655- Lóan er komin að kveða burt snjóinn

Ömurlegt að vera að hugsa um pólitík núna þegar vorið virðist loksins vera að koma. Náttúran er óðum að búa sig undir sumarið. Farfuglarnir flykkjast til landsins og birtutíminn lengist óðum. 

Í fréttum er það helst að einhverjir virðast vera að reyna að koma veg fyrir að flokkurinn sem Ástþór er í forsvari fyrir geti boðið fram. Ef frambjóðendur finnast og nægilegur fjöldi meðmælenda þá er sjálfsagt að úrskurða framboðið gilt en ekki reyna að fella það á einhverjum formsatriðum.

Kominn yfir að reyna að gera við hlutina ef það er hægt. Áðan bilaði kaffivélin og undireins var bara keypt ný. Í gróðærinu og einkum auðvitað hjá auðmönnunum ómissandi var líkt á komið með sjónvörp, allskyns heimilistæki og jafnvel bíla og þess háttar. Bara henda því sem bilar og kaupa nýtt. Þetta er hugsunarháttur sem er mér dálítið framandi. Áður fyrr var allt notað og flest verðmæti. Ruslið minna o.s.frv.

Hve oft skal blogga hugleiðir Jónas Kristjánsson og kemst að þeirri niðurstöðu að hæfilegt sé að blogga einu sinni á dag. Sammála.

Bloggaði um Borgarnesmyndir í gær. Kannski verður framhald á því síðar. Ýmsar hugmyndir eru á kreiki.

Athugasemdir

[EE elle 16.4.2009 kl. 22:48]

Í minni æsku var allt lagað?  Og föt löguð endalaust.  Núna þarf ég meðvitað að henda ónýtum hlutum.  Gat þó ekki skilið að fólk kastaði nothæfum bílum á haugana.

[Sæmundur Bjarnason, 16.4.2009 kl. 23:03]

Um daginn fór ég í annað skipti á ævinni með gangfæran bíl til eyðileggingar. Hefði reyndar kostað heil ósköp að koma honum í gegnum skoðun. En þetta er svolítið sárt og hefði ekki komið til greina í mínu ungdæmi.

[Sigurður Þór Guðjónsson, 17.4.2009 kl. 00:44]

Hvað er hæfilegt og hvað er óhæfa? Ég blogga þegar ég er í stuði. Annars ekki.