646. - Mínu málþófi er lokið

Málþóf er alltaf málþóf. Alveg sama þó reynt sé að gera það eðlilegt og neita harðlega að um málþóf sé að ræða. Sjálfstæðismenn hafa í raun tekið Alþingi í gíslingu. Við því er lítið að segja. Það er þeirra réttur.

Fjórflokkurinn (sjálfstæðismenn, framsóknarmenn, kommar og kratar) er allur á móti því að halda stjórnlagaþing. Með því minnka völd þingmanna hans (fjórflokksins). Núverandi stjórnarflokkar og stuðningsflokkur þeirra hafa samt komist að þeirri niðurstöðu að líklegt sé til vinsælda að þykjast styðja stjórnlagaþing.

Athugasemdir

[Malína 7.4.2009 kl. 02:08]

Hið eina rétta í stöðunni er að refsa fjórflokknum í komandi kosningum og kjósa Borgarahreyfinguna.  Það mun ég að öllum líkindum gera.  Punktur.

[Yngvi Högnason, 7.4.2009 kl. 09:38]

Gaman að líta við hjá þér Sæmundur,sem fyrr, en ég er að hugsa hvort þetta séu ekki tóm myrkraverk hjá þér,oftast skrifað eftir miðnætti?

[Sigurður Hreiðar, 7.4.2009 kl. 14:12]

Þetta er eitthvert stysta málþóf sem ég man eftir!

[Sæmundur Bjarnason, 7.4.2009 kl. 14:40]

Malína: Já, Borgarahreyfingin kemur til greina. Hún á bara eftir að sanna sig.

Yngvi: Myrkraverk eða ekki myrkraverk. Bráðum er vetrarmyrkrinu lokið. Oft er ég búinn að leggja drög að blogginu áður en ég hendi því upp. Svo er ég næturvörður og oft hentar vel að setja það upp á þessum tíma.

Sigurður: Áttu við málþófið mitt? Þá skil ég þig. Málþóf á þingi er ekki bara mælt í klukkustundum heldur ýmsu öðru.

[Yngvi Högnason, 7.4.2009 kl. 16:35]

Sæll aftur, þetta var nú bara góðlátlegt,ég veit um allt hitt.

[Baldur Guðmundsson 9.4.2009 kl. 09:55]

Ég er nú á því að fjórflokkurinn sem slíkur, sé að breytast í þrír +einn flokkinn. Ég átta mig ekki á því, af hverju Framsókn, VG og Samfylkingin ættu að vera að  þykjast  vera hlynntir Stjórnlagaþingi. Það gagnast ekki til fylgisaukningar, eða hvað?  B.G.