947 - Hver er munurinn á siðferði og réttlæti?

Í einhverjum blogg-greinum sem ég skrifaði nýlega hef ég látið svo ummælt að siðferðislega beri okkur Íslendingum skylda til að borga Icesave skuldirnar. Hinsvegar sé það augljóslega óréttlátt. Er þetta ekki orðhengilsháttur? Er ekki í raun um sama fyrirbrigðið að ræða? Hvað þetta tiltekna mál snertir er ljóst að nokkurnvegin er um það sama að ræða. Hver er þá niðurstaða mín? Er ég að segja að við eigum ekki að borga Icesave? Veit það ekki. Er í stökustu vandræðum með að ákveða hvort segja skuli já eða nei. Ég ætla samt að kjósa.

Sagt er að sumir líti svo á að verið sé að greiða atkvæði í komandi þjóðaratkvæðagreiðslu um það hvor greiða skuli Icesave eða ekki. Það er ekki rétt. Það er bara verið að ræða um það hvernig greiða skuli. Stjórn og stjórnarandstaða eru sammála um að það skuli gert.

Mér finnst að með því að kjósa yfir okkur þá stjórn sem ekki gat komið í veg fyrir hrunið þá verðum við að bera nokkra ábyrgð á því hvernig fór. Á ég þá jafnt við þá sem kusu þá flokka sem stjórnuðu og hina sem gerðu það ekki. Það fylgja því nefnilega forréttindi að vera fæddur Íslendingur.

Hinsvegar er það ákaflega óréttlátt að við þurfum að borga svo háa upphæð sem aðrir ættu að bera ábyrgð á með okkur.

Öll viljum við vera sem einstökust. Vonandi er ég alveg einstakur bloggari á marga vegu.

Númera alltaf bloggin mín. (bráðum orðin þúsund) Nota alltaf sama word-skjalið og þegar ég er búinn að setja skrifin á bloggið þurrka ég allt út nema númerið og byrja á næsta bloggi og gæti þess að hækka töluna um einn. Linka aldrei í fréttir. Blogga daglega. Og stutt. Skrifa skemmtilega. (held ég). O.s.frv.

Athugasemdir

[Jóhannes Laxdal Baldvinsson, 2.3.2010 kl. 06:24]

Nú ertu kominn á hálar brautir Sæmundur. Farinn að velta upp spurningum um siðferði og réttlæti Ég held að bæði þessi hugtök séu afstæð.  Mér er eins farið og þér að ég taldi það maklegt að við greiddum þessar innistæðutryggingar en nú er ég kominn á öndverða skoðun. Eftir því sem meira kemur upp á yfirborðið um starfsemi bankanna og þá sérstaklega Landsbankans, þeim mun líklegra er að um skipulagða glæpastarfsemi hafi verið að ræða og því beri okkur engin siðferðileg skylda til að gangast í ábyrgð. Mér finnst eina sanngjarna lausnin fólgin í að afhenda Bretum og Hollendingum þrotabúið á núverandi matsvirði og þar með ljúki þessu máli af okkar hálfu. Bretar bera mikla ábyrgð á fjármálahruni Íslands með því að taka þátt og fjármagna bankabóluna okkar og þeir halda ennþá hlífiskyldi yfir fjárglæframönnum með því að leyfa aflandseyja viðskipti og skattaskjól.

þegar ég kýs NEI, þá er ég að senda skilaboð um að okkur beri ekki skylda til að borga.

[Jóhannes Laxdal Baldvinsson, 2.3.2010 kl. 06:28]

p.s það er beinlínis criminalt að þessi skilanefnd Landsbankans sé að sýsla með þrotabúið og taka í laun 10 milljarða á ári!!  Það er jafnmikið og allar niðurgreiðslur og stykir til íslensks landbúnaðar á ári!! 

[Þorsteinn Briem, 2.3.2010 kl. 08:28]

Aldrei fellur á hann blettur,
ætíð Sæmi tölusettur,
ekki hann hér birtir blaður,
í bókum Kaupþings er minn maður.

[Kama Sutra, 2.3.2010 kl. 17:03]

Þessar kosningar verða eins og Jónas Kristjánsson lýsti þeim:  Hver og einn mun kjósa á eigin forsendum.  Fólk mun kjósa um það sem það vill sjálft kjósa um.  Skiptir engu hvað stendur á kjörseðlinum.

[Sæmundur Bjarnason, 2.3.2010 kl. 18:05]

Rétt Kama Sutra. Umfram allt bara að kjósa. Þess sjást merki að reynt verður að túlka kjörsóknina ekki síður en úrslitin. Stjórnvöld munu ekki þora að hætta við atkvæðagreiðsluna, en kannski fresta henni.

