1817 - Búsáhaldabyltingin

Mig langar að lýsa svolítið búsáhaldabyltingunni eins og hún kemur mér fyrir sjónir nú fjórum árum eftir að hún átti sér stað. Ég ætla að reyna að vera ekki mjög langorður og styðjast eingöngu við minnið. Um Hrunið sjálft, ástæður þess og afleiðingar ætla ég ekki að fjalla.

Það var spillingin, lygarnar, misskiptingin og vanhæfnin sem réði því að svo fór sem fór í Hruninu. Búsáhaldabyltingin hófst í rauninni með stuttum æfingum Harðar Torfasonar á Austurvelli í nóvember og desember árið 2008  þar sem flutt voru örstutt erindi og hann spurði ýmissa spurninga, sem mannfjöldinn svaraði með kröftugu nei-i. Þessir fundir voru haldnir hvern laugardag og það var ansi kalt í veðri. Man að mér hlýnaði ætíð með því að fara í Kolaportið bæði fyrir og eftir fundina. Mannfjöldinn sem sótti þessa fundi fór sívaxandi og undir lokin mátti segja að hann fyllti bæði Austurvöll og nærliggjandi götur.

Búsáhaldabyltingunni lauk síðan að mig minnir í janúar 2009 þegar ríkisstjórn Geirs Haarde hrökklaðist frá völdum eftir að búið var að kveikja í norska jólatrénu sem lokið hafði hlutverki sínu. Segja má að þar hafi búsáhaldabyltingin náð hámarki sínu. Líklega má einnig segja að hún hafi náð því með háværum mótmælum við Alþingishúsið við Austurvöll og Stjórnarráðshúsið við Lækjagötu. Ingibjörg Sólrún Gísladóttir sá sína sæng útbreidda og skildi að henni var um megn að halda áfram og sleit ríkisstjórninni viljandi. Með því að útnefna Jóhönnu Sigurðardóttur eftirmann sinn tókst henni að friða þjóðina að einhverju leyti.

Eftirleikurinn varð síðan sá að Framsóknarflokkurinn bauðst til að veita ríkisstjórn sem mynduð væri af Samfylkingunni og Vinstri grænum hlutleysi sitt ef kosningar færu fram strax um vorið 2009.

Í rannsóknarskýrslunni birtust síðan járnbent rök fyrir því að þetta með spillinguna var alveg hárrétt. Hún ásamt frændhyglinni,  misskiptingunni og lyginni var svo geigvænleg í þjóðlífinu að það gat eiginlega ekki annað en valdið Hruninu. Þetta sáu þó fáir meðan á því stóð, en eftirá var þetta augljóst.

Eflaust eru ekki allir sammála þessari túlkun mála, en við því er ekkert að gera. Þetta er það sem mér finnst akkúrat núna.

Snæfellsnes (Í Ráðhúsinu).

Athugasemdir

[Ásthildur Cesil Þórðardóttir, 30.11.2012 kl. 14:18]

Jú Sæmundur reyndar deili ég þessari skoðun þinni alveg 100%

[Hilmar Hafsteinsson 30.11.2012 kl. 14:37]

Nú verð ég að fá að leiðrétta þig Sæmundur minn. Svonefnd "Búsáhaldabyltingin" miðast við 20. janúar 2009 - og næstu daga þar á eftir.

Kveikjan að þeim atburðum voru hins vegar vikulegir fundir Radda fólksins á Austurvelli á laugardögum kl. 15:00, en þeir hófust í októberbyrjun 2009 (http://is.wikipedia.org/wiki/M%C3%B3tm%C3%A6lin_%C3%A1_%C3%8Dslandi_%C3%AD_kj%C3%B6lfar_efnahagskreppunnar_2008).

Búsáhaldabyltingunni lauk ekki fyrr en DO hafði verið hrakinn úr Seðlabankanum í mars 2009, enda voru kröfur Radda fólksins: Ríkistjórnina burt!, stjórn Seðlabankans og FME burt! og kosningar eins fljótt og verða má.

