466. - Enn minnkar trúverðugleiki stjórnmálamanna

Það er ekki auðvelt að burðast við að blogga og minnast ekki á það sem allir tala um. Nefnilega bankayfirtökur og þessháttar. 

Ég býst við að til lengdar verði eftirtekja núverandi atburða sú að stjórnmálamenn verði jafnvel enn ótrúverðugri en verið hefur. Óhugsandi er að allir sjái ekki öðru hvoru augljósa lygi jafnvel hjá sínu uppáhaldsfólki. Flestir stjórnmálamenn ljúga blákalt ef þeir halda að þeir græði eitthvað á því.

Ég nefni engin nöfn og vil ekki taka þátt í persónulegu skítkasti en umræðan ber ekki lengur vitni um venjulegt pólitískt karp. Það er eitthvað miklu meira á seyði. Þó held ég að stjórnin lafi eitthvað áfram.

Athugasemdir

[Sæmundur Bjarnason, 1.10.2008 kl. 12:42]

Já, þeir fá að minnsta kosti stuðning í kosningum. Stuðningsmenn flokka reyna að ég held í lengstu lög að trúa því að þeirra menn séu skárri en hinir. Það verður erfiðara nú en áður.

[Sæmundur Bjarnason, 1.10.2008 kl. 16:22]

En ef þjóðinni er ekki treystandi til að taka svona ákvarðanir þá hverjum? Ég hef ekki trú á einræði.