1097 - Grefill og Kristinn

Deila þeirra Grefils og Kristins Theódórssonar kemur mér fyrir sjónir sem alltof ómarkviss og orðmörg. Kristinn er fastur í sínum skilningi á rökræðum og fremur hógvær. Grefill finnst mér hafa komið skyndilega fram sem orðhákur hinn mesti. Fæstir bjuggust held ég við því. Kannski er hann „troll" en hann er þá óvenju skemmtilegur sem slíkur. 

Deilu þeirra finnst mér vel mega ræða um án þess að nefna trúmál sem þeir þó deildu í fyrstunni um. Báðir vildu ráða því hvernig umræðan þróaðist og auðvitað var Kristinn í betri aðstöðu við það þar sem umræðan fór fram á hans bloggi.

Veit ekki hve margir fylgdust með þeirri deilu né hve margir fylgjast nú með eftirköstum hennar. Þau eru samt ekki síður áhugaverð en deilan sjálf. Grefillinn boðar ritgerð um net-ofbeldi og ég bíð eftir henni.

Hægir svefn á meltingu? Ég spyr sjálfan mig að þessu vegna þess að ég get alls ekki tekið það gott og gilt þó mér sé sagt að morgunverður sé besta og mikilvægasta máltíð dagsins. Að óathuguðu máli gæti ég álitið að meltingin ætti að geta dundað sér við sín störf meðan maður sefur og þarf ekki að vera að gera neitt annað. Þykir nefnilega best af öllu að fá mér eitthvað í gogginn rétt áður en ég fer að sofa en samkvæmt morgunverðarvísindunum ætti það ekki að vera hollt. En af hverju?

Þéranir eru sjaldgæfar í auglýsingum núorðið. Þó ekki með öllu óþekktar. Heyrði nýlega sagt í útvarpsauglýsingu: „Kaupið yður (eitthvað sem ég man ekki hvað var) - Verslunin Geysir." Véranir eru þó með öllu aflagðar í máli manna. Síðasti maðurinn sem ég man eftir að véraði sig með látum og gerði það vel var Kristján Eldjárn forseti.

Icesave-vitleysan kemur til með að tröllríða fréttum bráðlega og ekki síðar en þegar þingið kemur saman í haust. Líklegast er að hún blandist Evrópusambandsviðræðunum þó ekki sé ljóst hvernig hún gerir það. Sjálfstæðismenn og aðrir hrunverjar hljóta að reyna að koma því í gegnum þingið að hætt verði við þær viðræður.

Og nokkrar myndir:

Mosavaxinn staur.

Svartur sveppur.

Hið úfna Akrafjall.

Fífa.

Foss.

Athugasemdir

[Billi bilaði, 1.8.2010 kl. 01:36]

Ég held að aðalvandamálið sé að Grefill veit það ekki sjálfur að hann er tröll.

[Kristinn Theódórsson, 1.8.2010 kl. 02:36]

Ég held að aðalvandamálið sé að Grefill veit það ekki sjálfur að hann er tröll.

Bravó. Spot on.

[Bjarni Sæmundsson 1.8.2010 kl. 07:12]

Mér kom þetta fyrir sjónir sem einelti gegn Grefli. Það var gert í því að hæðast og gera lítið úr honum og haldið áfram þó hann væri búinn að missa stjórn á sér. Tek það fram að ég renndi hratt yfir þetta, en þetta er allavega sú sýn sem ég hafði af þessari svokölluðu ritdeilu.

[Kristinn Theódórsson, 1.8.2010 kl. 07:50]

Mér kom þetta fyrir sjónir sem einelti gegn Grefli. Það var gert í því að hæðast og gera lítið úr honum og haldið áfram þó hann væri búinn að missa stjórn á sér.

Þá hefur honum heldur betur tekist að gera sig að fórnarlambi. Ég lofa þér því, Bjarni, að ég var ekki að leggja Grefil í einelti, heldur þvert á móti að reyna að enda þessa vitleysu á meðan ég hélt að honum væri alvara. En þá fór hann að tala um að þetta væri allt leikaraskapur og nú veit hann einn hvað honum gekk til eða hvort þetta var allt einhver húmor hjá honum.

[Jón Ólafsson 1.8.2010 kl. 09:21]

Ég fylgdist ekki með þessu en hef verið að skoða nokkuð vel hvað gerðist og get ekki betur séð en að Grefill hafi rétt fyrir sér í því að hafa verið beittur miklum órétti, sérstaklega þegar Kristinn breytti síðunni sinni, falsaði þar með atburðarásina og kenndi svo Grefli um að hafa hlaupið frá kappræðunni þegar það var hann sjálfur sem lauk henni með því að setja Grefli stólinn fyrir dyrnar. Þetta var lúalega gert. Ég hefði líka orðið reiður.

Eftir það er síðan kostulegt að lesa þær stanslausu árásir sem Grefill verður fyrir á sinni eigin síðu frá trúleysingjum sem fara margir hverjir langt með að sanna að hann hefur hárrétt fyrir sér þegar hann kallar þá ofsa og öfgamenn.

[Kristinn Theódórsson, 1.8.2010 kl. 10:53]

Til skýringar.

Um nóttina þann 25.7.2010 kl. 02:58 segir Grefill í umræddum þræði:

Hér er hann [Kristinn] að segja þráðbeinum orðum að hann muni færa öll utanaðkomandi innlegg sem koma inn á þennan þráð yfir á hinn þráðinn.

Ég vona að hann standi við þetta, enda allt annað bara óheiðarlegt, og um leið að hann færi þá innlegginn yfir  í réttri röð, en taki ekki upp á að hagræða þeim eða breyta á nokkurn hátt.

Á hádegi tæpum 10 tímum síðar - eftir að ég hafði sofið og síðan verið í sundi með börnunum mínum og ekkert fylgst með þessu (nema rétt til að segja að ég tæki til í þræðinum þegar Grefill kæmi með rök) - tók ég út öll innlegg nema okkar Grefils - eins og hann óskaði eftir - en flutti þau ekki yfir því þetta var svo mikið að ég nennti því ekki.

6 tímum eftir það lokaði ég á Grefil því hann sagðist ekki ætla að ræða við meira og var bara eitthvað að rífast. síðan birti ég aftur öll innlegg svo ég þætti nú ekki vera að fela neitt, eins og Grefill hélt fram og kallaði falsanir, net-ofbeldi og mannorðsmorð.

Fram að því var það einlægur vilji minn að Grefill kæmi með innlegg sem innihéldi rök fyrir hans afstöðu í rökræðunum.

Hvað sem Grefill segir um málið, þá var það ekki ætlun mín að egna hann til reiði eða útiloka hann frá umræðunum. Það var hans niðurstaða að snúa upp á sig og neita að koma með rökin sín. Ég var allan tíman að vona að hann hressti sig við og kæmi með einhver rök, en honum þótti greinilega að hann yrði frá að hverfa og gerði það - en fór þess í stað að skrifa alla þessa ógurlegu pistla um mig - og aldrei glittir neitt í rökin góðu sem alltaf áttu að vera rétt handan hornsins.

Það var sem sagt ekki fyrr en hann gerði mér ljóst að hann væri svona reiður og eftir að hann lýsti því yfir að hann væri  að plata mig - því þetta væri hálfgerð tilraun, að ég gafst upp á því að spjalla við hann og lokaði á hann til að enda fjasið um falsanir og net-ofbeldi sem ég get ekki tekið undir að hafi átt sér stað.

Geri menn það viljandi að fela hluta innleggja í þræði til að láta viðmælanda sinn líta bjánalega út - í því samhengi sem eftir verður, þá er það að sjálfsögðu leiðinleg hegðun, þótt reglur mbl.is segi ekkert um að bloggari megi ekki haga þeim málum eins og honum sýnist.

Grefli hafði hinsvegar fullt tækifæri til að segja frá því í lokainnleggi sínu skömmu eftir hádegi þennan dag að hann væri hættur að tala við mig vegna þess sem kæmi fram í innleggjum sem ég hefði falið, að ég hefði ekki fylgt reglum um að færa innlegg fyrr en og seint og illa að hans mati. En í stað þess að segja það bara og láta sig hverfa fór hann út í þessi ógurlega níðskrif sem hér hafa verið síðustu daga.

Ég stöðvaði sem sagt ekki umræðuna, Grefill gerði það sjálfur með því að láta stoltið flækjast fyrir sér við að koma með meintu rökin sín. Ég lokað hinsvegar á hann eftir að umræðan var farin að fjalla um þetta fjas eingöngu en ekki það hvort trúleysi sé trú.

[Grefillinn Sjálfur - Koma svo! 1.8.2010 kl. 11:39]

Ég sé að Kristinn er byrjaður að peista lygum sínum á annarra manna blogg, en þetta komment hér fyrir ofan setti hann líka inn á mína síðu.

Ég má því til með að svara honum hér á sama hátt og ég gerði þar:

------------------------

Hér lýgur Kristinn enn af ótrúlegri óskammfeilni. Hann stöðvaði umræðuna kl. 08:45 að morgni sunnudags með eftirfarandi innleggi, komment #59:

Kristinn: "Ég kippi hér öllu í liðinn þegar Grefill kemur með innlegg sem inniheldur rök. Þangað til er þetta opinn þráður."

Lesið aðdragandann að þessu kommenti frá mínu síðasta umræðuinnleggi og síðan það sem ég segi í kommenti #61. Þarna er umræðunni lokið. Engin spurning.

Fjórum klukkustundum síðar er hann búinn að falsa umræðuna eins og sjá má hér og bæta einu óskammfeilnu kommenti við. Takið eftir að í fölsuðu útgáfunni er kommentið hans #59 ekki lengur með enda það komment sem batt endi á umræðuna.

Ég tek það fram að eina ástæðan fyrir því að Kristinn breytti síðan öllu til baka, þ.e. af-falsaði fölsun sína, var að ég sýndi honum að ég ætti afrit af umræðunni og þar með hinni raunverulegu atburðarás. Sjá komment #75.

Um leið og hann sá að ég var með afrit sá hann líka um leið að ég gæti sannað uppá hann fölsunina. Þess vegna breytti hann öllu snarlega til baka og lokaði síðan á frekari komment frá mér í þeirri von að geta þaggað niður í mér.

Skoðið þetta vel (og jafnvel heildarfrásögnina) og þið sjáið að allt sem Kristinn segir hér í langlokunni fyrir ofan er kolsvört lygi manns sem vill ekki viðurkenna sök sína.

[Grefillinn Sjálfur - Koma svo! 1.8.2010 kl. 11:43]

Verð líka að segja að ef þetta mál færi fyrir óvilhallan dómara þá myndi ég vinna það léttilega.

Er reyndar að spá í að gera það, svo leiður er ég orðinn á lygum Kristins.

[Kristinn Theódórsson, 1.8.2010 kl. 11:53]

Ein spurning Grefill

Ef þú færir nú í mál og tapaðir málinu, myndir þú þá gefa því séns að þú hafir rangt fyrir þér með þennan skrípaleik?

[DoctorE 1.8.2010 kl. 11:58]

Við skulum átta okkur á því að rökræður skila engu í trú... menn geta karpað fram og aftur um kjaftæðið í galdrabókum.. við hina og þessa ofurkrissa... skilar engu.

Enda er ætlunin ekki að ná til ofurkrissa per se, margir þeirra eru algerlega vonlausir.. menn eins og Mofi og fleiri...

"Venjulegt" fólk sem er skráð í trúarsöfnuði veit lítið sem ekkert um það sem það er að játa trú á, það hefur bara heyrt væmnar Sússa sögur.. innprentaðar í huga þeirra frá barnaldri.
Eina leiðin er að sýna fáránleika þess sem fólkið er búið að skrifa undir.... það er nefnilega einn stór brandari með fjöldamorða ívafi.

Trúarbrögð eru pólítík fáráðlinga...

[Grefillinn Sjálfur - Koma svo! 1.8.2010 kl. 11:59]

Skil nú bara ekki þessa spurningu en spyr þig á móti: Ef fundinn er aðili sem við treystum báðir sem óhlutdrægum og réttsýnum myndirðu þá samþykkja að leggja málið í hans/hennar dóm og taka niðurstöðunni sem endanlegri?