[Ásgrímur Hartmannsson, 30.11.2012 kl. 16:39]

Ah, búsáhaldabyltingin... þegar vanhæf ríkisstjórn var raikin frá völdum, og önnur vanhæfari kosin í staðinn. Mestmegnis mönnuð sama fólkinu.

[Sæmundur Bjarnason, 30.11.2012 kl. 17:16]

Takk, Ásthildur. Ég met álit þitt mikils.

[Sæmundur Bjarnason, 30.11.2012 kl. 17:23]

Hilmar, mér finnst það vera dálítið álitamál hvenær búsáhaldabyltingin hófst og hvenær hún endaði. Efast um að þessir vikulegu fundir sem þú talar um hafi hafist í októberbyrjun (2009 hlýtur að vera prentvilla - hef ekki skoðað linkinn sem þú sendir)

[Ásthildur Cesil Þórðardóttir, 30.11.2012 kl. 17:28]

Takk fyrir það Sæmundur.

[Sæmundur Bjarnason, 30.11.2012 kl. 17:30]

Ásgrímur, hvort núverandi ríkisstjórn er jafnvanhæf og sú sem hrakin var frá völdum í upphafi árs 2009 á eftir að koma í ljós.

[Hilmar Hafsteinsson 30.11.2012 kl. 18:54]

Þú getur verið viss um eigið misminni Sæmundur. Sjálfur er ég ritari Radda fólksins og þykist því geta frætt þig á því sem þú veist greinilega ekki.

[Ásgrímur Hartmannsson, 30.11.2012 kl. 19:37]

Nei Sæmi, það er nokkuð ljóst að hún er verri - sú sem var hrakin burt var ekki að gera neitt. Bókstaflega, jafnvel ekki það sem hún átti að vera að gera. Sú sem er núna er að gera ekkert nema það sem hún á ekkert að vera að gera. Sem er verra.

[Hilmar Hafsteinsson 1.12.2012 kl. 10:31]

Þá eru nú þeir Sæmi og Ási komnir í pissukeppni, að alíslenskum sveitasið, um það hvor FLokkurinn er nú betri, FjórFLokkurinn eða FjórFLokkurinn!

Áður en þeir míga sig móða er rétt að benda þeim á að hann er jafnslæmur á alla vegu.

Það að kenna svonefndri Búsáhaldabyltingu um uppvakningu "norrænu velferðarstjórnarinnar" er hins vegar sjálfspilltur heilaspuni Ása Hart. Þeir láta svona íslensku aumingjarnir sem halda að valið standi bara á milli þess að vera hengdur og skotinn á Klakanum!

[DoctorE 1.12.2012 kl. 11:08]

Þetta var ein misheppnaðasta "bylting" allra tíma

[Hilmar Hafsteinsson 1.12.2012 kl. 12:09]

... og þú ert einn misheppnaðasti ekki-doctor allra tíma "DoctorE" - mannleysa par excellence!

[DoctorE 1.12.2012 kl. 13:54]

Þessi fáránlega "athugasemd" þín segir miklu meira um þig en mig Hilmar.

[Hilmar Hafsteinsson 1.12.2012 kl. 13:58]

"There is no God, only DoctorE..."

[DoctorE 1.12.2012 kl. 14:20]

Á örfáum mínútum hefur Hilmari tekist að misskilja nikkið mitt sem og fyrirsögn á blogginu mínu + að ráðast að perónum í stað málefna. Þetta er líkast til met :)

[Hilmar Hafsteinsson 1.12.2012 kl. 15:39]

Hvernig í ósköpunum er hægt að misskilja það sem ekki er til? Komdu fram undir réttu nafni auminginn þinn!

[DoctorE 1.12.2012 kl. 16:35]

Og Hilmar bætir stöðugt í, sýnir og sannar einfeldni sína :)
Reyndu nú að halda þig við umræðuefnið vinur, það er verið að tala um búsáhaldabyltinguna..

[Sæmundur Bjarnason, 1.12.2012 kl. 16:59]

Svona, svona strákar. Verið ekki að rífast þetta!! Það er alveg ástæðulaust og breytir raunar engu.