1882 - Stjórnarskráin og mynd af loftsteininum yfir Rússlandi

Myndin hér fyrir ofan (ef mér tekst að setja hana þar sem hún á að vera) er einhver besta myndin sem ég hef séð að þeim einstaka atburði sem átti sér stað í gærmorgun yfir Rússlandi. Nánari og betri umfjöllun um þetta er eflaust hægt að finna víða á netinu. Charmaine Butler visar t.d. á facebook-síðu sinni á ágæta umfjöllun. Þetta er sett fyrir ofan umfjöllunina um stjórnarskrán sem ég var búinn að skrifa í gærkvöldi en átti eftir að setja upp á bloggið mitt.

Þá er víst komið að stjórnarskránni. Ekki er ég neinn sérfræðingur í slíku en mikilvægasta ákvæðið í henni virðist mér vera hvernig á að breyta henni ef sú staða kemur upp, sem hún áreiðanlega gerir.

Eins og nú er þarf að samþykkja þá breytingu (þær breytingar) á tveimur þingum og þingkosningar að vera á milli. Árið 1959 var kjördæmaskipunin (gamla) tekin upp. Þá var stutt sumarþing og síðan kosið aftur. Eftir það hefur stjórnarskránni nokkrum sinnum verið breytt án þess að mikla athygli vekti, enda hefur henni þá aðallega verið breytt til hagsbóta fyrir fjórflokkinn.

Samkvæmt því stjórnarskrárfrumvarpi sem nú er verið að ræða um er hægt að breyta stjórnarskránni á einu þingi og síðan þarf að staðfesta þá breytingu í þjóðaratkvæðagreiðslu.

Auðvitað eru mörg önnur atriði í nýju stjórnarskrárdrögunum mjög tilraunakennd. Að óttast allar breytingar er íhaldssemi. Feneyjanefndin leggur til að breyta aðeins þessu ákvæði varðandi breytingarnar að þessu sinni en bíða með aðrar breytingar. Hugsanlegt er að um það náist einhverskonar samkomulag.

Mér finnst samt ástæðulaust að bíða lengur. Það er búið að ræða fram og aftur um stjórnarskrárbreytingar og nýja stjórnarskrá undanfarin ár og áratugi. Alltaf verða einhver mál sem hugsanlegt er að halda áfram að ræða, en einhverntíma verður að hætta.

Ef þetta frumvarp er ómögulegt verður það ekki samþykkt af næsta þingi. Það er alveg áreiðanlegt. Þannig getur það vel orðið mikilvægasta spursmálið í kosningunum í vor hver afdrif stjórnarskárfrumvarpsins verða þá. 

البرنامج، فإنك تمنح موافقتك على كل بنود هذه الاتفاقية.  إذا لم توافق على كل البنود، فلا تقم بتنزيل أو تثبيت أو استخد البرنامج، وإذا أمكن، قم بإعادته على الفور إلى المكان الذي اشتريته منه لاستعادة قيمة الشراء. إذا كان البرنامج متضمناً مع الجهاز الذي قمت بشرائه، فيجب عليك إعادة حزمة الجهاز/البرنامج كلها لكي تستعيد قيمة الشراء.  في حالة الحصول على البرنامج إلكترونياً، فانقر فوق "لا أوافق" لإيقاف عملية التنزيل.

Það er alltaf gaman að skreyta mál sitt með einhverju svona. Því miður hef ég enga hugmynd um hvað þetta þýðir. Veit bara að þetta er Times New Roman fontur og 12 punktar.

Á sunnudaginn kemur á víst að halda sýningu í húsinu hans Kristins Péturssonar í Hveragerði. Ég man vel eftir Kristni. Okkur unglingunum þótti hann jafnvel skrýtnari en listamenn eru venjulega.

Ekki gat ég alveg staðið við það að ræða bara eitt mál í blogginu, en tilraun var það og tókst næstum því.

Víkin.

Athugasemdir

[Sigurður Hreiðar, 16.2.2013 kl. 11:03]

Ég veit að ég er ekki sá eini sem gerði eindregið ráð fyrir að í nýrri stjórnarskrá væri settur fótur fyrir endalaust flokkaflakk: sá sem ekki treystir sér lengur til að framfylgja þeirri stefnu og málum svo flokkur hans var kosinn út á (því það var ekki verið að kjósa þennan einstakling persónulega) skilar einfaldlega kjörbréfi sínu og varamaður tekur við.

Og fari sem horfir verður þetta víst að vera „flokkur eða framboð“. Mér sýnist að sumir nýju flokkarnir ætli ekki að vera flokkar heldur bara framboð.

Álíka munur eins og á rannsókn og skoðun.

[Sæmundur Bjarnason, 17.2.2013 kl. 01:04]

Meðan alþingi ræður öllu um stjórnarskrána er þess ekki að vænta að skorður verði settar við "flokkaflakkararéttinum" enda ekki öruggt að það sé æskilegt.

Er það hæstiréttur sem ákveður hvaða skilningur er lagður í orð? Þeir vilja samt eflaust ráða því.

Stjórnarskráin getur aldrei orðið þannig, að allir séu sáttir við hana.