[Grefillinn Sjálfur - Koma svo! 1.8.2010 kl. 12:01]

DoktorE: Málið hér snýst ekkert lengur um trú heldur óheiðarleika og netofbeldi Kristins Theódórssonar.

[DoctorE 1.8.2010 kl. 12:13]

Grefill.. ég fylgdist ekkert með þessu hjá ykkur, EN ég sagði strax í upphafi að þetta myndi enda í rugli :)

[Grefillinn Sjálfur - Koma svo! 1.8.2010 kl. 12:18]

DoktorE: Ég fór út í þetta til að sýna og sanna hvernig ofbeldi er beitt miskunnarlaust á netinu. Mér datt hins vegar aldrei í hug að Kristinn og hans "menn" myndu ganga svona langt eins og þeir hafa nú gert.

[Kristinn Theódórsson, 1.8.2010 kl. 12:18]

Ég átti nú bara við Héraðsdóm Reykjavíkur, alveg óháð því hvað okkur kann að finnast um dómarana, Guðbergur.

Ég beitti þig hvorki ofbeldi né var ég óheiðarlegur og ekki hef ég sakað þig um neitt slíkt hvorki fyrr né síðar, svo það er aðeins einn að ráðast á hinn hér og það ert þú sem ræðst að mér.

Hvernig þér finnst lokað á þig þegar ég segi að þráðurinn sé opinn er bara merkilegt.

Skoðaðu þessa jöfnu:

Þráðurinn er opinn, gjörðu svo vel og tjáðu þig eins og þú vilt, komdu með rökin sem þú þykist hafa upp í ermina = Kristinn að þvínga mig út úr umræðunum.

Það sér það hver maður að þarna er ekkert búið að þvinga þig eitt né neitt, eða útiloka þig á nokkurn hátt. Þvert á móti er allt galopið fyrir þig til að segja þina meiningu og sigra mig í rökræðunum.

Þráðurinn var opinn og er það reyndar núna líka og ekki lokað á nein af þínum fjölmörgu bloggum.

Það eina sem stendur í vegi fyrir þér er stoltið, Guðbergur minn. Þú ert fangi þíns eigin stolts. Og nú er ég orðin fangi stolts þíns líka, því þú virðist ætla að tala um mig þangað til yfir líður.

[Grefillinn Sjálfur - Koma svo! 1.8.2010 kl. 12:30]

Þetta mál fer aldrei fyrir Héraðsdóm Kristinn, það veistu vel.

Þetta sem þú segir þarna, í kommentinu hér að ofan, er skrumskæling á sannleika málsins og þú veist það manna best. Þetta sem þú hefur rautt hér fyrir ofan var aldrei sagt, það er skáldskapur þinn hér og nú. Þú lifir í þeirri von að fáir kynni sér málið til hlýtar.

Ég spyr þig aftur: Ef fundinn er aðili sem við treystum báðir sem óhlutdrægum og réttsýnum myndirðu þá samþykkja að leggja málið í hans/hennar dóm og taka niðurstöðunni sem endanlegri?

Svaraðu þessari spurningu í stað þess að teygja lopann og snúa út úr.

Já, eða nei, Kristinn?

[Kristinn Theódórsson, 1.8.2010 kl. 12:42]

Guðbergur

Þetta er ekki skrumskæling á málinu. Þetta segir þú sjálfur:

Hér lýgur Kristinn enn af ótrúlegri óskammfeilni. Hann stöðvaði umræðuna kl. 08:45 að morgni sunnudags með eftirfarandi innleggi, komment #59:

Komment #59 er svohljóðandi:

Ég kippi hér öllu í liðinn þegar Grefill kemur með innlegg sem inniheldur rök.

Þangað til er þetta opinn þráður.

Með þessu segir þú að ég hafi "stöðvað umræðuna" en það gerði ég augljóslega ekki.

-

Látum bara Sæma dæma (rímar, hlýtur að vera merki).

Ég skal hlíta hans niðurstöðu.

[Sæmundur Bjarnason, 1.8.2010 kl. 12:44]

Mér er illa við alltof langa svarhala. Sérstaklega er mér illa við að peistað sé óralöngum athugasemdum annars staðar frá. Hef samt ekki enn hent út athugasemdum og vil helst sleppa við það. Sem betur fer verður bráðlega fremur tilgangslítið að athugasemdast hér. Lesendum fjölgar varla mikið úr þessu.

[DoctorE 1.8.2010 kl. 12:50]

Bætum úr því Sæmi, með videói af ættingjum okkar.
http://www.youtube.com/watch?v=eubDSQrFako

Þeir eru ekki svo ólíkir.. og geta kennt hinum öpunum ýmislegt... mér sýnist líka að þeir séu með hálfgert helgihald þarna við fossinn :)

[Eiríkur 1.8.2010 kl. 13:51]

Ég las þessa umræðu þegar Kristinn og fleiri voru að hvetja Grefil til þess að koma með þessi rök sín. Þá var síðan opin öllum til að setja inn athugasemdir.

En af einhverjum ástæðum virðist Grefill hafa bitið það í sig að svara ekki fyren Kristinn færi að kröfum hans. Tæki út milli komment osfrv.

Fannst þetta vera einhverskonar afsökun og útgönguleið því hann hafði ekki fleiri rök.

Þetta hlaut auðvitað að lenda í tómri vitleysu.

[Grefillinn Sjálfur - Koma svo! 1.8.2010 kl. 14:36]

Það gerðir þú víst Kristinn. Og nei, Sæmi getur ekki verið dómari. Og þú getur ekki valið dómara einhliða.

Ég spyr í þriðja sinn: Ef fundinn er aðili sem við treystum báðir sem óhlutdrægum og réttsýnum myndirðu þá samþykkja að leggja málið í hans/hennar dóm og taka niðurstöðunni sem endanlegri?

Svaraðu þessari spurningu í stað þess að teygja lopann og snúa út úr.

Já, eða nei, Kristinn?

[Einar K. 1.8.2010 kl. 14:50]

Þessi Grefill er e-ð furðulegasta fyrirbæri sem ég hef séð á netinu, að Jóni Val Jenssyni meðtöldum. Það hvarflar að manni að maðurinn sé athyglissjúkur. Það er með ólíkindum hvað hægt er að skrifa mikið án þess að segja nokkuð af viti. Kristinn er með mikla yfirburði í þessari deilu, enda rökfastur og skarpur.

Bloggið þitt Sæmundur er hins vegar algjör öndverða þess sem Grefillinn býður upp á. Kíki hér oft við án þess að hafa nokkru sinni kommentað fyrr en nú.

[Sigurður Pétursson 1.8.2010 kl. 15:09]

Sælir: Þetta er Sigurður Pétursson, félagi Guðbergs Ísleifssonar - Grefils.

Blog.is hefur fyrirvaralaust lokað á bloggsíðu Guðbergs.

[Sæmundur Bjarnason, 1.8.2010 kl. 15:40]

Detti mér nú allar dauðar.....

Þetta er rétt. Ég sé ekki betur en báðum bloggum Grefilsins hafi verið lokað. Hversu fyrirvaralaust það hefur verið veit ég auðvitað ekki.

Þetta getur sennilega aðeins orðið til þess að heimsóknum hingað fjölgi. Nema þessu bloggi verði lokað líka!!

[Grefill 1.8.2010 kl. 15:59]

Sæll, Sæmi. Jú, jú, bara allt í einu var búið að loka og mér send tilkynning um að ég gæti aldrei fengið opnað aftur.

Ágætt innlegg svo sem í ritgerð mína um ofbeldi á Netinu.

Læt heyra í mér síðar.

[DoctorE 1.8.2010 kl. 16:10]

Hvaða ástæðu gefa þeir upp fyrir að loka á þig..?

Fáránlegt algerlega, en við vitum að mbl stendur fyrir ritskoðun á öllu nema sínum önnum... þeirra menn mega fara fram á aftökur á fólki og ég veit ekki hvað og hvað...

Ef það væri eitthvað vit í íslendingum þá hættu þeir að lesa mbl, að blogga á mbl... en því miður bera íslendingar enga virðingu fyrir sjálfum sér.

[Grefill 1.8.2010 kl. 16:34]

Þeir gefa í raun ekki upp neina ástæðu, segjast undir rós bara ekki líka við skoðanir mínar á trú og trúleysi og deilur mínar við Kristinn og félaga.

Það var einhver búinn að segja mér að það væri útsendari frá Vantrú á blog.is og að hann væri alveg til með að grípa inn í.

Ágætt innlegg samt - þótt súrt sé - í ritgerð mína um ofbeldi á netinu.

[DoctorE 1.8.2010 kl. 16:44]

Ég styð alla með að segja það sem þeim liggur á hjarta algerlega umbúðalaust.

Hvernig geta mbl menn horft á sjálfa sig í spegli eftir að þeir banna þig en leyfa Lofti að segja hvað sem er..

Þarna er einkavinavæðing mbl að verki... þarna er sanngirni og réttlæti sjálfstæðismanna í hnotskurn.

[Svanur Gísli Þorkelsson, 1.8.2010 kl. 16:55]

Sæll Sæmundur

Bloggið á þessum slóðum er viðkvæmur miðill en það kemur mér samt á óvart að lokað hefur verið á Guðberg að því er virðist fyrirvaralaust. Hér hlýtur eitthvað meira að búa undir en þessar súraelísku orðaræður sem þeir Kristinn áttu saman í. Það hlýtur að skýrast fljótlega eins og með aðra sem lokað hefur verið á. Ekki hefur verið lokað á Kristinn en á síðu hans fóru umræðurnar fram. 

[Grefill 1.8.2010 kl. 17:14]

Ég var varaður við því að á blog.is starfi einn af æðstuprestum Vantrúar og að hann myndi fylgjast með deilum mínum við þessa menn og loka á mig um leið og halla færi á þá.

Það hefur líklega komið á daginn að sá sem varaði mig við vissi hvað hann söng, enda braut ég engar notendareglur og hef aldrei gert.

[Svanur Gísli Þorkelsson, 1.8.2010 kl. 17:48]

Hver er þessi vantrúarmaður sem þú varst varaður við grefill?

[Grefill 1.8.2010 kl. 18:04]

Ég veit það ekki. Ég trúði því satt að segja ekki að þetta gæti farið svona og spurði þann sem sagði mér þetta því ekki um nafn Vantrúarmannsins sem starfar hjá blog.is. Hins vegar mun ég komast að því um hvern er að ræða.

[Reynir Harðarson 1.8.2010 kl. 18:05]

Augljós er ofurtrú Grefilsins á mátt Vantrúar en þetta eru ranghugmyndir, líkt og svo mörg trúin.

Ef við hefðum þessi völd og alla þá útsendara sem trúmenn sjá í hverju horni beittum við þeim ekki til að hefta málfrelsi andskota okkar, síst þegar málflutningur þeirra er eins afhjúpandi og hér um ræðir.

"Það var einhver búinn að segja mér að það væri útsendari frá Vantrú á blog.is og að hann væri alveg til með að grípa inn í."

Ólyginn sagði mér...  Býrðu á Leiti, Grefill? Skyldur Gróu?

Hlakka til að lesa kaflann um dylgjur í væntanlegri skýrslu þinni um netofbeldi.

Reynir (formaður Vantrúar)

[Grefill 1.8.2010 kl. 18:24]

Nei, sko, er ekki aðalæðstiprestur Vantrúarmanna mættur á svæðið í öllu sínu veldi, tilbúinn að verja úlfa sína og púka með gömlu góðu dylgjunum.

Það er gott að þig hlakki til að lesa ritgerð mína, Reynir, en hræddur er ég um að þú verðir ekki eins glaður að lestri loknum þegar upplýst verður um hvers konar sértrúarsöfnuð og öfgasamtök er að ræða í tilfelli Vantrúar. 

Fékk Kristinn annars fyrirskipun frá þér að eyða umræðusíðunni og fleiri síðum tengdum málinu til að koma sönnunum undan? Of seint. Ég á afrit af þessu öllu saman.

