1084 - Bloggið ógurlega

Mikið skil ég Sigga Þór vel þegar hann segir að bloggið sé ógeðslegt og leiðinlegt. Samt er það ómótstæðilegt. Kannski er hann kominn lengra á þroskabrautinni með því að fíla fésbókina betur. (Eða fasbókina - ætla samt helst ekki að gefa mig) Mér finnst fésbókin uppáþrengjandi og staglsöm. Sennilega þarf ég bara að stjórna henni með markvissari hætti og stilla hana betur inná sjálfan mig og mínar þarfir. En þá missir maður af svo mörgu sem er í rauninni athyglisvert.

Einhver sagði (líklega á bloggi) að Daníel Hannan væri dæmi um örvæntingarfullan innflutning á breskum sérvitringum. Sammála því. Það þarf enga útlendinga til segja manni að ESB sé ómögulegt. Margir slíkir eru þeirrar skoðunar. Sumir segja að Samfylkingarmenn séu í hjarta sínu á móti ESB en láti svona vegna flokksforystunnar. Öfugt er þessu farið með mig. Er fyrir löngu orðinn sannfærður um að ESB henti okkur ekkert ver en öðrum.

Er sammála Villa í Köben um að pólitíkin er óttalega leiðinleg. Kannski erum við pínulítið líkir þegar allt kemur til alls. Hann talar um Ísrael en ég um blogg. Bæði fyrirbrigðin eru umdeild.

Er ég einn um það að vera alltaf að fá Nígeríubréf eða eru bara allir hættir að tala um þau? Hér er það nýjasta. Mér finnst aðferðafræðin fara batnandi: (greinaskilum og þessháttar sleppt.)

Greetings,
I understand that through Internet is not the best way to link up with you because of the confidentiality which my proposal demands.
However, I have already sent you this same letter one month ago,but I am not sure if it did get to you since I have not heard from you, hence i am constrain to reach you through the Internet which has been abused over the years.
I wish to notify you again that You were listed as a Heir to the total sum of (Three Million Six Hundred Thousand British Pounds) in the codicil and last testament of the deceased.(Name now withheld since this is our second letter to you). We contacted you because you bear the surname identity and therefore can present you as the Heir to the inheritance funds.
Please indicate your interest immediately for us to proceed. I shall feed you with full details of this transaction upon receipt of your reply towards this proposal.
All the legal papers will be processed in your acceptance. In your acceptance of this deal, we request that you kindly forward to us your letter of acceptance; your current telephone and fax numbers and a forwarding address to enable us file necessary documents at our high court probate division for the release of this sum of money.
I look forward to hearing from you.
Mr.Anthony Martin Esq.
Clive Fullerton
Trevor Smyth & Co
Chester House, 13 Chichester Street,
Belfast, BT 1 4JB
Private Telephone [phone]

Og fáeinar myndir:

Útimarkaður í Mosfellsdal.

Kaka á útimarkaðnum.

Skammt frá Reykjakoti við Hveragerði.

Mallhvít og dvergarnir sjö.

Fuglahús á stöngum.

Reykjafoss.

Athugasemdir

[Grefill 19.7.2010 kl. 03:13]

Ég hef ekki fengið Nígeríubréf síðan 2003. Var eiginlega búinn að gleyma þeim. En þetta sem þú settir inn er kunnuglegt. Ótrúlegt að fólk skuli enn falla fyrir þessu.

[Sigurður Þór Guðjónsson, 19.7.2010 kl. 10:57]

Það var eiginlega hrunið sem drap sjarmann sem var á blogginu. Þessi stóryrti og æsti pólitíski hamur sem kom eftir það er mjög hvimleiður. Það er samt hægt að finna eitt og eitt blogg sem er þess virði að lesa. Hvað fasbókina snertir þá er hún í mínum augum fyrst og fremst bara skemmtiefni. En þar ríkir vissulega eins konar skipulögð uppgerð. Kannski fylgir það öllum persónulegum netmiðlum að vera með það. Komdu til dyranna eins og þú ert klæddur á fasbók, líka þegar þú ert í vondu skapi og menn munu hundskamma þig. Þú ÁTT að vera hress og skemmtilegur á fasbók. En kannski er ekki hægt að búast við öðru. 

[Sæmundur Bjarnason, 19.7.2010 kl. 12:02]

Þetta með að hrunið hafi drepið bloggið er einföldun. Vissulega hafa margir ánetjast hrunfréttum og láta þær stjórna öllu sínu bloggelsi. (ef ekki lífinu öllu.) Auðvelt er samt að sniðganga slík blogg og hugsa um eitthvað annað. Ef fésbókin er bara skemmtiefni þá hlýtur bloggið að vera svolítið alvarlegra. Mér finnst óreiðan á fésbókinni vera fullmikil og öllu æja saman. Það er pínulítið skárra að flokka bloggið og raða því (í huganum) og þetta með hressleikakröfuna blæs ég á. Endilega að vera fúll öðru hvoru.

[Sigurður Þór Guðjónsson, 19.7.2010 kl. 13:17]

Mér finnst langmest gaman að vera ALLTAF fúll! Það hef ég lært af honum Mala the malicious. 

[Brjánn Guðjónsson, 19.7.2010 kl. 13:57]

Ég er sammála Sigurði með að blogginu hefur farið aftur eftir hrun. Fáir blogga um annað en þjóðmálin. Ég undanskil ekki sjálfan min, enda nenni ég sjaldan að blogga núorðið. Maður hefur sogast inn í leiðindin og orðinn samdauna.

Facebook upplifi ég allt öðruvísi. Svona ekki ósvipað og sjoppuhangs unglingsáranna. Þar hittir maður allt „liðið“ en þó lítið, ef eitthvað, um að vera í sjálfu sér.

[Hrannar Baldursson, 19.7.2010 kl. 22:00]

Ef maður dettur þarf maður að rísa upp. Ef kerfið hrynur þarf að reisa það við.

Mér líkar við þýðinguna fasbók. Skora á þig að halda fast í hana. 

[Sæmundur Bjarnason, 19.7.2010 kl. 22:25]

Hmm, Hrannar það er ég sem skrifa oftast fésbók en Sigurður Þór (og Páll Bergþórsson o.fl.) vilja gjarnan nota fasbók. Kært barn hefur mörg nöfn. Um þetta má segja margt og líka um hrunið.