2356 - Um pútínska keisaradæmið o.fl.

Ríkisstjórnin íslenska er í ítarlegu sumarfríi. A.m.k. hef ég sannfrétt að ríkisstjórnarfundir hafi fáir verið haldnir að undanförnu. Það er líka óþarfi hinn mesti því rífandi uppgangur er um allt samfélagið, braskarar vaða uppi og verða áreiðanlega ekki lengi að setja allt á hausinn aftur með hjálp bankanna, sem láta eins og þeir hafi aldrei séð peninga áður. Mestmegnis eru þeir náttúrulega bara tölur á blaði en ef þú ert nógu ófyrirleitinn dugar það alveg.

Eiginlega var ég í talsvert ítarlegu sumarfríi einnig. Vikudvöl í sumarhúsi í Ölfusborgum, jafnvel þó rigni flesta dagana, er alveg á við miðlungsutanlandsferð.

Seðlabankinn er máttlaust apparat og gerir bara það sem honum er sagt. Mest er deilt um vændi og ríkisstjórnin reynir að styðja þjóðrembu alla en situr sem fastast á kassanum að öðru leyti. Svik og prettir af öllu tagi þykja sjálfsagðir. Verkamenn þora ekki í verkfall vegna hótana. Skólarnir hefjast.

Og svo er Palli kominn í ruglið, segir Jónas. Það vill svo til að ég þekki bæði Pál Magnússon og Jónas Kristjánsson persónulega og minn Palladómur (rödduð eða órödduð ell, eftir atvikum) er sá að báðir hafi nokkuð til síns máls. Báðir eru þeir fyrrverandi fjölmiðlamenn og teknir að gamlast nokkuð. Auðvitað eru þeir að rífast um hana Páleyju í Eyjum (pun intended) Mér finnst Jónas vera of mikill orðhákur og Palli fullgætinn og hallur undir yfirvaldið. Pólitískt séð eru þeir báðir þó hægrikratar að ég held. Mér ætti að líða bara nokkuð vel mitt á milli þeirra. Næst fara þeir sennilega að rífast um Amnesti International og vændi í stað nauðgana. Það er þó allavega tilbreyting og auk þess hæstmóðins þessa dagana.

Þegar alþingi kemur saman í haust verður haldið áfram þar sem frá var horfið við að koma öldruðum og öryrkjum fyrir kattarnef.

Svo er það þetta með Rússana. Málið allt saman gæti orðið ríkisstjórninni skeinuhætt. Hver veit nema þarna sé komið málið sem framsóknarmenn allra flokka geta sameinast um. Þjóðrembingslega séð er þetta alveg upplagt til að græða atkvæði á. Jafnvel eru líkur á að gamla skiptingin í hægri og vinstri, frá kaldastrísðárunum dugi ekki alveg. Ef Rússar hafa einhverntíma komist uppá að kaupa af okkur Íslendingum ónýtt drasl þá skulu þeir veskú halda því áfram. Annars er sjálfum Sigmundi að mæta. 

Höfði.

Athugasemdir

[Elín Sigurðardóttir 22.8.2015 kl. 09:16]

Rússadæmið hefur akkúrat ekkert með Pútín eða Sigmund að gera.  Evrópa er að fjöldaframleiða flóttamenn sem hún hefur engan áhuga á því að taka við.  Það er mannhatrið sem drífur þetta lið áfram.  Þau garga á stríð.

[Bjarni Gunnlaugur 22.8.2015 kl. 11:36]

Því miður er nokkuð til í þessu hjá þér."...hinn mesti því rífandi uppgangur er um allt samfélagið, braskarar vaða uppi og verða áreiðanlega ekki lengi að setja allt á hausinn aftur með hjálp bankanna, sem láta eins og þeir hafi aldrei séð peninga áður. Mestmegnis eru þeir náttúrulega bara tölur á blaði en ef þú ert nógu ófyrirleitinn dugar það alveg..."

En hvort er nú meiri þjóðremban að vilja selja fisk héðan af skerinu eða setja sig á stall með stórþjóðum (taka þátt í samkvæmisleik hinna stóru) og taka þátt í sölubanni til Rússa á hergögnum og peningum?

Vörur sem við ýmist framleiðum ekki eða eigum engan vegin nóg af!

(við eigum víst ekki nóg af vopnum heldur)

[Sæmundur Bjarnason, 22.8.2015 kl. 12:06]

Ég tel Rússadæmið hafa talsvert með Pútín að gera. Hann er einvaldur í Rússlandi og er að reyna að endurvekja kalda stríðið og auka þjóðarvitund Rússa. Auðvitað er Sigmundur samt eins og hvert annað peð í þessu sambandi.

[Óskar Helgi Helgason 22.8.2015 kl. 14:00]

Sæll æfinlega: Saæmundur - sem og aðrir gestir, þínir !

Sæmundur !

Þér skjöplazt algjörlega: í túlknunum þínum, á þróun Heimsmála.

Það eru Vesturlönd (stríðsrekstrar- og stríðsæsingablokkir Bandaríkjanna og Evrópusambandsins), sem standa fyrir endurvakningu Kalda stríðsins, fornvinur sæll.

Til marks: um áhugaleysi Pútíns, á frekari útvíkkun Rússneska Sambands lýðveldisins, voru þau hyggindi, að láta ógerða:: innlimun hins gamal gróna Konungsríkis Georgíu, í styrjöldinni þar, árið 2008, t.d.

Krímverjar: ákváðu SJÁLFIR, samrunann við Rússland í fyrra, án nokkurra þvingana frá Moskvu, enda orðnir pirraðir mjög, á ofstopa Nazista klíkunnar í Kyiv í Úkraínu, leppa Bandaríkjamanna og ESB.

Þú ættir að forðast: að gleypa hráar - lygar Vesturlanda í þeim umbrotum, sem þau komu sjálf af stað þar eystra, Sæmundur minn.

Manstu: lygaþvættinginn, af  gangi Víetnam stríðsins hér forðum, t.d. ?

Með beztu kveðjum: sem endranær - af Suðurlandi /  

[Anna Sigríður Guðmundsdóttir, 22.8.2015 kl. 14:17]

Sæmundur.

Þetta með tölurnar á blaði bankanna er mjög mikilvægur punktur hjá þér.

Og svartir eiturlyfjamarkaðir eru í sömu alþjóða-glæpabanka-stýringunni og valdamestar bankastjórnir, meðal jarðneskra áhrifamikilla afla spillingarkerfisins.

Það er mikilvægt að allur almenningur allra þjóða sjái hvernig glæpabankar undir/yfirborðsheima stjórna öllu beint til enn einnar heimsstyrjaldarinnar.

M.b.kv.

[Húsari. 24.8.2015 kl. 09:49]

Sæll Sæmundur.

Varla er nokkur maður að ekki muni frækilega för
er Valdamar 1 af Novgorod frelsaði Úkraínu um 980
og þótti svo mikið til afreka hans koma að hann og
allt hans lið var tekið í dýrlingatölu án viðkomu
í hreinsunareldi og enn í dag gefst mönnum kostur á 
í Kænugarði að kveikja kerti frammi fyrir hausum þessum
sem Ólafur Noregskonungur fægði með meiðslatólum sínum
svo snilldarlega lofsællar minningar.

Um að gera fyrir síðuhafa að halda til Kænugarðs
í 'ítarlegu sumarfríi' sínu!