[Matthías Ásgeirsson, 1.8.2010 kl. 19:01]

Láttu ekki svona Guðbergur, segðu okkur bara hver útsendari Vantrúar á blog.is er - komdu með það.

ps. Ekki láta þér bregða þó internetsambandið þitt detti út einhvern tímann á næstu dögum!

[Brynjar Jóhannsson, 1.8.2010 kl. 19:11]

Ég segi bara eins og Björn Jr Friðbertsson "getur einhver sagt mér hvað er að gerast ?" Mér er fyrirmunað að skilja þessar þrasræður og finnst eiginlega skondið að hún endi í svona rosalegum sárindum.

[Kristinn Theódórsson, 1.8.2010 kl. 19:13]

Grefill spyr:

Fékk Kristinn annars fyrirskipun frá þér að eyða umræðusíðunni og fleiri síðum tengdum málinu til að koma sönnunum undan? Of seint. Ég á afrit af þessu öllu saman. 

Nei, ég tók þær einfaldlega út til að draga úr þessari umræðu, meðal annars þín vegna þar sem þú hefur verið lokaður úti og átt kannski erfitt með að fylgjast með og svara fyrir þig.

En þar sem það var túlkað sem samsæri gegn þér, eins og allt annað, þá hef ég nú hennt þessu inn aftur og læt það bara standa.

[Sigurður Þór Guðjónsson, 1.8.2010 kl. 19:32]

Ég held að það sé hyggilegt að standa sem minnst í trúmáladeilum.

[Grefill 1.8.2010 kl. 19:32]

Kristinn, þú ert ekkert að gera neitt "mín vegna". Allt sem þú segir og gerir er "þín vegna" og byggt á stæku siðleysi þínu. Sagði ég ekki alltaf að sá sem er trúlaus hann sé siðlaus líka? Það sannast nú heldur betur á þér, föður þínum og þeim fylgifiskum ykkar sem tókuð þátt í þessu.

[Grefill 1.8.2010 kl. 19:42]

Það er skylda hvers manns að berjast gegn svona siðlausu pakki eins og þessir Vantrúarpostular og æðstuprestar eru. Þessi samtök eru byggð á öfgum og ofsatrú sem er hverju þjóðfélagi hættulegt. Þessir menn eru jafnhættulegir og öfgasinnuðustu ofsa-múslimar og öfgahægri-kristnir.

Ef þeir hefðu aðgang að sprengjum og skotvopnum þá þyrfti enginn að kemba hærurnar sem væri þeim ekki sammála og undirgefinn.

[DoctorE 1.8.2010 kl. 19:45]

Það er skylda hvers manns að standa gegn trúarBRÖGÐUM... það er skylda okkar að gera hvað við getum til að forða fólki undan svikum og prettum...

[Kristinn Theódórsson, 1.8.2010 kl. 19:49]

Ég hugsa nú að mbl.is hafi séð það eins og flestir aðrir að þú, Grefill, ert ofstækismaðurinn hér og verri en heil fylking Vantrúarmanna. Mbl tók síðan ákvörðun í framhaldi sem bendir sterklega til þess að málstaður þinn hafi hreint ekki staðið undir gífuryrðunum sem þú viðhafðir um mig í grein eftir grein.

Það er búið að dæma í málinu. Það fór sem fór.

[Grefill 1.8.2010 kl. 19:52]

DoktorE, ég er alveg sammála þér með það. Og meint "trúleysi" Vantrúarmanna er ekkert annað en einhver öfgafyllstu trúarbrögð sem til eru.

[Grefill 1.8.2010 kl. 19:57]

Nei, Kristinn, það er ekki búið að dæma í málinu ... en alveg er það dæmigert að þú skulir segja það um það ofbeldi sem ég hef hér verið beittur bæði af þér, þínum lagsmönnum og núna blog.is.

Þið áttið ykkur ekki á að með aðgerðum ykkar hafið þið í raun staðfest að ég hef rétt fyrir mér. Þið eruð ekkert annað en ofsatrúarmenn sem boðið "trúleysi" sem ykkar skálkaskjól til að beita alla sem eru ekki ykkur sammála ofbeldi.

[Kristinn Theódórsson, 1.8.2010 kl. 20:19]

Úr skilmálum:

Notandi samþykkir að miðla ekki ólöglegu efni, áreiti, hótunum, særandi skrifum eða nokkru öðru sem getur valdið skaða. Notandi samþykkir sérstaklega að miðla ekki háði, rógi, smánun, ógnun eða ráðast á mann eða hóp manna vegna þjóðernis, litarháttar, kynþáttar, trúarbragða eða kynhneigðar, í samræmi við ákvæði 233. gr. a. almennra hegningarlaga nr. 19/1940.

Grefillinn hefur auðvitað margbrotið þessi skilyrði undanfarið á eigin bloggi, ráðist á einstaklinga og hóp manna með háði, rógi, smánun og ógnun. Þessi árás hefur verið vegna meintra trúarbragða téðs hóps. Hegðun Grefilsins er því klárt brot á skilmálum Mbl.is.

Hat tip, Brynjólfur.

[DoctorE 1.8.2010 kl. 20:31]

Hvað er að háði.. háð er mannsins megin, eitt aðalsmerki þess að vera mannlegur.

Td er vart hægt að tala um trúarbrögð nema með háði... háð er sterkara en sverð.

Ekki bulla Kristinn... menn gætu vel lokað þínu bloggi vegna þess að einhver ofurkrissi verður sár og svekktur...

Trúarbrögð eiga ekki að njóta verndar eins og kynþættir eða annað... og við viljum málfrelsi... ekki höft

[Harpa Hreinsdóttir 1.8.2010 kl. 20:31]

Ég sé að þú hefur "eignast" öfluga sníkjubloggara, Sæmundur!

[Sæmundur Bjarnason, 1.8.2010 kl. 20:52]

Hér voru hlutirnir svolítið að fara úr böndunum en eru að lagast aftur núna.

Sigurður Þór, mér finnst þetta ekki vera trúmáladeilur.

Harpa, já en þeir vilja bara ræða um eigin mál. Vildi frekar fá Steina Briem aftur en hann fonnemaðist svo um daginn, að ég heyri ekkert í honum núna.

Kristinn, ég hef aldrei séð neina skilmála og voru ekki kynntir neinir þegar ég byrjaði að blogga hér.

Ég skil samt alveg afstöðu þeirra Moggabloggsmanna og held ekki að hún eigi neitt skylt við trúmál. Jafnvel ekki stjórnmál heldur.

Eins og Bjarni sagði í einni af fyrstu athugasemdunum hér þá held ég að Grefill hafi misst svolítið stjórn á sér. Ein af fyrirsögnunum hjá honum minnti mig óþægilega á nafnið á bæklingnum sem Fischer (Robert James) gaf út þegar honum var stungið í fangaklefa í USA. Þá held ég að stjórnvöldum í Bandaríkjunum hafi verið vorkunn en seinna ofsóttu þau hann hreinlega. En nú er ég kominn út fyrir efnið og orðinn sníkjubloggari á mínu eigin bloggi!!

[Pétur Eyþórsson, 1.8.2010 kl. 21:05]

Sæmundur skilmálarnir eru mjög skýrir, og þú þarft að samþykkja þá þegar þú stofnar blogg á þessari síðu, ef þú hefur misst af þeim þá getur þú nálgast þá hér.

[Grefill 1.8.2010 kl. 21:09]

Ég skal ekki sníkjublogga hér meira, en ég kom reyndar hingað inn bara vegna þess að Kristinn peistaði hér inn tómum lygum um mig. Mér finnst nú fullgróft að kalla það sníkublogg að svara fyrir sig.

En ... annars ... þá mun ég nú setja það allt upp sem hér gerðist, en tók ég afrit af hverju einasta orðið og á öll html-skjölin.

Þótt blog.is hafi lokað á mig þá er ég engan vegin hættur. Þvert á móti þá eflir svona óréttlæti mig bara. Ég hef sannleikann mín megin og sönnunargögnin og Kristinn veit það.

Ég birti þetta allt von bráðar og sú birting mun ekki fara fram hjá neinum hér á blog.is eða öðrum fjölmiðlum.

[Kristinn Theódórsson, 1.8.2010 kl. 21:14]

Mér detta skyndilega í hug orðin öfgar og ofstæki...

Merkilegt.

[DoctorE 1.8.2010 kl. 21:17]

Bottom lænið í þessu öllu saman er að mbl er ekki stætt á að loka á Grefil en halda opnu blogginu hans Lofts... ásamt mörgum öðrum.

Kannski er best að mbl loki á alla og láti DO sjá um að blogga fyrir alla... láta karlinn vinna fyrir öllum þessum milljónum sem hann færi í mánaðarlaun...

[Theódór Norðkvist, 1.8.2010 kl. 22:24]

Þessar deilur Kristins og Guðbergs voru auðvitað löngu komnar út í vitleysu, þó ég harmi að Sovétið í blog.is hafi vaknað og lokað án fyrirvara á blogg Guðbergs.

Mér finnst G. hafa ýmislegt til síns máls þó orðin séu oft stór. K. lofaði að þetta yrði tveggja manna tal, en sveik það. Afsakanir um skort á rökum frá G., sundferð með börnunum eða að hann hafi verið á leið í veislu eru afar haldlitlar.

Ef hann hafði ekki tækifæri til að standa við skilmálana átti hann að gera sér grein fyrir því og hafa þá strax í samræmi við getu og tíma til að framfylgja þeim. Það er líka út í hött að gefa út skilmála í upphafi og breyta þeim einhliða ef geðþótti síðuhöfundar segir að rök mótaðilans séu honum ekki þóknanleg.

Ég veit það allavega fyrir víst að mér liði illa í rökræðum við Kristinn eða einhvern annan æðsta prest vantrúaðra með alla hjörðina gjammandi inn á milli.

[Kristinn Theódórsson, 1.8.2010 kl. 22:42]

Theódór Norðkvist

Mér finnst G. hafa ýmislegt til síns máls þó orðin séu oft stór. K. lofaði að þetta yrði tveggja manna tal, en sveik það. Afsakanir um skort á rökum frá G., sundferð með börnunum eða að hann hafi verið á leið í veislu eru afar haldlitlar.

Það er ekki "haldlítil" afsökun að vera frá tölvunni tímunum saman. Það er sannleikurinn, eins óheppilegur og hann nú er stundum.

Ég lofaði að þetta yrði tveggja manna tal. En þegar mér var farið að þykja Grefill vera að draga mig og lesendur á asnaeyrunum með síendurteknum loforðum um rök í næsta og næsta og næsta og þar næsta innleggi leysti ég einfaldlega dæmið upp, sagði þráðinn opinn og bauð Grefli að koma með rökin sín í eins mörgum innleggjum og hann vildi, því ég nennti ekki að vera að fylgjast með svona merkingarlausu stagli eins og haukur að passa innlegg annarra og fleira.

Rökin voru engin. Hefðu þau verið einhver hefði þetta alveg gengið, en þau voru engin og augljóst að engin voru í vændum.

Ég leysti þessar formlegu umræður sem sagt upp, ekki af því að ég sá mér ekki fært að standa við þær, heldur af því Grefill hafði talið mér trú um að hann ætlaði að koma með rök, en lét ganga á eftir sér út í hið óendanlega með að leggja þau fram.

Hann þurfti ekkert að hafa áhyggjur af "hjörðinni", heldur bara standa við að segja eitthvað annað en "í næsta innleggi kem ég með eitthvað svakalegt".

[Grefill 1.8.2010 kl. 23:08]

Kristinn er svo lyginn að það nær bara engri átt. Ég gerði ekkert annað en að koma með rök fyrir máli mínu. Hann ákvað bara einhliða að honum líkaði ekki við rökin mín og stöðvaði umræðun löngu áður en ég gat lokið máli mínu.

Hvernig getur annar aðilinn í tveggja manna rökræðum haft rétt á að ákveða einhliða að loka á viðmælanda sinn vegna þess að honum finnst rök hans ekki nógu góð?

Skoðið umræðuna eins og hún fór fram hér.

Þá sjáið þið að Theódór Norðkvist hér fyrir ofan er að segja sannleikann, Kristinn er að ljúga.

