723 - Icesave, Joly, Valtýr og 120

Hart er nú deilt um Icesave samninginn og er það engin furða. Sagt er að  ríkisstjórnarsamstarfinu sé ekki hætt þó ríkisábyrgðarfrumvarpið, sem reyndar á eftir að koma fram, verði fellt eins og líklega verður gert. Þó vitum við lítið um hvað í því muni standa. Hugsanlega verður í því tekið tillit til þeirrar harkalegu gagnrýni á samninginn sem fram hefur komið síðustu daga.

Forðumst að gera meira úr ágreiningi en efni standa til. Samningurinn stendur og fellur með því sem Alþingi gerir og þar sitja fulltrúar okkar og við væntum þess að þeir skoði hug sinn vel.

Skoða þarf allar hliðar málsins. Líka hvað líklegt er að gerist ef samningur um Icesafe verður ekki gerður. Mál sem tengjast bankahruninu síðastliðið haust munu halda áfram að fylgja okkur næstu árin. Flokkaskipun í landinu mun riðlast og er þegar búin að því að nokkru. Trúi ekki að bylting verði. Trúi líka að Joly sigri Valtý þó fáir virðist hafa áhuga á því máli lengur.

Fjórir, átta, fimm og sjö.
Fjórtán, tólf og níu.
Ellefu, þrettán, eitt og tvö.
Átján, sex og tíu.

Svonalagað skemmtu menn sér við að setja saman í gamla daga. Veit ekkert eftir hvern þetta er og hugsanlega er vísan mjög gömul. Auðvitað er líka hægt að skrifa þetta með tölustöfum og útkoman ef lagt er saman er nákvæmlega eitt stórt hundrað.

Athugasemdir

[Einar Björn Bjarnason, 22.6.2009 kl. 13:08]

Ég vek athygl á þessari frétt Telegraph:

http://www.telegraph.co.uk/finance/economics/

Það virðist vera, að matsstofnanri, séu við það að fella lánsmat Íslands aftur niður um flokk. Eftir því sem ég man best, þíðir C flokkur, að talið sé að viðkomandi aðili sé í mikilli hættu á að verða gjaldþrota.

Lægsti flokkurinn, er D. Í D, eru skuldbindingar, sem álitnar eru tapað fé.

Ef af Ísland verður lækkað niður í C, þá þíðir það að lánshæfisstofnanirnar meta það svo, að líkur á gjaldþroti Íslands, séu verulegar og fari vaxandi.

Kv.

[Finnur Bárðarson, 22.6.2009 kl. 15:35]

Auðvitað stefnum við í gjaldþrot. Fólk heldur að enn leynist gullkistur sem ekki er búið að opna. Þetta verður 20-30 ára eymd.

[Einar Björn Bjarnason, 22.6.2009 kl. 16:23]

Finnur, ég er ekki alveg svo svartsýnn. Ég held, að hægt muni verða seinna, að semja við eigendur skulda okkar á ný. Til að það verði hægt, þurfum við þó fyrst að læra aftur góða syði, og koma grunnhagkerfinu aftur í lag,,,en það er það, sem stendur undir öllu.

Við erum ekki í þeim vanda, sem Evrópa er að fara í, þ.e. fólksfækkun. En, fólksfækkun minnkar mjög möguleika á hagvexti,,,en, þ.e. hagvöxtur, sem er þ.s. raunverulega minnkar skuldabirði. Þ.e. að vaxa úr skuldunu. 

Það eru enn möguleikar fyrir Ísland, að gera það á sama hátt, og það eru enn möguleikar fyrir Bandaríkin, að gera það sama.

Einhverntíma, mun koma að því, að hagkerfi heimsins, byrja að rétta úr kútnum. Skv. nýlegri aðvörun Alþjóða-Bankans, mun það þó ekki gerast á næsta ári, þannig að biðin er til 2011 a.m.k.

Þegar, jákvæður hagvöxtur byrjar í Bandaríkunum fyrst sennilega árið 2011, síðan ef til vill árið 2012 í Evrópu - þá byrja útflutningstekjur að aukast á ný, og einnig tekjur af ferðamennsku.

Þá, mun koma tækifærið til að semja á ný við eigendur skulda okkar,,,og þá munum við fara fram á, niðurfellingu skulda að hluta gegn því að fara á ný að borga af þeim (hérna er ég að gera ráð fyrir, að við förum í "default").

Málið er, að skuldirnar hverfa ekki sjálfkrafa, eins og við værum fyrirtæki sem væri gert upp, eignir þess seldar og svo allar skuldir afskrifaðar. Fyrir ríki, virkar þetta ekki með þeim hætti; þ.e. ekki er hægt að taka yfir allar eignir þess, og selja þær upp í kröfur.

Þess vegna, verða þær allar enn til staðar, þegar tækifæri skapast á ný, að reyna að byrja að byggja upp.

Þetta er raunveruleikinn. Það, er raunverulega betra, að hafa færri skuldara, sem við þurfum að byðja um að afskrifa skuldir að hluta, heldur en fleiri. Það gerir málin auðveldari viðfangs, því það tefur alltaf mál, og gerir þau erfiðari úrlausnar, eftir því sem skuldirnar eru fleiri og stærri.

Það er nægileg ástæða, til að segja "nei" við Icesave; jafnvel þó, að við vitum að "nei" bjargi okkur ekki frá gjaldþroti.

Kv.

[Sæmundur Bjarnason, 22.6.2009 kl. 19:03]

Takk, Einar og Finnur.
Það er mjög gott að þið skrifið hugleiðingar ykkar hér. Ég reyni að fylgjast með og vonandi gera fleiri það. Hef haft lítinn tíma til að skrifa í dag. Veit ekki með á morgun.