912 - Icesave

Þá er Icesave frá. Eða að minnsta kosti komið til forsetans. Líkur eru á að strax á morgun (eða réttara sagt fyrir hádegi á eftir) muni reyna á hann.

Eftirminnilegast frá þingfundinum sem sjónvarpað var í kvöld er saga Þráins Bertelssonar um skítugu nærbuxurnar hans Stórólfs.

Margir þurftu að gera grein fyrir atkvæði sínu í sjónvarpsútsendingu þessari enda býðst sjaldan tækifæri til að ávarpa svo marga. Eini maðurinn sem gerði það á þann hátt að áhrif hefði á mig var Róbert Marshall.

Athugasemdir

[Þorsteinn Briem, 31.12.2009 kl. 03:45]

Á þingi er hann Þráinn Bertels,
og þefar oft af Stórólfs nærum,
en margar sjást þar píkur í pels,
og pósturinn með hægri gærum.

[Sæmundur Bjarnason, 31.12.2009 kl. 04:33]

Vísnagerðin varanleg
virðist öll í klessu.
Eiginlega ætti ég
ekki að svara þessu.

[Sigurlaugur Þorsteinsson, 31.12.2009 kl. 10:32]

Mér fannst ræða Þráins draga þetta mál nokkuð vel saman,en Róbert Marshall og Ögmundur skorðuðu hátt líka

[Þorsteinn Briem, 31.12.2009 kl. 15:45]

Ég óska þér og þínum gleðilegs nýs árs, Sæmi minn!

[Sæmundur Bjarnason, 31.12.2009 kl. 16:13]

Ögmundur var ágætur en of mikið í pólitíska hamnum fyrir mig. Kannski sá Róbert eftir því að greiða atkvæði á þennan hátt, en það fannst mér sumir gera úr hinum hópnum líka. Til dæmis Siv.

Takk Steini og sömuleiðis.

[Brjánn Guðjónsson, 31.12.2009 kl. 16:21]

heyrði í Þráni og Ögmundi, en missti af marskálkinum. hef líklega verið að sinna bústörfum þá

[Sæmundur Bjarnason, 31.12.2009 kl. 17:03]

Óska þér og þínum gleðilegs nýs árs, Brjánn og auðvitað líka öllum öðrum sem lesa þetta.

[Jóhannes Laxdal Baldvinsson, 31.12.2009 kl. 19:24]

Þótt Alþingis um gangi gólf
gæruklæddar píkur
Starir bar'á Stórólfs kólf
Steini engum líkur

 Gleðilegt nýjár Sæmundur og takk fyrir skemmtilega pistla

[Sæmundur Bjarnason, 31.12.2009 kl. 20:09]

Laxdalinn í leyni þar
langar víst í skjólið.
Pota vill í píkurnar
og pæjur fá í bólið.

Takk Jóhannes og gleðilegt nýjár öllsömul.