[Theódór Norðkvist, 1.8.2010 kl. 23:21]

Kristinn virðist ekki hafa lesið alla athugasemdina mína (síðustu.) Eins og allir sjá bendi ég á að menn eiga ekki að setja skilmála fyrir umræðum ef þeir sjá fram á að þeir hafa ekki tíma eða tækifæri til að framfylgja þeim.

Þegar mér er boðið í veislu er það venjulega með margra daga fyrirvara. Eins er hægt að vita mörg verkefni fyrirfram eins og sundferðir með börnum (þau vilja yfirleitt fara í sund og það breytist sjaldan.)

Reyndar gaf Kristinn aðra afsökun fyrir því að fjarlægja ekki ummælin, en hún var sú að æðsta ráðið um rök (sem samanstendur af Kristni einum að því ég best veit) taldi rök Grefilsins ekki standast einhverja gæðastaðla sem enginn veit hverjir eru.

Ég segi að ég hefði (líklega) ekki notað sömu orð og Grefillinn, en skil hans afstöðu. Þessi fyrirvaralausa lokun er til enn meiri skammar þar sem fyrir tæpum fjórum mánuðum birtist eitt viðbjóðslegasta einelti gagnvart einum manni sem ég hef séð á blogginu á síðu Kristins T. Gegn Jóni Vali og fór í 470 athugasemdir. Síða Kristins er samt enn opin, enda löngu ljóst að lokanir Hádegismóramanna eru algerlega háðar geðþótta þeirra sjálfra.

[Hrannar Baldursson, 1.8.2010 kl. 23:26]

Samræður eru eitt, kappræður annað.

[Kristinn Theódórsson, 1.8.2010 kl. 23:35]

Theódór Norðkvist

Það er ljóst að þú skilur þetta mál mjög illa.

Þetta voru margra daga langar umræður - að ósk Grefils - og hann var sjálfur langstundum saman frá vegna vinnu. Hefði hann hýst umræðurnar hefðu tiltektir í þræðinum einmitt legið niðri á meðan og það hefði verið fullkomlega eðlilegt, því það stóð ekkert til á neinum tímapunkti að afsala sér fjölskyldu og starfsframa til að sinna þessum umræðum. Sú hugmynd þín að ég geti ekki afsakað mig með því að ég þurfi að sinna börnunum er einfaldlega byggð á röngum ályktunum.

Varðandi rökin, þá kom Grefill með þá hugmynd að hegðun á borð við þá sem Vantrúarmenn sýni af sér sé svo lík hegðun trúaðra, að um trú sé að ræða. Þau rök komu fram í pósti númer 15 - en allt þar á undan var eitthvað spjall um jólasveininn og smá afstæðishyggja. Í innleggi 23 var hann ennþá að segja ekki neitt og að gera ala gráhræða. Restin af umræðunum var stagl og vesen frá hans hendi og engin önnur rök af neinu tagi komu fram. Það er ekki mat mitt sem einhvers guðs, heldur staðreynd. Athugaðu það sjálfur fyrst þú ert svona áhugasamur um þetta.

Jóni Vali svaraði ég síðan því að hann hélt undarlegum hlutum fram um minnihlutahópinn lesbíur sem hann svaraði seint og illa og lítið við það að athuga. Þann póst hefði ég hinsvegar tekið niður hefði hann óskað þess af mér, en hann virtist sáttur við það að ég bannaði fólki að níða hann í þræðinum. Sú umræða kemur þessu máli takmarkað við, þótt ég skilji af þér að ég eigi að skammast mín.

[Óskar Arnórsson, 1.8.2010 kl. 23:37]

Grefillinn fór langt yfir sporið í lýsingum á Kristni og braut margsinnis reglurnar á mbl.is sem eru þar.Maður getur ekki logið upp á fólk og ætla svo að verja það með því að kalla það skoðun. Eða með ritfrelsi heldur.

Ég hef sjálfur brotið þessar mbl.is reglur í sambandi við skrif t.d. um Steingrím Yfirfífl og Einræðisherrann, Ráðherraherfuna sem stýrir því sem eftir er af þessu landi, og ég fékk bara mjög kurteisilegt bréf frá mbl.is um að taka færsluna og einhver komment í burtu.

Sum blogg eru með þessar reglur. "Allt guðlast verður fjarlægt" og lokaði JVJ á mig þess vegna. Ekki mbl.is Allt sem ég segi er guðlast samkvæmt JVJ. Menn mega setja hvaða reglur sem er. JVJ læknast ekkert í höfðinu þó hann loki á mig...

Þessar umræður voru komnar úr böndunum enn það er mikið hægt að læra af þeim samt. Þó hægt sé að lesa "eiturpílur" frá Kristni til Grefilssins þá voru þær ekkert öðruvísi enn gengur og gerist á bloggi þegar fólki sinnast.Hann hefur verið allan tíman kurteis, enn oft baneitraður samtímis. Og það má alveg. Grefillinn svaraði bara "eiturpílunum" vitlaust. Og þess vegna tapaði hann í umræðunum.

Svo botna ég ekkert hvernig Vantrú kemur inn í þetta. Vantrú er að berjast við rugl og þvælu í hindurvitnum og trúarbrögðum og á móti trú sem slíkri. Alla vega sé ég ekki það neinsstaðar. Þeir kalla kanski Guð fyrir jólasvein af og til og ekki er það neitt bannað...enn það er bannað á sumum síðum.

Annars er ég að spá í að ávarpa alla sem mér líkar illa við með því að segja: "Yðar hátign!" bara til að vera þykjast kurteis við fólk...þá getur mbl.is ekkert sagt...

[Óskar Arnórsson, 1.8.2010 kl. 23:51]

"Hér eru einkunnarorð leikanna: Kurteisi - Atvinnumennska - Virðing"

Þetta brutu báðir aðilar margsinnis. Og hver braut af sér oftar finnst mér ekki vera neitt sem skiptir máli.

[Arnar 2.8.2010 kl. 00:15]

Ég er farin að halda að Grefil sé persóna svipuð og Sílvía Nótt.

[Theódór Norðkvist, 2.8.2010 kl. 01:01]

Ég mótmæli algerlega hrokafullri athugasemd Kristins um að ég skilji ekki þetta mál. Ég skil það ágætlega þó ég hafi ekki lesið hverja einustu athugasemd hvort sem var frá Greflinum, Kristni eða áhangendum hans. Enda var þetta komið út í hundleiðinlegt þvaður frá ca. 60. athugasemd.

Umræðan byrjaði ágætlega, en þegar skilmálar eru sviknir á miðri leið er skiljanlegt að þeim sem brotið er gegn sárni. Þó orðin sem Grefill notaði séu honum mörg hver ekki til sóma.

Tek hér lítið dæmi, en þau eru mikið fleiri eins og ég hef sýnt fram á hér fyrr.

Hér er ellefta regla umræðnanna örlagaríku (ætli reglurnar séu ellefu vegna þess að Kristinn er trúlaus og vill ekki vera bendlaður við boðorðin tíu?)

11. Rísi mál út af reglum þessum eða umræðunni sjálfri sem stöðvar hana skulu þáttakendur hunskast til að biðja lesendur afsökunar á getuleysi sínu til að standa við settar reglur og halda umræðuna út.

Ekki get ég séð að hafi verið staðið við þetta, aðeins yfirlýsingar um að hafa þurft að skreppa í veislu, sund, eða rökin hafi ekki verið nógu góð.

Hefði kannski verið réttara að bæta við tólftu reglunni:

12. Ef rök Grefilsins standast ekki gæðamat síðuhöfundar verður lokað á hann og vantrúarhjörðinni hleypt lausri á hann. Í þessari röð.

[Grefill 2.8.2010 kl. 06:15]

Theódór Norðkvist sér málið alveg kristaltært í kommenti sínu hérna fyrir ofan. Þakka þér fyrir Theódór að láta í þér heyra.

[Kristinn Theódórsson, 2.8.2010 kl. 08:00]

Theódór Norðkvist

Það er ekki hrokafullt að benda á hið augljósa. þú skildir þetta illa og það sannaðist þegar þú hélst því fram gjörsamlega út í loftið að ég væri að brjóta á Guðbergi með því að fara í sund og sinna ekki þræðinum á meðan. Viðurkenndu bara að þú hafir rangt fyrir þér með það atriði.

Það stóð einfaldlega aldrei til frá mínu hálfu að sitja undir einhverju blaðri í marga daga. Guðbergur kom ekki með rök nema þetta takmarkaða grín sem ég útlistaði 1.8.2010 kl. 23:35. Ég endaði því formið þegar þetta var orðinn margra daga langur skrípaleikur sem augljóslega var ekki að fara að bera neinn ávöxt, þrátt fyrir stöðug loforð Guðbergs um að framundan væru rökin miklu.

Að Guðbergur yrði fúll yfir því er í góðu lagi. Mér dettur ekki í hug að mótmæla því að hann megi ergja sig og þykja ég lélegur eða vera að skorast undan, eins og hann túlkar það.  Því verður ekki mótmælt að ég gafst upp á rökræðunum og það má túlka það sem leiðindabrot á reglum sem fallist hafði verið á

En þar lýkur líka skynseminni, því í stað þess að Guðbergur segði bara "jæja, bless bjánar", þá brjálaðist hann og skrifaði stórkostlegar langlokur um mig og meint ofbeldi mitt og mannorðsmorð gegn sér. Fyrirsagnir ítrekaðra póstanna voru brjálæðislega stóryrtar og efnið sömuleiðis.

En þér, Theódór, þykir sem sagt á einhvern hátt verjandi að trekk í trekk sé svona skrifað um þig í fyrirsögnum á blog.is, af því að þú ákveður að hætta að taka þátt í ömurlega heimskulegum rökræðum við einhvern sem augljóslega veit ekki hvað rök eða rökræður eru - sem allir með vott af æfingu í þeim efnum hafa tekið undir:

Hvernig Theódór Norðkvist falsaði umræðuna, útilokaði mig frá henni og reyndi síðan með skýrum hætti að leggja mannorð mitt í rúst. Theódór Norðkvist er sannarlega siðlaus frá a-ö, net-ofbeldismaður og mannorðsmorðingi. 

[Pétur Eyþórsson, 2.8.2010 kl. 09:11]

Ég skil ekki af hverju þú ert að eltast við að útskýra þetta Kristinn við mann sem greinilega er ekki í tengslum við raunveruleikann. 

Ef reynist rétt að Gerfill hafi boðist til að grafa stríðsöxina væri hugsanlega best að hætta að ýfa þetta mál upp með því að þræta við menn sem ætlast til þess að þú sért öllum stundum fyrir framan bloggið þitt og látir fjölskyldu og vinnu víkja.

Sumir eru greinilega ekki með öllu mjalla.

[Sigurður Pétursson 2.8.2010 kl. 09:26]

"Að Guðbergur yrði fúll yfir því er í góðu lagi. Mér dettur ekki í hug að mótmæla því að hann megi ergja sig og þykja ég lélegur eða vera að skorast undan, eins og hann túlkar það.  Því verður ekki mótmælt að ég gafst upp á rökræðunum og það má túlka það sem leiðindabrot á reglum sem fallist hafði verið á" - Kristinn Theódórsson.

Þetta er í fyrsta skipti sem Kristinn játar það berum orðum að það hafi verið hann sem "gafst upp á rökræðunum" en ekki Grefill.

Þetta er Grefill nefnilega búinn að segja allan tímann en Kristinn og menn hans hafa harðneitað og sagt að það hefði verið Grefill sem hafi hlaupist undan merkjum.

[Kristinn Theódórsson, 2.8.2010 kl. 09:28]

Ég reyni yfirleitt að gera ráð fyrir að menn séu með öllu mjalla - en það hefur svo sem ekki alltaf gefist vel

[Kristinn Theódórsson, 2.8.2010 kl. 09:32]

Sigurður Pétursson

Það er eitt að gefst upp á forminu og segja þráðinn opinn, og annað að koma í veg fyrir að Grefill gæti haldið áfram.

