1106 - Kirkjumál

Kirkjan vill ekki skera niður nema um fimm prósent þegar ríkisstjórnin vill skera útgjöld til kirkjumála niður um níu prósent. Skamm, skamm. Mér finnst að kirkjan ætti að ganga á undan með góðu fordæmi og ekki láta eins og óþægur krakki. 

Kirkjan er óþörf segja margir. Að ýmsu leyti er hún úr takti við tímann. Hefur eiginlega alltaf verið það. Mörgum finnst blóðugt að vera að eyða peningum í stórum stíl í þetta apparat þegar illa stendur á eins og núna. Það finnst mér líka. Kannski væri gott ráð hjá þeirri vinstri stjórn sem nú situr að auka vinsældir sínar með því að setja kirkjunni stólinn fyrir dyrnar. Þó kannski ekki, hvað veit ég?

Vilja Íslendingar hafa kristna kirkju þó þeir séu illa kristnir sjálfir upp til hópa? Guðsorð er þeim ekki tamt á tungu en hatrammar bloggdeilur benda til trúarþarfar.

Mér finnst ekki að blogg eigi að vera einskonar framlenging fréttaskrifa. Réttara sagt fréttaskýring, meina ég. Hver og einn skýrir fréttirnar með sínu nefi (eða tölvu) og allir eru einstakir. Eru þeir sem duglegir eru að skrifa eitthvað betri en aðrir? Blogg eiga að vera hugleiðingar um lífið og tilveruna. Sjálfur hugleiði ég mest blogg og það speglast í skrifum mínum. Bloggið er upphaf og endir alls. Samtal við sálina. Búksorgir eru hismi.

Minn daglegi pistill er oftast um blogg. Get ekki að því gert. Svona er þetta bara.

Og nokkrar myndir:

Frá Kópavogshöfn.

Einhverjar jurtir.

Fluga að störfum.

Girnileg ber.

Bauja á þurru landi.

Krabbaslys.

Athugasemdir

[Hólímólí 10.8.2010 kl. 01:50]

Var krabbinn látinn þegar þú komst að honum?

[Sæmundur Bjarnason, 10.8.2010 kl. 06:22]

Já, hann var látinn. Jafnvel vel látinn og þar að auki látinn í friði.

[Jóhannes Laxdal Baldvinsson, 10.8.2010 kl. 07:39]

Fluga að störfum!  góður   Vonandi bíður hennar ekki eins sviplegur dauðdagi og látna krabbans.

[DoctorE 10.8.2010 kl. 07:51]

Kirkjur hafa aldrei gengið á undan með góðu fordæmi... þvert á móti hefur alltaf þurft að þvinga kirkjur og kufla í allt...

Þúsundir verkamanna halda þessu fáránlega liði uppi... á bakvið einn prest eru ótal VINNANDI hendur... skömm að þessu svindli öllu saman

[Sæmundur Bjarnason, 10.8.2010 kl. 08:59]

Doctore, prestarnir gera samt gagn. Þeir eru ekkert öðruvísi en annað fólk. Þú og aðrir geta verið á móti því skipulagi sem þeir vinna eftir en það er óþarfi að atyrða mennina sjálfa.

[doctore 10.8.2010 kl. 09:04]

Ég segi það sem ég segi vegna þess að það er ekki smuga að fara í gegnum prestsnám án þess að sjá að um púra lygasögu er um að ræða... Ég get afsakað fólk sem er bara í kristni vegna þess að það veit ekki hvað innihaldið er... en að menn hafi legið í þessari bók árum saman án þess að ganga út... það ber vitni um óheiðarleika... Það er ekki hægt að boða trú án þess að vera óheiðarlegur... nú eða bara gaga

[K.H.S., 10.8.2010 kl. 09:33]

Ég er frekar ósammála þér. Kirkjan er að segja upp 20 góðum starfsmönnum í þessu átaki. Það er alrangt að segja upp góðum starfsmönnum á þessum tímum. Það fyrirtæki sem ég vinn hjá ákvað straks þegar kreppti að að segja engum upp. Rætt var við alla starfsmenn og þeir beðnir um að taka á sig tímabundna launaskerðingu til að allir hefðu vinnu áfram. Það samþykktu allir. Þetta bar árangur , fólki var greidd út skerðingin að ári liðnu og nú er góður vöxtur hjá fyrirtækinu og starfsmönnum fjölgar, Að detta í niðurbrot og aumingjaskap er ekki það sem hj´lpar. Allflestir láta jú Kirkjunnar menn skíra sig ferma og grafa. Leitað er til kirkjunnar þjóna þegar miklar raunir ganga yfir og huggunar er þörf. Ég vildi ekki vera í amfélagi þar sem kristni og almenn trúrækni væri ekki til staðar. Held það samfélag mindi fljótt breitast í voðastað. Manneskjan er bara þannig að hún þarf eitthvað að höfða til og þá er eins gott að það sé eitthvað sem boðar kærleika og manngæsku. Kirkjan hefur oft misstigið sig með hræðilegum afleiðingum , en samt er hún helsta vonin. Bestu kveðjur.

[Tinna Gunnarsdóttir Gígja, 10.8.2010 kl. 10:30]

Kári: Er almenn trúrækni hér á landi? Skv. skoðanakönnunum samþykkir ekki nema helmingur þjóðarinnar trúarkenningar þjóðkirkjunnar og mun færri eru "trúræknir" á þann hátt að þeir fari í kirkju utan athafnanna - brúðkaupa, jarðarfara, skírna og ferminga. Þessar athafnir fá prestarnir greitt aukalega fyrir og myndu halda áfram að gera það þó ríkið hætti að borga þeim laun.

Það er annars ágætis hugmynd að láta prestana taka á sig launaskerðingu. Hvers vegna fylgja þeir ekki orðum meints leiðtoga lífs síns: 

"Farið og prédikið: Himnaríki er í nánd. Læknið sjúka, vekið upp dauða, hreinsið líkþráa, rekið út illa anda. Gefins hafið þér fengið, gefins skuluð þér láta í té. Takið ekki gull, silfur né eir í belti, eigi mal til ferðar né tvo kyrtla og hvorki skó né staf. Verður er verkamaðurinn fæðis síns." 

[doctore 10.8.2010 kl. 11:50]

Það má öllum vera löngu ljóst að trúarleiðtogar eru ekki til fyrirmyndar... .þeir eru líka langlélagastir í að fylgja boðskapnum sem þeir vilja að aðrir farir eftir.

Margir taka þetta sem fórn... þið vitið; Erfiðara er fyrir ríkan mann að fara til himnaríkis en úlfalda í gegnum nálarauga....

[Gísli Ingvarsson, 10.8.2010 kl. 16:31]

Maður spyr sig. Þurfum við að halda uppi landbúnaði með ríkisstyrkjum? Eigum við að borga skuldir kvótagreifanna? Höfum við efni á 7 háskólum? Þarf ríkið að baktryggja bankana sem eru á leið í þrot?

Einhvernvegin finnst mér að það þurfi að forgangsraða. Þá finnst mér mál presta minniháttar vandamál og hægt að leysa með hægðinni. Til dæmis með aðskilnaði ríkis og kirkju. Ekkert forgangsmál í dag miðað við það sem ég nefndi að ofan.

[doctore 11.8.2010 kl. 13:44]

Jahá Gísli.. það er sori á ýmsum stöðum og því er best að halda kirkjusoranum á spenanum...

Það er ekki bara peningalega sem ríkið þarf að losa sig við kirkju... það er einnig vegna þess að það er VANDIRÐING við alla þá sem eru ekki kristnir, að hér sé ríkist´ru