834 - Söngur útrásarvíkinganna

Jóhanna er vitlaus
og gerir aldrei neitt. 

Betri eru skattalækkanir
en skattahækkanir

Virkjum allt sem hægt er að virkja
og reisum álver út um allt.

Látum hjól atvinnulífsins snúast
og snúast sem allra hraðast.

Burt með AGS.
Nojarar eiga bunch of monní

Við viljum fá völdin aftur.
Þá líður öllum svo vel.

Annars er ég orðinn hundleiður á þessari sífelldu og illskeyttu umræðu um Icesave, bankahrun og þessháttar vitleysu. Jafnvel prúðustu menn tryllast á lyklaborðinu þegar þeir fara að blogga. Ausa óhróðri á báðar hendur og kalla það rökræðu. Skil heldur ekki nema sumt af því sem sagt er og veit þessvegna ekkert hvaða afstöðu ég á að taka. Allt er ómögulegt. Er ekki fjöldasjálfsmorð bara lausnin?

Og svo var Ástþór Magnússon svikinn um friðarverðlaunin einu sinni enn.

Hvar endar þetta eiginlega?

Athugasemdir

[Sigurður Þór Guðjónsson, 15.10.2009 kl. 14:29]

Spektakúlar fjöldasjálfsmorð ER lausnin!

[Sæmundur Bjarnason, 15.10.2009 kl. 14:42]

Las einhverntíma bók eftir finnskan höfund um fjöldasjálfsmorð. Framkvæmdin fór eitthvað í handaskolum en hugmyndin er ágæt. Minnir að tveir menn sem ætluðu að farga sér hafi hist og fengið þessa hugmynd. Auglýst eftir þátttakendum og fyllt rútu sem þeir flæktust svo um í.

[Brattur, 15.10.2009 kl. 19:33]

Já, satt er það... maður verður þungur í herðunum að hlusta og lesa allt sem verið er að segja um hrunið og kreppuna...

Ef Ástþór væri bara friðsamur í framan þá ætti hann kannski möguleika á verðlaunum...