Það kemur margsinnis fram á þrasvellinum að gullnu rök Grefils eru velkomin og verði birt og skoðuð þegar og ef honum langar að koma með þau. Hann heldur því hinsvegar fram að sé hafi verið bolað út og ekki gert kleyft að klára sinn málflutning. Það er alrangt og það sé hver maður sem nennir að kynna sér málið.

Grefill hefur haldið allt öðru og meira fram en að ég hafi gefist upp á því að eltast við reglurnar hans. Hann heldur því fram að honum hafi verið settur stóllinn fyrir dyrnar, sem er augljós þvættingur.

[Kristinn Theódórsson, 2.8.2010 kl. 12:30]

Þess má til gamans geta, fyrir hann Theódór Norðkvist og aðra sem vorkenna Guðbergi mikið fyrir að hafa orðið fyrir reglubrotum mínum, að Guðbergur stóð sjaldnast sjálfur við þá reglu sína að hafa innleggin ekki lengri en 500 orð.

Hefði ég eytt eins mikilli orku í að skammast yfir því og Guðbergur gerði yfir því að ég minntist á umræðuna sjálfa á meðan á henni stóð hefðu nákvæmlega engin rök komið þarna fram og umræðan snúist um það eitt að grenja yfir reglunum sem Guðbergur setti upp.

Þetta vol yfir að ekki hafir verið farið eftir reglunum eru hlægilegir grátstafir sem eru til þess eins fallnir að draga athygli frá þeirri staðreynd að Guðbergur hafði engin rök fram að færa og hefur ekki enn komið með nokkur einustu vitrænu rök umfram það sem fram kom í þræðinum fyrir afstöðu sinni - þrátt fyrir að vera þrálátlega beðinn um að gefa okkur Vantrúarmönnum náðarhöggið í formi gullinnar röksemdarfærslu sem hann fullyrti að hann byggi yfir.

Engin vitræn rök og síðan reiðileg gífuryrði í framhaldi sem leiddu til lokunar á bloggi hans. Getur þetta verið mikið skýrara?

[Brynjólfur Þorvarðsson, 2.8.2010 kl. 12:52]

Málsvatvik eru tiltölulega skýr:

1) Grefill hóf feril sinn í trúmálaumræðum með frekjuskap og heimskulegum framíkallsstíl sem bar vott um dæmigerðan nýbyrjendahátt. Ætlaði að sýna hvað hann var sniðugur.

2) Grefilnum kom á óvart hversu vel og hraustlega var tekið á móti honum. Vitleysisgangurinn í upphafi var greinilega skot yfir markið. En honum lá ennþá mikið á að sýna hversu sniðugur og gáfaður hann var. Honum datt þá í hug að efna til "tveggja manna tals" við mann sem hefur alltaf sýnt af sér málefnalega og kurteisa framkomu.

3) Grefillinn, af einhverri brúnholuþráhyggju, samdi langan reglugerðarlista sem átti að stjórna umræðumum. Áhorfendur hristu höfuðið og furðuðu sig á því hvert maðurinn væri að fara.

4) Kristinn samþykkti reglugerðir Grefilsins í 117 liðum enda ekkert sem stakk í augu þar. Nú skyldu umræður hefjast, tveggja manna tal á kurteisum nótum þar sem vonast var til niðurstöðu í tveimur tilteknum álitamálum.

5) Grefilinn var upphafsmaður og sjálfsettur stjórnandi umræðnanna. Menn biðu spenntir eftir fyrsta innleggi. Og sjá: flatneskjuleg sjálfsmiðuð langloka um jólasveininn var fyrsta innleggið. Geisp.

6) Enn var beðið og í öðru innleggi kom framhaldið: sjálfsmiðunin og flatneskjan ekki minni, innihaldsleysið trúlega enn meiri, en athyglisverð niðurstaða að Grefillinn hefði uppgötvað "sjónarhól almennrar skynsemi" - trúlega manna fyrstur.

7) Menn héldu aftur af hlátrinum en Kristinn, hinn aðilinn í meintum "skoðanaskiptum", benti Greflinum kurteisislega á að hann væri að nálgast svonefndar póstmódernískar vangaveltur um sannleikann og tilveruna. Hér birtist háttvísi Kristins, hann var að reyna að gera umræður úr ankannalegri einræðu Grefilsins og ætlaði Greflinum miklu meiri hugsun og flóknari málatilbúnað en tilefni var til.

8) Grefilinn skildi ekki hugtakið "póstmódernískur" og brást heiftarlega við, taldi Kristinn hafa brotið paragraff 9 í reglugerðarlanghalanum. Sjálfur braut hann sína eigin paragraffa í þvers og kruss til að lýsa ofboðslegri vanþóknun sinni á þessari tilraun Kristins til að koma raunverulegum umræðum af stað.

9) Hér hætti ég að nenna að lesa vitleysuna. Grefillinn bar enn búinn að sýna að hann var ekki maður í rökleg samskipti. En umræðan hélt víst eitthvað áfram - ég hef lesið hluta af framhaldinu og það var í engu skárri en upphafið - innihaldslaus flatneskja.

10) Kristni var auðvitað farið að leiðast þófið. Grefilinn búinn að pósta 12 inleggum í þessum hans eigin umræðum án þess svo mikið sem nálgast umræðuefnið með haldbærum rökum. Kristinn sagði sem svo að hann nennti þessu ekki mikið lengur, fyrr en Grefillinn kæmi með innlegg þar sem hann færði einhver lágmarks rök fyrir máli sínu.

11) Grefillinn í rökleysu sinni fór að hamast á því að "utanaðkomandi" komment væru að þvælast fyrir honum, hann gæti ekki skrifað innlegg fyrr en téð komment hefðu verið flutt yfir á annan þráð. Í öngstreyti innihaldsleysis setti hann paragröffin fyrir sig í endalausum rauðlituðum upphrópunum.

12) Kristinn kemur heim úr útilegu og sér gassaganginn í Greflinum. Ákveður að loka á fyrrnefnd utanaðkomandi komment ef ske kynni að það yrði til að Grefillinn kæmi með innlegg með innihaldi.

13) Ekki dugði það til, Grefillinn hélt áfram að hamast í vanmáttugum vitleysisgangi. Kristinn opnaði aftur á hin "utanaðkomandi" komment og dró sig til baka úr umræðunni. Að lokum lokaði hann á Grefilinn enda sá síðarnefndi löngu búinn að missa sig í persónulegum árásum og gífuryrðum.

14) Á meðan þessu fer fram í "umræðum" Grefilsins við Kristinn þá er Grefillinn búinn að upplýsa bloggheima um að hann

a) hafi verið að grínast með að þykjast vera orðljótur vitleysingur

b) Hafi verið að grínast með því að Þykjast vera haldinn vænisýki og þráhyggju

c) hafi bara alls ekki meint neitt með þessu 

d) hafi meint þetta allt

e) hafi mátt þola gríðarleg rangindi og væri með sönnunargögn

f) væri að skrifa skýrslu sem myndi sanna rangindin og mannvonsku vantrúmanna

15) "Skýrslan" birtist og reynist vera útúrsnúningar og lygar, þar sem hann nýtir sér tilraunir Kristins til að verða við beiðnum hans um að fela/flytja "utanaðkomandi" komment og snýr þeim upp í einhvers konar fölsunartilraun að hálfu Kristins. Til hvers þessi fölsun átti að hafa verið gerð er ekki ljóst - nema auðvitað til þess að koma Greflinum á kaldan klaka - vænisýkin er hér í hæstu hæðum.

16) "Skýrslan" reynist vera einhvers konar milli-skýrsla, von sé á ritgerð þar sem málið allt verði skýrt. Hér er öllum orðið ljóst hvers eðlis málið er, Grefillinn er eins og steinbíturinn sem getur ekki sleppt takinu og skáldar hverja afsökunina á fætur annarri.

17) Grefillinn fer að birta á bloggsíðu sinni ótrúlegt níð og árásir á nafngreindan einstakling. Bloggheimar hafa aldrei áður séð aðrar eins aðfarir, það er eins og Greflinum hafi á tveimur vikum tekist að sprengja öll viðmið siðferðilegrar orðræðu og draga moggabloggið niður í það svað sem vellur úr hans eigin ruslatúla.

18) Grefillinn stundar það að skrifa í annarra manna blogg undir ýmsum dulnefnum til að láta líta svo út að fjöldi manna sé honum sammála. En sjálfur birtir hann annarlegt hugarástand sitt í hverri einustu færslu sem hann skrifar í Grefilsins nafni.

19) Lokað er á bloggsíður Grefilsins og hefur líklega aldrei verið eins mikið tilefni til að stöðva nautið í glerbúðinni, ekki síst sjálfs hans vegna. Það getur ekki verið heilbrigt að hegða sér eins og viðrini dag eftir dag.

20) Aðrir bloggarar eru en að ná sér eftir eldgosið, svört límkennd sóðaaskan hefur læðst út í alla afkima en sápa og heit sturta er ágætt meðal gegn ólíðan eftir að hafa séð til verka þessa sannkallaða konungs kúkakjaftsins.

[ThoR-E, 2.8.2010 kl. 13:11]

[i]"Það er skylda hvers manns að berjast gegn svona siðlausu pakki eins og þessir Vantrúarpostular og æðstuprestar eru. Þessi samtök eru byggð á öfgum og ofsatrú sem er hverju þjóðfélagi hættulegt. Þessir menn eru jafnhættulegir og öfgasinnuðustu ofsa-múslimar og öfgahægri-kristnir."[/i]

Nú veit ég ekki Grefill minn hvort þessi yfirlýsing standist hjá þér hvað varðar meðlimi í Vantrú. Enda eru þeir misjafnir eins og þeir eru margir.

Nú er ég sjálfur meðlimur í Vantrú og ekki kannast ég við að samskipti okkar (athugasemdir frá mér á þinni síðu) eða hegðun mín gagnvart þér (eða nokkrum öðrum í raunninni) hafi verið byggð á öfgum eða ofsatrú. Hvað þá á nokkurn hátt öfgasinnuð eða hættuleg þér né lesendum bloggsíðu þinnar.

En þú náttúrulega hlýtur að hafa þína skoðun á því.

Ég veit ekki kæri bloggvinur hvað þú græddir á þessu öllu saman. Hvort tilgangurinn hafi verið að kenna Vantrúarmönnum lexíu eða sanna á okkur illmennsku og óþverraskap. Það veit ég ekki.

Vissulega eru margir bloggarar hvassir og grípa oft til hæðni og skjóta á menn í umræðum. Þannig hefur þetta verið síðan bloggið byrjaði. Og það gera margir bloggarar og skiptir engu máli hvort þeir eru meðlimir í Vantrú eða bara Jón Jónsson bloggari, eða jafnvel nafnlausir aðilar sem setja inn athugasemdir.

Fólk sem tekur þátt í umræðum á blogginu, hvað þá "heitum umræðum" hlýtur að hafa það þéttan skráp að það geti fengið á sig "skot" og þá skotið á móti. Þannig hefur þetta verið.

Hef sjaldan séð einelti eða að annar aðili umræðunnar hafi orðið eitthvað fórnarlamb. - En ef svo er, væri ég til í að sjá það (link á viðkomandi umræður)

Persónulegar svívirðingar og leiðindi þar sem árásir á persónu fólks er auðvitað ámælisverðar og til skammar fyrir viðkomandi.

--

En aftur að umræðum Kristinns og þín.

Það eina sem kom út úr þessu var það bloggsíðu þinni var lokað. Bloggsíða sem var alveg þræl skemmtileg á köflum og kíkti ég á bloggið þitt nánast daglega, (oft í gegnum blogg við fréttir) sérstaklega voru hlutirnir sem þú varst með í "sölu", t.d Afsegjarinn og það allt algjör snilld og hló ég oft upphátt við að skoða "vörurnar".

En var þetta þess virði að missa aðgang þinn að blogvef þínum til frambúðar ? Það finnst mér ekki, en ég er kannski ómarktækur vegna tengsla minna við Vantrú? :/

Kær kveðja

AceR

[Sæmundur Bjarnason, 2.8.2010 kl. 14:47]

Brynjólfur, athugasemd þín er að mínum dómi dæmigert sníkjublogg. Þar að auki ertu óþarflega stórorður og meiðandi. Frábið mér skrif af þessu tagi.

