578. - Meiri líkur fyrir Geir að halda flokksformennskunni ef hann segir strax af sér

Fór niður í bæ í dag. Fyrst á Austurvöll en þar voru engir mótmælendur. Þeir fundust svo við stjórnarráðið en fóru svo aftur á Austurvöll en ég heim. Hef horft og hlustað á fréttir og þessháttar í kvöld og það er engin ástæða til að vera að blogga mikið um þetta. Ríkisstjórnin mun tæpast lifa þetta af. Geir er þó enn í afneitun.

Langskynsamlegast væri fyrir ríkisstjórnina að semja strax með sæmilega skipulögðum hætti um kosningar og stjórnarfyrirkomulag fram að þeim. Ótrúlegt er að stjórnin lafi framyfir landsfund Sjálfstæðisflokksins og möguleikar Geirs eru meiri á að halda formannssætinu þar ef hann segir af sér núna fyrir hönd ríkisstjórnarinnar.

Athugasemdir

[Sigurður Þór Guðjónsson, 21.1.2009 kl. 23:00]

Sjálfstæðismenn eru svo miklir aumingjar að þeir munu kjósa Geir semformann alveg einróma.

[Kjartan Pétur Sigurðsson, 22.1.2009 kl. 09:48]

Ekki meir Geir

[Guðbjörn Guðbjörnsson, 22.1.2009 kl. 18:52]

Siguður Þór:

Þarna skjátlast þér hrapalega og sjálfstæðismenn eru þegar farnir að undirbúa mótframboð gegn Geir H. Haarde!