883 - Steingrímur fúli

Steingrímur fúli, Steingrímur Búri
stígur til jarðar þungt.
Icesavið ljóta, Icesavið harða
ætti að fara burt.

Steingrímur er dálítið fúll og segir að Alþingi ráði ekki við Icesave. Rétt hjá honum. Hann ekki heldur. Kannski þjóðin. Treystum á Óla.

Athugasemdir

[Ásthildur Cesil Þórðardóttir, 2.12.2009 kl. 09:19]

Já treystum á að karlinn bregðist svipað við og í fjölmiðlafrumvarpinu.  Man einhver lengur hve margir sendu honum áskorun í því máli?  Það væri fróðlegt að vita.  Annars skulum við fyrst og fremst treysta á okkur sjálf standa saman um að laga það sem þarf. 

[Sæmundur Bjarnason, 2.12.2009 kl. 14:39]

Svo virðist vera sem öðruvísi sé ekki hægt að ná málinu frá Alþingi. Jafnvel þó Ólafur neiti að undirrita eru endanleg úrslit málsins alls ekki ráðin.

[Adda Þorbjörg Sigurjónsdóttir, 2.12.2009 kl. 20:35]

Ég tel að trúnaðarbresturinn sé alger milli þjóðar og þings. Tortryggnin er allsráðandi og þar sem við erum bara rúm 300 þús ætti einfaldlega að setja málið í þjóðaratkvæði og svo öll svona stærri mál sem stífla allt. Þjóðin segði þá sitt og hægt væri að fara að nýta tímann betur en gert er og byggja á vilja meirihlutans í svona klofningsmálum.

[Sæmundur Bjarnason, 2.12.2009 kl. 22:50]

Takk Adda. Ég er samt ekki að taka undir málflutning þeirra sem halda uppi málþófi á Alþingi núna án þess að vilja viðurkenna það sem málþóf. Mér finnst það einfaldlega vera ein af örfáum úrræðum sem stjórnarandstaða á hverjum tíma hefur.

[Björn Birgisson, 2.12.2009 kl. 23:03]

Sæmundur, kærar þakkir fyrir vináttuboðið. Ég er skrítinn. Ákvað fyrir nokkru að rjúfa öll bloggvinatengsl. Vildi ekki vera háður þeim. Gerði það. Finnst svolítið töff að standa einn. Hef  það þannig. En takk samt kærlega.

Kv. BB

[Sæmundur Bjarnason, 3.12.2009 kl. 00:04]

Björn, það var meðal annars til að geta betur fylgst með skrifum þínum sem ég bauð þér bloggvináttu. Finn þig ekki á Moggablogginu nema skrifa fullt nafn. En þú ert á Blogg-gáttinni svo það er í lagi.

[Kama Sutra, 3.12.2009 kl. 09:53]

Ég sem hafði líka í hyggju að "vingast" við Björn Birgisson.  Mér finnst hann stundum svo assgoti skemmtilegur.

Hvernig verður maður annars háður bloggvinatengslum?  Ég þekki ekki þá tilfinningu.

[Sæmundur Bjarnason, 3.12.2009 kl. 10:31]

Nei, Kama Sutra, ég skil það ekki heldur. Björn getur kannski útskýrt það. Held að hann meini að hann verði háður þeim sem kommenta hjá honum. Ég mun reyna að stilla mig um það.

[Björn Birgisson, 3.12.2009 kl. 10:40]

Öllum er velkomið að gera athugasemdir hjá mér!  

[Sæmundur Bjarnason, 3.12.2009 kl. 13:47]

Björn, þetta var ekki illa meint. Þetta átti bara að vera mér til þæginda. Nýjustu skrif bloggvina koma nefnilega (eða eiga að koma - held ég) efst í stjórnborðslistanum. Kannski fylgist ég bara betur með þér fyrir vikið. Erum sennilega báðir sérvitrir.