AceR, þín athugasemd er allt annars eðlis. Óþarflega löng kannski en kurteisleg og málefnaleg.

[Brynjólfur Þorvarðsson, 2.8.2010 kl. 14:54]

Já eflaust er það rétt hjá þér Sæmundur - ég biðst afsökunar!

[Grefill 2.8.2010 kl. 15:12]

Munurinn á því sem ég hef sagt um Kristinn og því sem Brynjólfur og Kristinn, og fleiri, hafa sagt um mig, er í stuttu máli að ég sagði sannleikann um þá en þeir ljúga öllu um mig.

AceR: Ég viisi ekki að blog.is myndi ganga svona langt, en ég er ekki búinn að tapa neinu. Ætli það sé ekki frekar að þar með er ég laus undan ritskoðunarvaldi blog.is og get sagt það sem ég vil án þeirra íhlutunar.

Nú set ég þetta allt upp annars staðar og síðan mun ég markvisst fara að vísa fólki á sannleikann um þessa menn og Vantrú og sýna pottþéttar sannanir því máli til stuðnings. Allar þær lygar sem Brynjólfur segir hér í langlokunni fyrir ofan munu koma í bakið á honum þótt síðar verði. Lygarnar í Kristni sömuleiðis.

Ég er langt frá því að vera hættur. Í raun þá er ég rétt að byrja.

[Kristinn Theódórsson, 2.8.2010 kl. 15:28]

Merkileg hvað allir eru hroðalega lygnir, nema Grefill - og samt er um opna vefsíðu að ræða sem allir geta skoðað og séð að engu er logið, þótt e..t.v. sé um einhvern blæbrigðamun á túlkunum að ræða.

Það hlýtur að vera áhugavert að búa í svona samsæriskenningaheimi þar sem það þarf að taka afrit af öllu ("pottþéttar sannanir") og hóta mönnum að nota allt gegn þeim sem þeir láta út úr sér.

[Grefill 2.8.2010 kl. 15:37]

Ja, það hlýtur eiginlega að vera enn sérstakara að vita upp á sig sökina, vera búinn að reyna að ljúga sig út úr öllu saman og samt vita að sannleikurinn er handan við hornið og vonlaust að stöðva hann.

[Kristinn Theódórsson, 2.8.2010 kl. 15:41]

Vonandi kemstu yfir þessa vitleysu fljótlega, Guðbergur minn.

[Grefill 2.8.2010 kl. 15:54]

Alveg um leið og ég er búinn að koma frá mér sannleikanum um þig og hina ofbeldis- og ofsatrúarmennina í Vantrú, þá mun ég anda rólega, Kristinn. Vertu viss.

[Kristinn Theódórsson, 2.8.2010 kl. 16:03]

Þetta er einkennilega flókið mál, Guðbergur, fyrst það tekur fleiri vikur að segja "sannleikann" um það. Síðast gat hann Kristur vinur þinn ekki einu sinni séð að skýrslan þín væri að leiða annað í ljós en að þú værir níðingurinn en ekki fórnarlambið. Svo það er líklega best að þú hagræðir aðeins "sannleikanum" að þessu sinni, svo einhver taki nú undir með þér - annar en hann Agnar/Blóm hérna fyrir ofan. En þú átt atkvæði hans a.m.k. víst, þú getur huggað þig við það.

[Pétur Eyþórsson, 2.8.2010 kl. 17:46]

Hvernig var það strákar, voruð þið ekki búnir að samþykkja að grafa stríðsöxina í gærkvöldi?

[Sæmundur Bjarnason, 2.8.2010 kl. 18:15]

Ég tek undir með Pétri. Mér finnst að þið ættuð að hætta þessu.

[Grefill 2.8.2010 kl. 19:52]

Strax eftir það sem gerðist á síðu Óskars, þar sem Kristinn sagðist ætla að tala við blog.is, sendi hann mér alveg makalausan póst þar sem hann sagðist bara hafa verið að ljúga á síðu Óskars. Hann hygðist ekki reyna neitt til að aflétta lokuninni nema ég gengi að enn frekari afarakostum hans. Viljið þið sjá bréfið frá honum? Það opinberar mjög vel hvaða mann hann hefur í raun að geyma.

[Kristinn Theódórsson, 2.8.2010 kl. 19:58]

He he, Grefill límir þetta inn allstaðar

Svarið er svona:

Ég sagðist ekki hafa samvisku í að mæla með manni sem hefði ekkert við það að athuga að skrifa um menn með fullu nafni þeirra út af svona smámunum að þeir séu siðlausir mannorðsmorðingjar og ofbeldismenn.

Ég bauð Guðbergi að halda áfram að úthúða mér um allar trissur ef hann tæki stóru orðin aftur og viðurkenndi á blogginu að gífuryrðin væru of mikið af því góða og hefðu verið skrifuð í bræði.

Þá skyldi ég mæla með honum.

[Grefill 2.8.2010 kl. 20:13]

Berið saman það sem Kristinn sagði á síðu Óskars um að hann myndi reyna að fá lokuninni aflétt og svo því sem hann segir hérna.

Annars var pósturinn frá honum miklu lengri en hann er hér að segja og miklu svæsnari. 

Ég skal bara birta hann til að taka af öll tvímæli.

[Óskar Arnórsson, 2.8.2010 kl. 20:36]

Er þetta ekki bara orðið ágætt Grefillinn. Þú átt bara að taka þessi orð tilbaka ef það er heila málið. Landið er á öðrum endanum yfir einu orði "tussufínt" og er ekki bara meira gaman að skrifa um það.

Ég mæli með Greflinum á blogginu. Ég held ég að sendi mbl. bréf og reyna að selja þeim "bloggþvælueyði"... sem verður mataður með öllum andstyggilegum orðum. Svo er hægt að bæta við prógrammið allskonar orðskrípum, klámorðum og bölsóti. 

Ofbeldisorðum og hrekkjusvínasetningum. Öllum tvíræðum setningum verður eytt, og vafasömum málsháttum. Guðleysisorðum og orðasamböndum...

Hvað er mannorð annars? Er einhver þörf á svoleiðis? Það hljómar nefnlega ekkert vel í mínum eyrum. Ég talaði við við einn hérna í Svíþjóð sem situr í steininum vegna þess að hann var að verja "mannorðið" sitt fína...

Hann skaut dóttir sína svo hann gæti haldð "mannorðinu" sínu...hann er alveg í sjokki yfir því að fólk hérna sýni ekki "mannorðinu" hans meiri skilning... blásaklaus og þræltrúaður sem hann er.

Þessi þvæla um mannorð er bara bergmál frá heilaþvegnu biblíufólki og kóranlesurum og á að leggja niður og setja á þjóðmynjasafnið....það er gagnslaust og dregur fólk um á asnaeyrunum...

Nú vantar bara að þið báðir, Grefillinn og Kristinn farið að senda afturgöngur og vofur á hvern annann. Svo það er búið, bíð ég spenntur eftir því hvernig sendingarnar verði "sannaðar" á blogginu... Amenn og konur...

[Pétur Eyþórsson, 2.8.2010 kl. 20:43]

Leiðinlegt að heira með málavexti, það hefði verið ánæguleg málalok ef allir hefði getað staðið upp sáttir frá borðinu.

[Sæmundur Bjarnason, 2.8.2010 kl. 20:58]

Las um samkomulagið sem Grefill og Kristinn gerðu á síðu Óskars og verð að segja að það eru mér vonbrigði að það standist ekki. Vona að Grefill fái aðgang að blog.is aftur en er ekki bjartsýnn á það.

[Kristinn Theódórsson, 2.8.2010 kl. 21:06]

Finnst ykkur að hann þurfi ekkert að viðurkenna að hann sjái að þessum ofsalegu yfirlýsingum um mig? (á hans bloggi sem fæstir sáu en þær fólust í að kalla mig ofbeldismann, falsara, siðlausan og mannorðsmorðingja)

Mér er svo sem alveg sama mín vegna, en mér þykir ég þá vera að mæla með net-fauta undir því falska yfirskyni að hann ætli nú a.m.k. ekki að tala um mig meira - hvað svo sem hann gerir með aðra.

En ef ykkur þykir það í lagi geri ég ráð fyrir að þið metið þetta sem svo að þetta endurtaki sig ekki og það sé bara ég sem kalli svona ofsa fram í honum. Að því gefnu er ég alveg til í að berjast fyrir því að það verði opnað á hann.

Þetta er skoðanakönnun. Á ég að reyna að fá opnað fyrir karlinn á þessum forsendum eða á ég að bíða eftir því að hann sýni vott af iðrun og skilningi á gjörðum sínum?

[Sæmundur Bjarnason, 2.8.2010 kl. 21:21]

Kristinn, mér finnst að þú eigir að reyna að fá hann endurreistan á blog.is ef hann vill það. Einkum vegna þess að ef til vill var það vegna kvörtunar þinnar sem lokað var á hann. Iðrunina vegna stóryrðanna verður hvort eð er erfitt að mæla.

[Jóhann 2.8.2010 kl. 21:24]

Kristinn gæti kannski spurt sig: "Hvað myndi Jésús gera í mínum sporum?"

[Theódór Norðkvist, 2.8.2010 kl. 21:29]

Hann er orðinn nokkuð langur þessi farsi, en ég hef gaman af försum svo ég ætla að taka þátt áfram.

Ég velti því í fyrsta lagi fyrir mér hvort þú (Kristinn) hafir einhver áhrif þarna á ritstjórn blog.is. Þú talar allavega eins og þú teljir þig hafa þannig áhrif. Er það kannski rétt hjá Greflinum að í áhrifastöðu þar sé flugumaður Vantrúarmanna (hvort sem er með litlu eða stóru v-i?)

Ef það er rétt sem Grefillinn segir og það lítur sannarlega þannig út, að honum hafi verið hent út á götuna fyrirvaralaust og án allra viðvarana, bendir það sterklega til einhvers klíkuskapar.

Í öðru lagi ertu ekkert skyldugur til að biðja Greflinum griða hjá blog.is. Til að fyrirbyggja allan misskilning um að ég sé að réttlæta framkomu G. þá tel ég að hann hafi haft um þig stór og ljót orð. Þú stóðst ekki rétt og heiðarlega að þessari frægu umræðu eins og ég hef komið inn á áður, en viðbrögð G. voru úr öllu samræmi við tilefnið.

Hinsvegar lofaðirðu því sem þú lofaðir nú síðast, þ.e. að biðja um að blogg(in?) hans yrðu opnuð á ný ef hann lofaði að minnast ekki á þig framar og draga til baka stóryrðin. Sem mér sýnist hann nú reyndar ekki hafa staðið við sjálfur.

Nú ertu hinsvegar búinn að bæta við nýju skilyrði, að G. hagi sér ekki eins og netfauti við aðra. Tek fram að það er ekki slæmt skilyrði, en það var ekki sett fram upphaflega. Það er eins og þú (Kristinn) lofir ákveðnu ferli og setjir viss skilyrði, en síðan breytirðu þeim eftir á þegar ferlið er komið í gang. Get ekki gert að því en svona horfir þetta við mér.

Nú er ég líklega farinn að sníkjublogga hjá Sæmundi, sem ég get alveg ímyndað mér að er orðinn þreyttur á sögunni endalausu sem virtist hafa verið bundinn endi á, en hefur haldið áfram á öðrum bloggum. Biðst afsökunar á því og mun hætta ef þess er óskað af hálfu Sæmundar.

[Kristinn Theódórsson, 2.8.2010 kl. 21:38]

Já, stórt úps. Ég tók það fram hinum megin hjá Óskari að ég hef engin ítök hjá blog.is og þetta yrði bara vælkenndur póstur frá mér til stjórnarinnar um að ég væri að afkæra karlinn.

Vantrú ræður sem sagt engu hjá blog.is

Hafi kvörtun mín ekki ein fært hann í bann og fleira liggur þar að baki þarf ekkert að vera að tekið verið nokkurt mark á bréfi frá mér. En ég er til í að láta vaða ef það þykir rétt - það sem Jesús myndi gera (góður Jóhann).

