995 - Gos

Ég spögúlera sennilega meira í bloggi og þessháttar en mér er hollt. Finnst meira gaman að spekulera í slíku en gosi. Nema þá helst Pepsi Max - Haha, þessi var þunnur. En hvað um það, nú er ég semsagt að spögúlera í því hvort Grefillinn sjálfur eða Guðbergur Ísleifsson sem bloggar af sem mestum krafti á Moggablogginu sé sami maðurinn og Bergur sá Ísleifsson sem farinn er að blogga á Eyjunni. Hann er þá næstum því eins afkastamikill og Ómar Ragnarsson og er þá langt til jafnað.

Jæja, þá er ég búinn að skrá mig á Facebook. Gerði ekkert meira. Jú, sendi mynd af mér og upplýsingar um fæðingardag og þess háttar. Facebook hélt því reyndar fram að ég væri skráður, en ég bað um nýtt password. Kannski hef ég skráð mig fyrir mörgum árum því nafn mitt var tengt netfanginu mínu. Þegar ég fer inná Fésbókarsíðuna stendur meðal annars hver er vinnuveitandi minn. Það er svosem ekkert leyndarmál en ég man alls ekki eftir að hafa gefið fésbókinni upplýsingar um það. Eftir því að dæma eru keyrðar þarna saman upplýsingar.

Hugleiðingar um gosið og truflanir á flugi sem af því leiða eru að taka við af hrun-hugleiðingum á blogginu. Hvorttvegga er að verða jafnleiðinlegt. Gaman samt að skoða vefmyndavélarnar sem beint er að gosinu. Skoða oft vélarnar þrjár sem mila.is sér um og líka vélarnar tvær hjá vodafone.is. Vodafone vélarnar gefa mjög skýrar og góðar myndir. Verst hvað skyggnið er oft lélegt á þessum slóðum. Einhver sagði að fréttir frá þessu gosi á sjónvarpsstöðvunum væru aðallega myndir af fréttamönnum. Svolítið til í því. Þar er litla fræðslu að fá um gosið sjálft og ekki neina um landafræði svæðisins.

Athugasemdir

[Sigurður Hreiðar, 19.4.2010 kl. 11:12]

Spekúlera og afbökunin spökulera er hvort tveggja gefið í íslenskri orðabók, en þó hvort tveggja skrifað með k.

Kannski væri gott að hugleiða það.

[Sæmundur Bjarnason, 19.4.2010 kl. 12:45]

Sigurður, mér finnst einhvernvegin að stafsetning á slettum skipti minna máli en önnur réttritun. Samt skiptir hún máli. Aðalmálið varðandi texta finnst mér vera að hann sé skýr og skiljanlegur.

[Hrannar Baldursson, 19.4.2010 kl. 13:46]

Það gýs nú líka þegar þú kemst upp í 1000. Ætla að finna þig í fj...ésbók.

[Jóhannes Laxdal Baldvinsson, 19.4.2010 kl. 14:40]

Spakir spökulera af festu
spekingar um ká og gé
Skýra Sæma skiptir mestu
að skiljist það sem ritað sé

[Sæmundur Bjarnason, 19.4.2010 kl. 15:58]

Spökúlera spegingar
og spýta miklu viti.
Þó valinkunnir vitringar
í vísnamálum striti.

[Sigurður Þór Guðjónsson, 19.4.2010 kl. 18:42]

En afhverju er þá ekki hægt að finna þig á feisbúkk?

[Sigurður Þór Guðjónsson, 19.4.2010 kl. 18:45]

Búinn að finna þig!

[Grefillinn Sjálfur - Koma svo! 19.4.2010 kl. 19:48]

... ha ... já, já, nákvæmlega sami maðurinn ... heiti Guðbergur Ísleifsson fullu nafni en hef alltaf verið kallað Bergur af fjölskyldu og vinum. Þess vegna blogga ég undir því nafni á Eyjunni ... þeir eru mun fleiri sem þekkja mig sem Berg en Guðberg.

Hér á mbl.is ákvað ég að vera Grefill, man ekki út af hverju.

Er á Facebook undir bergur isleifsson, en nota þá síðu næstum eingöngu til að dreifa blogggreinum.

Annars nenni ég ekki að vera á Facebook. Hef nefnilega svo gaman af því að blogga!!!

[Grefillinn Sjálfur - Koma svo! 19.4.2010 kl. 20:04]

... og búa til alls konar vitleysu!!!

[Brjánn Guðjónsson, 19.4.2010 kl. 20:32]

sendi þér vinabeiðni um hæl er mér bárust stórtíðindin :)

[Kama Sutra, 19.4.2010 kl. 21:01]

Fínt að fá Grefilinn hingað.  Hann lífgar upp á þetta annars steindauða Moggablogg.

[Ólafur Björn Ólafsson, 19.4.2010 kl. 22:16]

Sammála síðasta ræðumanni... Grefillinn er húmoristi dagsins... Lífgar uppá tilveruna...

Kveðja

Kaldi

[Kama Sutra, 19.4.2010 kl. 23:04]

Hérna er t.d. skemmtilegt sýnishorn af blogginu hans Grefils.

[Sæmundur Bjarnason, 20.4.2010 kl. 06:59]

Takk Ólafur og þið hin. Alveg sammála um það að Grefillinn lífgar uppá tilveruna. Skemmtilegar hugmyndir hjá honum.

[Grefillinn Sjálfur - Koma svo! 20.4.2010 kl. 12:53]

Þakka hlý orð í minn garð. Gaman að vita til þess að fleiri hafi gaman af bullinu í mér en ég