917 - Blaðamannafundur

Ég hef svosem fátt að segja. Mundi sjálfur fara á þennan blaðamannafund ef ég ætti eitthvert erindi. Kem líklega til með að horfa á hann í sjónvarpinu. 

Auðvitað getur forsetinn sagt annaðhvort já eða nei. Svo getur hann líka frestað málinu enn frekar eða komið með nýtt útspil. Það væri það óvæntasta.

Eins og ég hef áður útskýrt á mínu bloggi álít ég að forsetinn horfi fyrst og fremst á þetta mál frá sjónarhorni stjórnskipunar og möguleg eða líkleg áhrif ákvörðunarinnar á hana.

Athugasemdir

[Jóhannes Laxdal Baldvinsson, 5.1.2010 kl. 13:12]

Þú ert greinilega farinn að draga dám af forsetanum Sæmundur.  Þú veist að þjóðin býður í ofvæni eftir pistli frá þér á miðnætti hvers dags og nú hefurðu látið hana engjast í óvíssu í 3 klukkutíma

[Sæmundur Bjarnason, 5.1.2010 kl. 15:40]

Ha ha. Eins og Snorri Sturluson sagði þá er oflof háð. Ef þjóðin er bara tvö til þrjú hundruð manns (skv. teljara Davíðs) þá er þetta kannski rétt.

[Kama Sutra, 5.1.2010 kl. 18:46]

[Ólafur Sveinsson 6.1.2010 kl. 12:50]

Hvar er línan fyrir daginn?

[Sæmundur Bjarnason, 7.1.2010 kl. 21:12]

Ha? Línan fyrir daginn. Skil þig ekki alveg. Nenni ekki að skrifa á hverjum degi. Nú þarf ég að hvíla mig

Ítarlega. 

[Ólafur Sveinsson 8.1.2010 kl. 21:46]

Þú ættir að láta okkur vita, hve langt fríið verður, svona hér um  bil?
Ég nýt þess að heyra kurrið í þér!

[Sæmundur Bjarnason, 9.1.2010 kl. 15:07]

Veit ekki hvenær ég byrja aftur. Er ekkert hættur. Bara að hvíla mig. Athuga kannski með að blogga fljótlega. Það er ekki erfitt. Ég er búinn að venja mig á að fimbulfamba eitthvað.

[Kama Sutra, 9.1.2010 kl. 22:21]

Mér finnst nú ósköp þægilegt að vera bara með letiblogg, þar sem ekkert er verið að þrýsta á mann að skrifa eitthvað þegar maður nennir því ekki.

[Lára Hanna Einarsdóttir, 10.1.2010 kl. 01:08]

Er farin að sakna pistlanna þinna, en taktu þér góða hvíld. Það er okkur öllum hollt.

Hlakka til að fá þig aftur úr hvíldinni... 

[Sigurður Hreiðar, 12.1.2010 kl. 11:45]

Það er gott að hvíla sig á fimbulfambinu. Vona að það fari vel um þig þar sem þú ert núna og þú verðir heppinn með veður -- og hlýju.

[Sæmundur Bjarnason, 12.1.2010 kl. 16:51]

Takk öll.

Kannski blogga ég bráðum. Það er ekkert erfitt þaðan sem ég er. En núna er ég í fríi frá öllu saman, bloggi, fréttum frá Íslandi o.s.frv. Læt mér bara líða vel.

[Hrannar Baldursson, 13.1.2010 kl. 09:59]

Láttu þér líða vel í fríinu. Var einmitt farinn að sakna þinna reglulegu skrifa. Ég ætti sjálfsagt að taka þig til fyrirmyndar og taka mér sjálfur bloggfrí, og reyna að kúpla mig út úr þessu pólitíska þrasi sem umræðan virðist sífellt lenda í, sama hvað maður reynir að benda á mikilvægi þess að fólk einfaldlega hlusti hvert á annað.

Hilsen frá Norge!

[Ásthildur Cesil Þórðardóttir, 13.1.2010 kl. 11:34]

Láttu þér líða vel Sæmundur minn og svo er að safna kröftum fyrir átökin framundan.