Ég var síðan ekki að ætlast til þess að Guðbergur lofi að vera góður strákur, heldur að hann sýni þess merki að skilja að hann hafi gengið of langt.

[Grefillinn Sjálfur, 2.8.2010 kl. 22:15]

Jæja, hvort sem blogg.is opnar aftur á gömlu síðurnar mínar eða ekki þá hef ég fengið fullt leyfi kunningja míns til að koma mínu máli á framfæri á hans síðu. Það verður spennandi að sjá hvort blog.is vogi sér að loka þessari síðu eins og þeir gerðu með mínar.

Skoðið hér.

[Theódór Gunnarsson, 2.8.2010 kl. 23:09]

Ég er búinn að halda mér til hlés undanfarið af tillitssemi við Kristinn af augljósum ástæðum.

Ég tek fulla ábyrgð á að hafa tekið þátt í að gera Greflinum gramt í geði, en það var engan vegin að undirlægi Kristins.  Ég læt stundum eftir mér að vera andstyggilegur og beita bitru háði.  Þetta er gert í hita leiksins, og gert ráð fyrir að svarað verði í sömu mynt.

Á meðan á mestu gekk vissi ég ekki hvað var í gangi, og ég verð að viðurkenna að ég veit það ekki enn.  Þetta er búin að vera einkennileg upplifun.  Einhver líkti Greflinum við Silvíu Nótt, og það klingir bjöllum hjá mér.  Á tímabili hafði ég einmitt á tilfinningunni að það væri verið að spila með okkur.  Það kom mér til að hlaupa í vörn og beita eins beittu og árásargjörnu háði og ég hafði úr að spila.  Maðurinn var búinn að lýsa yfir að þetta væri allt bara grín;  einungis blekking til þess fallin að vinna úr einhverskonar ritgerð vegna náms í Háskóla.  Við vorum bara aumar tilraunarottur, algerlega á valdi hans í þessarri vísindalegu tilraun.

Svo hélt þetta bara áfram.  Þrátt fyrir að Grefillinn væri búinn að svipta af sér hulunni dró ekkert úr ofsanum og gífuryrðunum.  Það var bara haldið áfram að tala um mannorðsmorð og siðleysi, skepnuskap og villimennsku.  Stofnaðar voru nýjar, sjálfstæðar færslur um ótrúlegan óheiðarleika Kristins, ómennsku og siðferðisbrest.  Hann var sagður hafa falsað eitthvað, - ég hef ekki enn náð að skilja hvað hann átti að hafa falsað, eða hvernig hagsmunum hans hefði verið þjónað með umræddum fölsunum -, og allt sem hann segði myndi verða notað gegn honum.   Sérstök áhersla var á það lög að afrit hefðu verið tekin af öllu draslinu.

Eins og ég er búinn að benda á þá er minnir þetta svokallaða mál, á ritverkið Réttarhöldin eftir Franz Kafka.  Þeir sem hafa lesið bókina vita hvað ég er að tala um, en hina hvet ég til að lesa hana.  Þetta er allt tóm della.  Enginn sveik nokkurn.  Enginn reyndi að fremja mannorðsmorð.  Enginn gerði nokkrum nokkuð.

Ef einhver, af þeim sem hafa verið að reyna að fylgjast með þessarri fáránlegu dellu, hefur nennt að lesa allt draslið, og náð að halda meðvitund undir lestrinum,  þá hlýtur það að blasa við að möguleikarnir eru bara  tveir:  Annað hvort er Grefillinn einfaldlega svona svakalega ruglaður og úti á þekju, eða hann er einhverskonar Silvíu Nætur fyrirbrygði.  Þá er þetta ennþá einhverskonar tilraun og hugsanlega hluti af einhverri undarlegri háskólaritgerð.

Upp úr stendur að Kristinn hefur einungis verið að reyna að verja hendur sínar.  Ef maður verður fyrir því að einhver ákveður, bara sí svona, að svipta mann ærunni, þá verður maður að standa upp og verja sig, eða að öðrum kosti að tapa henni.  Þó merkilegt megi virðast, þá hafa flestir trúleysingjar áhyggjur af æru sinni, þó að sumum trúðuðum finnist ósennilegt að þeir hafi eitthvað slíkt til að hafa áhyggjur af.

Grefill, eða Guuðbergur Ísleifsson.  Ég biðst fyrir mitt leiti afsökunnar á að hafa misst mig í að hæða þig, en það gerði ég aglerlega upp á mitt einsdæmi, og í þeirri trú að þú værir túlega að hæðast að mér og öðrum af mínu sauðarhúsi.  Brjóttu nú odd af oflæti þínu og endaðu þessa fásinnu.  Það er í þínu valdi.

[Grefillinn Sjálfur, 2.8.2010 kl. 23:26]

Theódór: Þú biður mig um að láta málið niður falla í lok greinar sem er full af rangfærslum um mig.

Það er ekkert lítið sem Kristinn, Brynjólfur og fleiri hafa sagt um mig hér á blogginu síðan þið létuð loka á mig. Margt af því má vel skilgreina sem tilraun til mannorðsmorðs, til dæmis öll þvælan úr honum Brynjólfi í langlokunni hér fyrir ofan þar sem hann lýgur öllu um atburðarásina í því eina skyni að niðurlægja mig.

Þér finnst ekkert athugavert við það?

Ég gerði samkomulag við Kristinn, son þinn, á miðnætti í gærkvöldi um að ljúka þessu. Innan tveggja stunda var hann búinn að svíkja það samkomulag gróflega.

Finnst þér það líka allt í þessu fína?

[Theódór Gunnarsson, 2.8.2010 kl. 23:32]

Grefill,

Er þetta ekki bara orðið ágætt?  Einhver verður að enda þessa dellu.  Þú verður maður að meiru með því að stíga skrefið.  Sýndu manndóm.

[Grefillinn Sjálfur, 2.8.2010 kl. 23:37]

Sýna manndóm? Það er enn lokað á bloggsíðurnar mínar sem ég hafði lagt gríðarlega vinnu í. Sýnið ÞIÐ ykkar manndóm og látið opna þær aftur.

[Theódór Gunnarsson, 2.8.2010 kl. 23:49]

Grefill,

Það er ekki um neina OKKUR að ræða.  Ég get samt lofað þér því, einfaldlega vegna þess að ég þekki son minn, að hann munn gera sitt besta til að fá síðurnar þínar opnaðar ef þú lýsir því yfir að þessu stríði sé lokið af þinni hálfu.  Ég segi fyrir mig, að mér fannst það mjög miður að þessum fáránlegu deilum skyldi ljúka með því að þér væri hent út af blogginu.  Ég veit fyrir víst, að Kristni leið eins.

Grafðu stríðsöxina og legðu drengskap þinn að veði.  Þá er ég viss um að Kristinn mun leggja sig í líma við að fá ritstjórn blog.is til að opna bloggin þín.  Ég get fullyrt þetta vegna þess að ég veit að Kristni finnst það miður að þetta skyldi enda svona.  Það eina sem þú þarft að gera er að rétta fram sáttahönd á sannfærandi hátt.

[Kristinn Theódórsson, 2.8.2010 kl. 23:53]

Gleymdu þessu TG. Maðurinn er týndur.

[Theódór Gunnarsson, 3.8.2010 kl. 00:04]

Ég neita að trúa því að nokkur maður kjósi að lifa í svona rugli.  Ég held að Grefillinn sjái eftir að hafa leyft þessum ólánlegu deilum að lenda í þessum farvegi.  Hann vill bara koma út úr þessu með reisn og það held ég að hann geri best með því að brjóta odd af oflæti sínu og viðurkenna að hann hafi gert úlfalda úr mýflugu.

Grefill, koma svo!  Stígðu skrefið og endaðu þessa vitleysu.

Kristinn, gefðu Greflinum svigrúm til að segja þetta gott.

[Óskar Arnórsson, 3.8.2010 kl. 00:06]

Grefill! Blessaður leggðu niður þetta og gleymum þessu bara. Það er ekkert í þessu máli þess virði að standa í þessu þrasi meira. Þetta er alveg ömurlegt og leiðinlegt allt saman, fyrir alla. Það skiptir engu máli lengur hver hefur rétt eða rangt fyrir sér.

Theódór bendir á einu leiðina og það er að einhver byrji á að leysa þetta mál.Ég vona að það verði þú Grefillinn. Virkilega...

[Grefillinn Sjálfur, 3.8.2010 kl. 00:14]

Strákar ... ég gerði samkomulag við Kristinn í gær á miðnætti (sjá hér) sem hann sveik nánast samstundis (sjá hér líka).

Sjáið svo hvað hann segir um mig eftir það.

Ætlist þið svo til að ég láti málið niður falla?

[Theódór Gunnarsson, 3.8.2010 kl. 00:23]

Guðbergur,

Vertu nú skynsamur og segðu þetta gott.  Ég get lofað þér því að þá verður þessu lokið af Kristins hálfui.  Hann hefur engan áhuga á að elda við þig, eða nokkurn mann, grátt silfur.  Honum er í raun og sannleik annt um mannorð sitt.

Ég er orðinn hundgamall, eins og þú veist, Grefill.  Ég varð 56 ára fyrir skemmstu.  Þess vegna man ég mjög vel vopnakapphlaup stórveldanna USA og USSR.  Þetta minnir mig dálítið á þá deilu.  Enginn gat gefið eftir af fyrra bragði.  Enginn þorði að treysta drengskap andstæðingsins.  Það er ekki eins mikið í húfi hér.  Bara smá stolt.  Koma svo!

[Grefillinn Sjálfur, 3.8.2010 kl. 00:27]

Kristinn var rétt áðan að skrifa nýja færslu um mig sem er full af ósannindum og ákaflega mannorðsmeiðandi fyrir mig. Ég held að kröftum þínum yrði betur varið í að stöðva hann en ekki mig, Theódór.

[Theódór Gunnarsson, 3.8.2010 kl. 00:46]

Guðbergur,

Vertu nú skynsamur og hættu þessu bara. Hann er ekki að birta nein ósannindi.  Hann er að fara með rétt mál og auk þess að ergja sig á árásum þínum og tilraunum til að draga persónu hans í svaðið.  Það er einfaldlega það sem þú ert búinn að vera að gera.  Þér hefur meir að segja orðið nokkuð ágengt í þeim efnum.  Hættu bara þessum árásum og þá er þessu máli lokið.  Þá mun Kristinn reyna að tala máli þínu á Blog.is. og allir verða glaðir.  Það eru margir búnir að lýsi því yfir að þeir muni sakna þín af blogginu.  Gerðu  nú öllum greiða og lýstu einhliða fyrir friði.  Þannig kemur þú út úr þessu með reisn.

[Theódór Gunnarsson, 3.8.2010 kl. 00:56]

Ég er hér með farinn að sofa.  Ég legg það til við ykkur báða, að þið hættið báðir að tjá ykkur hver um annan frá og með þeirri stundu sem þið lesið þessi orð.  Þið gerið sjálfum ykkur og öllum öðrum greiða með því.  Þetta er löngu orðið til háborinnar skammar.

Það er ekki lengur mikilvægast að komast að almennri niðurstöðu um hvor ykkar á sökina, heldur að hætta þessu rugli.

Ég vona af hjartans einlægni að þessarri deilu ljúki hér með og að blog.is opni að nýju á blogg Guðbergs Ísleifssonar.

Að lokum þakka ég Sæmundi Bjarnasyni fyrir að leggja blogg sitt undir þessar sáttatilraunir og vona að hann fyrirgefi mér sníkjuháttinn.

[hilmar jónsson, 3.8.2010 kl. 01:13]

Grefill..Please..þetta er orðið gott..

[Guðmundur St Ragnarsson, 3.8.2010 kl. 01:40]

Flott hjá þér Theódór að leggja þitt lóð á vogaskálarnar. Ég held að flestir taki svo undir með Hilmari: Þetta er orðið gott. Nú á hið fornkveðna við um að sá vægir sem þið vitið. Vonandi vægja báðir samtímis.

