.

[Þorsteinn Briem, 7.9.2019 kl. 13:10]

Borisar er búið spil,
breskan herti jarlinn,
en það gerir ekkert til,
út í skurð fer karlinn.

[Þorsteinn Briem, 7.9.2019 kl. 13:23]

Íslenska þýðingin á "performer" er væntanlega "flytjandi".

Kappsmál - Hvar er skammarkrókurinn í þessu diskósetti?

[Þorsteinn Briem, 7.9.2019 kl. 13:33]

Síðastliðinn þriðjudag:

The Irish Times - How Mike Pence shat on the new carpet

[Sæmundur Bjarnason, 7.9.2019 kl. 14:37]

Góður ekki Pence er par
pirrar margar hræður.
Einsog fésbók fari þar
flytur lyga-ræður.