[Sæmundur Bjarnason, 2.3.2010 kl. 18:10]

Tæri Briem er tölusettur
trauðla fellur á hann blettur.
Aðra menn er yfir settur
enda furðulega nettur.

[Kama Sutra, 2.3.2010 kl. 18:20]

"Umfram allt bara að kjósa."

Er það?  Á maður að mæta á kjörstað og kjósa í kosningum sem manni finnst vera orðnar að algjörum skrípaleik?

Ég þarf allavega að hugsa mig betur um.

En mér finnst sjálfsagt að þeir sem vilja fái að kjósa.  Ég held það verði allt vitlaust (hjá sumum) ef kosningarnar verða blásnar af.  Sumir virðast þurfa að fá einhvers konar útrás með því að krossa við Nei-ið á kjörseðlinum.

[Sæmundur Bjarnason, 2.3.2010 kl. 19:28]

Sú krafa fólks, að þjóðaratkvæðagreiðslur verði meir notaðar hér á landi en verið hefur, mun bíða mikinn hnekki ef þáttaka á laugardaginn kemur verður lítil.

[Kama Sutra, 2.3.2010 kl. 20:01]

Fólk verður að sjá eitthvað vitrænt við þessar kosningar til að vilja taka þátt.  Ég er ekki enn farin að sjá það.

Kannski er ég bara svona heimsk...

[Axel Þór Kolbeinsson, 2.3.2010 kl. 20:32]

Ég tek hjartanlega undir með Sæmundi, og ef fólki finnst málið vera asnalegt eða vill ekki taka afstöðu, þá getur það í það minnsta mætt og skilað auðu.

Það að fá loksins þjóðaratkvæðagreiðslu er stórsigur fyrir lýðræðið á Íslandi, sama hvað kemur út úr henni.

[Þorsteinn Briem, 2.3.2010 kl. 22:33]

Á atkvæðaseðlinum í þjóðaratkvæðagreiðslunni á laugardaginn verða eftirfarandi spurningar, samkvæmt bæklingi sem ég fékk í dag:

1. Er IceSave rugl?

2. Ætti að loka bloggi Sæmundar Bjarnasonar?

3. Ætti að rífa Kárahnjúkavirkjun og gera Ómar Ragnarsson að kóngi yfir Íslandi?

4. Ætti að reka Framsóknarflokkinn úr landi?

5. Ætti að gera Hannes Hólmstein Gissurarson að drottningu yfir Íslandi?

6. Ætti eingöngu að selja bjór í matvöruverslunum?

7. Er Sigmundur Davíð Gunnlaugsson geimvera frá Apaplánetunni?

8. Ætti að leggja niður Spaugstofuna og leggja peninginn sem við það sparast inn á reikning Steina Briem, númer 0311-26-6300?

9. Er Þráinn Bertelsson eins konar ég?

10. Ætti að "innkalla" allan aflakvóta á 20 árum, selja hann árlega hæstbjóðendum og leggja peninginn inn á reikning Steina Briem, númer 0311-26-6300?

[Kama Sutra, 2.3.2010 kl. 22:50]

Núna þegar Steini er búinn að leiðbeina okkur í gegnum kjörseðilinn, lið fyrir lið, ættum við heimskingjarnir að vera færir um að taka þátt í kosningunum.

Ég hef nú þegar gert upp hug minn varðandi lið no 7:  Ekkert annað kemur til greina en já já já já já já.

Þarf aðeins að velta hinu fyrir mér, í ró og næði...

[Sæmundur Bjarnason, 2.3.2010 kl. 23:14]

Flott hjá Steina. Flestir ættu að geta verið sammála einhverju af þessu!! En til þess að samþykkja það þarf að mæta, eða hvað?

[Þorsteinn Briem, 2.3.2010 kl. 23:20]

Leiðbeiningar fyrir þjóðaratkvæðagreiðsluna

[Hrólfur Þ Hraundal, 3.3.2010 kl. 00:46]

Já hálu brautirnar ber að varast og vængtanlega ekkert að óttast þar sem hér er margt vitura og köttur.  En bíðið nú við strákar og sjáið til, ykkar skyldur eru alstaðar, en ekki ætlaðar ykkur,  því þið gangið ekki með. 

Réttlæti kvenna er mjög gott enda mótmæli ég aldrei. Og ef ég er skammaður þá fer ég bara að mála þakið nema það sé stórhríð og ef svo er þá fer ég bara að laga þvottavélina sem asnaðist til að bila ekki og fæ náttúru lega skammir fyrir að laga vél sem þarf að nota.    

Já svo er það ryksugan , hún veldur þunglyndi  og negatífa útflæðið úr baðinu vekur upp  manfræði áhuga, skrítið hvað konur hafa löng hár og skilja illa niðurfallskerfi. 

En þá er hún þessi elska komin í gleðisögulestur svo maður laumast í sína mótorfræði og friður leggst yfir heimilið.