[Grefillinn Sjálfur, 3.8.2010 kl. 02:11]

En strákar ... á ég bara að sætta mig við að bloggsíðunum mínum var lokað að ástæðulausu og verði bara lokaðar bara áfram? Ég var búinn að leggja alveg gríðarlega vinnu í þær. Nei, því miður þá bara get ég ekki sætt mig við það.

Á ég bara að sætta mig við svona mannorðsmeiðandi greinar eins og þessa sem Kristinn var að skrifa? Allt sem stendur þarna eru lygar um mig.

Á ég að sætta mig við það sem Theódór segir hérna fyrir ofan um greinina að ... "Hann er ekki að birta nein ósannindi. Hann er að fara með rétt mál" þegar greinin er lygi frá upphafi til enda?

Á ég bara að sætta mig við allan ósómann og lygarnar sem þessi menn hafa kastað í mig á undanförnum dögum?

Á ég bara að sætta mig við að Kristinn sveik við mig samkomulag í gær innan við tveimur tímum eftir að það var gert og hélt svo uppi stanslausum árásum á mig hér á blogginu í allan dag (2/8)?

Á ég ekki að svara fyrir mig?

[Kristinn Theódórsson, 3.8.2010 kl. 08:56]

Ég skal senda póstinn núna, Grefill minn, ef þú hættir þessum ásökunum um eitthvað sem ekkert var.

[Kristinn Theódórsson, 3.8.2010 kl. 09:00]

En ég minni á að ég óskaði ekki eftir því að lokað væri á Grefil, ég bað hann fyrst að hætta að nota um mig orð eins og "mannorðsmorðingi" og þegar hann sinnti því ekki óskaði ég eftir því að færslunum um mig væri hent út, en engu öðru.

Þetta hefur margkomið fram, en samt segir Grefill á síðu sinni að ég hafi óskað eftir því að lokað væri á bloggin hans.

Merkileg lygastarfsemi miðað við hvað Grefill leggur mikið upp úr því að ég sé lygari.

En eins og áður segir, þá var ég aldrei að þessu af hefndarþorsta heldur bara að reyna að sporna við stjórnlausum skrifum um mig.

Ég skal leggja mitt á vogarskálarnar til að opnað verði fyrir hann, ef hann hættir þessum ósóma.

[Kristinn Theódórsson, 3.8.2010 kl. 09:52]

Sáttahöndin hefur löngu verið rétt fram, en getur Grefil hætt?

[Grefillinn Sjálfur, 3.8.2010 kl. 10:32]

Kristinn: Ég hef breytt orðalaginu í grein minni í dag þannig að í staðinn fyir að segja að þú hafir beðið um að lokað yrði á mig stendur núna að lokað hafi verið á mig eftir að þú hafðir beðið um að færslur mínum um þig yrði hent út.

Ég skal láta þetta allt saman niður falla með öllu og aldrei minnast orði á þig framar, hvorki hér á blog.is né nokkurs staðar annars staðar, ef þú gengst við því að hafa breytt umræðuþræði þínum eftir að umræðunum lauk til að láta líta svo út fyrir að ég hefði hætt í umræðunni en ekki þú.

Umræðunum lauk kl. 08:45 að morgni sunnudags.

Eftir það breyttir þú aðdraganda umræðulokanna og settir eftirfarandi komment inn á síðuna mína kl. 12:27 sama dag ...

"Ég býð mönnum að kíkja sjálfir á framgang mála mín megin og ákvarða fyrir sig hvort nokkur tilraun hafi verið gerð til að stöðva Grefilinn. Svo er ekki, menn biðu bara og biðu og biðu eftir að hann kæmi með rök"

... í því skyni að fá menn til að halda að það hefði verið ég sem sleit umræðunni en ekki þú.

Ég minni þig á að þú ert nú þegar búinn að viðurkenna það í eigin orðum hér að þú hafir slitið umræðunni en ekki ég þannig að komment þitt var augljós tilraun til að fá menn til að halda hið gagnstæða.

Ég vil taka það fram að ég veit að þú gerðir þetta í hita leiksins og af vanhugsuðu máli. Það breytir því þó ekki að þú gerðir þetta og þetta er það atriði í öllu þessu máli sem ég er reiðastur yfir og vil fá leiðrétt.

Viðurkenndu nú hér skriflega að þú hafir breytt umræðunni eftirá í tilraun til að snúa þeirri staðreynd við að það varst þú sem sleist umræðunum en ekki ég.

Þú verður maður að meiri að viðurkenna þetta eina atriði sem þú framkvæmdir í hita leiksins og ef þú gerir það þá mun ég fyrirgefa þér að fullu og öllu og ekki minnast framar þig í mínum skrifum.

Haldir þú fast við að þú hafir ekki reynt að snúa þessu við eftirá og að ég fari hér með fleipur þá hef ég ekkert að fyrirgefa.

[Theódór Gunnarsson, 3.8.2010 kl. 10:37]

Grefill,

Þú ert svo sannarlega búinn að svara fyrir þig og gott betur en það.  Verður þú að standa uppi sem óskoraður sigurvegari í þessarri rimmu?  Er ekkert inni í myndinni annað en að Kristinn liggi kylliflatur í svaðinu með mannorð sitt í klessu?  Heldur þú að það verði þér á einhvern hátt til framdráttar?  Hættu þessu bara.

[Kristinn Theódórsson, 3.8.2010 kl. 10:53]

Grefill

Ég færði vissulega til innlegg, Guðbergur. En þar var ekki til þess að láta líta út fyrir að þú hefðir hætt rökræðunum, það var bara til að eyða út öllu fjasinu í hinu liðinu, sem sumt var ekki fallegt.

En ég get alveg skilið að þér finnist að ég hafi látið þig líta illa út og ég get vel beðist velvirðingar á að hafa orðið þess valdandi og geri það hér með.

Ég man vel að þú fullyrtir að færi ég ekki undir eins eftir reglunum væri ég að slíta þessum umræðum og þannig má vissulega alveg líta svo á að ég hafi gert það - þótt ég hafi boðið þér að bæta við þær hvenær sem þér sýndist.

En aldrei talaði ég á nokkrum tíma um þig eins og þú hefur gert um mig. Gífuryrði þín hafa komið flestum í opna skjöldu.

En hvað um það, ég endaði þá umræðurnar og lét það ekki koma nógu vel fram á blogginu í framhaldi, ertu sáttur?

[Grefillinn Sjálfur, 3.8.2010 kl. 10:55]

Theódór: Ósk mín hér fyrir ofan er bæði heiðarleg og sanngjörn. Ég vil að Kristinn viðurkenni þetta eina atriði málsins, að hann hafi breytt umræðuþræðinum eftirá í því skyni að snúa staðreynd málsins við.

Eða vilt þú að ég liggi eftir kylliflatur með mannorð mitt í klessu þegar ég átti enga sök á því að Kristinn gerði þetta og augljóst er bæði á þeim afritum sem ég hef og kommentinu sem hann setti inn síðuna hjá mér?

Ég held einmitt að Kristinn bjargi mannorði sínu við að viðurkenna þetta bara hreint út hér og nú svo málið megi taka enda.

[Grefillinn Sjálfur, 3.8.2010 kl. 11:22]

Nei, ég er ekki sáttur við svona yfirklór, Kristinn.

Þú segist hafa "eytt öllu fjasi í hinu liðinu", sem er rétt, en um leið eyddir þú út kommentinu frá sjálfum þér kl. 08:45 um morguninn sem sýndi að þú laukst umræðunni ekki ég.

Síðan skrifaðir þú þetta á síðuna þína kl. 12:46

"Hér sit ég enn og skelf af ótta við að Grefill geri út af við mig í rökræðum.

Til þess að það megi gerast hef ég eytt úr öllu fjasi hér fyrir ofan og eftir standa innlegg hans þar sem hann talar fjálglega um að fara að koma með mjög sannfærandi röksemdarfærslu.

Honum er ekkert að vanbúnaði, en notar hér hvert einasta orð sem sagt er við hann sem afsökun fyrir að lúra á meintum rökum sínum.

En völlurinn er galopinn fyrir hann og hefur lengi verið."

... og settir inn eftirfarandi komment inn á mína síðu:

"Ég býð mönnum að kíkja sjálfir á framgang mála mín megin og ákvarða fyrir sig hvort nokkur tilraun hafi verið gerð til að stöðva Grefilinn. Svo er ekki, menn biðu bara og biðu og biðu eftir að hann kæmi með rök"

Þetta gerðir þú vísvitandi til að láta menn halda að það hefði verið ég sem lauk umræðunni en ekki þú.

Þetta er algjörlega augljóst Kristinn ... og alveg ótrúlegt að þú skulir ekki vilja viðurkenna það hreint út vitandi að ég á meira að segja afrit af breytingunni sem þú gerðir sem sýnir enn betur og alveg óvefengjanlega að ég hef rétt fyrir mér.

Pabbi þinn talaði um að ég þyrfti að brjóta odd af stolti mínu. Það þarft þú einmitt að gera í þessu tiltekna atriði málsins.

Viðurkenndu þetta í eigin orðum. Um leið mun ég fyrirgefa þér og málið fellur 100% niður af minni hálfu.

Ég get ekki gengið frá þessu máli ef þú viðurkennir þetta ekki, enda stend ég þá eftir með þá sök á bakinu að hafa borið þig röngum sökum í þessu atriði - sem ég gerði ekki og vil því ekki lifa með.

[Matthías Ásgeirsson, 3.8.2010 kl. 11:23]

Guðbergur, kannast þú við að hafa gert eitthvað rangt?

[Kristinn Theódórsson, 3.8.2010 kl. 11:36]

Guðbergur

Með þessu átti ég bara við að þrátt fyrir að umræðunum væri formlega lokið, þá væri ég enn að vona að þú kæmir með rökin góðu og að þér stæði enn til boða að koma með sterkt innlegg.

Ég var að egna þig aðeins, því mig langaði að sjá rökin sem þú talaðir svo mikið um að þú ættir eftir að koma með.

Ég get ekki annað en lofað þér að ég var ekki að reyna að fela þá staðreynd að ég hafði ekki fylgt fyrirmælum þínum á tilsettum tíma um að fjarlægja athugasemdir annarra, sem þú settir sem skilyrði fyrir frekari þátttöku. Sjálfur var ég búinn að koma með skilyrði fyrir frekari þátttöku sem þú hunsaðir svo ég hélt að þú myndir nú ekki kippa þér upp við að vera hunsaður á móti.

Þráðurinn var bara opinn, en þér þótti umræðunum vera lokið og ég hafa endað þær. Gott og blessað.

En ég sem sagt lét þetta líta asnalega út fyrir þig og ég biðst velvirðingar á því.

[Leifur 3.8.2010 kl. 12:31]

Grefiil

Bakkadu út úr thessu medan thú getur. Thetta er ekki lengur spurning um satt eda logid eda rétt eda rangt. 

Auk thess er Kristinn einu numeri of stór fyrir thig í rokraedum. Er einfaldlega allt og brogdóttur og slyngur fyrir thig.

[Grefillinn Sjálfur, 3.8.2010 kl. 12:40]

Umræðan er alfarið komin hingað svo maður þurfi ekki að vera að svara á öllum síðum úti um allt.

Vonandi lýkur þessu máli hér í dag.

[Billi bilaði, 3.8.2010 kl. 21:52]

Rosalega ertu sorglegur Guðbergur.

[Miklu betra ad borda plokkfisk en ad rífast. 4.8.2010 kl. 08:27]

Skemmtilegar myndir.  Tókstu myndirnar sjálfur?  Veistu ekki hvad fossinn heitir?  Mér finnst thessi foss nefnilega virkilega fagur.

[Sæmundur Bjarnason, 4.8.2010 kl. 09:13]

Takk. Jú, mig minnir að fossinn heiti Þórufoss. Hann er ekki langt frá Mosfellsheiðarveginum á Kjósarskarðsleið.

[sami 4.8.2010 kl. 14:04]

Jú...thetta er Thórufoss.  Ég googladi Thórufoss og fékk m.a. thetta upp:

http://www.flickr.com/photos/59244210@N00/18956120

Ansi gód mynd af fossinum og uppl. um stadsetningu hans.