3248 - Trump æsingaseggur og einangrunarsinni

Þó ég álíti mig talsvert vinstri sinnaðan, finnst mér ekki að allt hið illa sé hjá öfga-hægrinu og allt hið góða hjá góða fólkinu, eða villta vinstrinu. Allt er blanda af öllu.

Segja má að þeir sem bestir eru í báðum herbúðum ættu að sameinast um að horfa öðru hvoru á málin frá sjónarmiði andstæðingsins. Þá mundu deilurnar ekki verða eins hatrammar og annars. En hvað á að gera ef valdamesti maður heims reynir allt sem hann getur til að æsa menn upp? Ég efast ekki um að Trump gengur gott eitt til, en aðferðir hans eru eins rangar og þær geta verið.

Ég ætla ekki að fjölyrða mikið um þetta, en það er augljóst að þó sumir séu honum sammála um sumt eru fáir, utan hans innsta hrings, sem segjast vera honum sammála um allt sem hann segir. Skárra væri það nú. Ég efast um að hann komi fram nema hluta þess sem hann segist ætla að gera.

Einsog fyrri daginn er Trump mér hugleikinn, svo best er að hætta sem fyrst.

Einhver mynd.

 

3247 - Páll Vilhjálmsson

Kannski er ég að koma til. A.m.k. finnst mér ekkert langt síðan ég bloggaði síðast.

Hver veit nema nú komist regla á bloggskrifin hjá mér. Einu sinni  bloggaði ég daglega, geri ekki ráð fyrir að sú regla verði tekin upp aftur. Sennilega er ég ekki einu sinni fær um það.

Trump er alltaf til vandræða. Nú bætist það við að hann er orðinn óvinsæll í Bandaríkjunum, og er þá mikið sagt.

Annars er það svo, að þó öfga-hægrimenn einsog Páll Vilhjálmsson haldi því fram að gagnrýni á Ísraelsmenn útaf Gazastríðinu stafi af Gyðingahatri, þá er allsekkkert sem bendir til að svo sé.

 Já, ég sagði að ég og margir fleiri (kannski flestir) álíti Palla öfga-hægrimann. Samt er hann mjög vinsæll hér á Moggablogginu og kannski er það engin furða. A.m.k. styður hann Putin bæði leynt og ljóst. Öllum er þó ljóst að hann (þ.e. Putin) er árásaraðilinn.

Hættur í bili.

Einhver mynd.

 

3246 - Tollar o.þ.h.

Ég er sennilega að koma til. Nú hef ég tekið upp í bili tveggjaputta aðferðina, fingrasetningin kemur ekki.

Hugsa mikið um Trump. Hvílík hringavitleysa. 150% tollur í dag. Enginn á morgun. Er engin leið að stöðva vitleysisganginn?

Annars virðist Trump vera óskaðlegri núna en síðast, þó er greinilegt að það er hægri-bylgja í heiminum nú um stundir. Aldrei heyrir maður um vinstri-bylgju nema eftirá. Þó skyldi maður ætla að hún fari á undan hægri-bylgju.

Þó ýmislegt sé hægt að skrifa um núna ætla ég að sleppa því vegna þess að ég er alls ekki búinn að ná upp æskilegum hraða í vélrituninni.

Einhver mynd.

3245 - Bit-coin

Þetta er líklega aprílinnleggið mitt.

Líklega var ég eitthvað að hallmæla bit-coin í síðasta bloggi. Það held ég að hafi verið vegna þess m.a. að eftir allar þær tilfæringar (sem ég hef engan skilning á) sem fram fara á svonefndum gagnaverum, sé illmögulegt eða ómögulegt að rekja uppruna færslanna og þannig komi þær glæpamönnum og hvers kyns vafagemlingum til góða, auk annarra.

Ég er alls ekki búinn að ná mér eftir kóveitið í lok árs 2022 og þessvegna brá mér heil ósköp þegar mér var tilkynnt um daginn að ég væri með kóveit-19, en það er víst næsta meinlaust orðið.

Einhver mynd.

3244 - Raf-Eitthvað

Sennilega er hægri bylgja í heiminum núna. Samt er ég vinstri sinnnaður, og skammast mín ekkert fyrir það. Auðvelda leiðin er að vera hægri sinnaður. Hægri-sinnar virðast hafa Trump í liði með sér nú um stundir og flestir eru skíthræddir við hann. Ég er það ekki enda býst ég ekki við að hann geti gert mér nokkuð. Eða nenni því.

Hvað er crypto-currency? (eins og til dæmis bit-coin)

Fyrir mér er það fremur gegnsætt pýramítasvindl.

Svindlarar eins og Musk og Trump hugsa ekki þannig. Þarna eru peningar og völd sem hægt er að nýta sér, og þá skal það gert. Þannig hugsa þeir.

Held reyndar að Bandríkjamenn fái bráðlega leið á Trump og hann verði settur af.

Annaðhvort það eða það verður borgarastyrjöld í USA.

Einhver mynd.

 

3243 - Um mig

Ekki virðist það ætla að ganga. Ég meina regluleg blogg.

Ekkert kemur víst af sjálfu sér.

Veit ekki hvað ég á að skrifa um. Best að ég skrifi sem mest um sjálfan mig. Í því efni ættti ég að vera sérfræðingur. Aðrir hafa ekki áhuga. Hef mikið verið að horfa á „youtube“ að undanförnu. Mest á rússneskt og kínverskt efni. Matarefni allskonar líka. Samt er ég lélegur kokkur.

Um að gera að skrifa ekki mikið til að byrja með. Þegar mér fer fram með fingrasetningu o.þ.h. lagast það vonandi. Ekki ætla ég þó að skrifa pólitíska langhunda.

Er vongóður um að mér leggist eitthvð til.

Hættur í bili.

Einhver mynd.

3242 - Tími til kominn

Ef ég á einhverntíma að fara að blogga reglulega aftur, eins og mig dreymir raunverulega um, er tími til kominn að hefjast handa. Ekki get ég beðið eftir því að fingrasetningin komi af sjálfu sér.

Ég hef ignórerað bæði póstinn og fésbókina að undanförnu og það gengur ekki. Ef ég á að rífa mig upp úr þessum aumingjaskap, verð ég að gera það sjálfur. Get ekki treyst á aðra.

Kannski verður þetta innlegg til þess að ég taki við mér. Það er engin sérstök ástæða fyrir þessum ósköpum, eins og mánaðarlegt blogg til dæmis, að þessu sinni.

Ætli þetta sé ekki nóg núna. Ég hef margt að skrifa um. Kannski ég skrifi mest um sjálfan mig framvegis. Aðrir gera það ekki.

Einhver mynd.

3241 - Heimsmálin og fleira

Já, ég veit vel að það er stefna flestra sveitarfélaga að gamalt fólk sé heima hjá sér eins lengi og kostur er. Samt er það svo að þröskuldar og hvers kyns mishæðir, hurðarpumpur,  rok og þessháttar er oft hindrun á vissan hátt.

Þegar maður er kominn á minn aldur (ég verð 83 ára næsta haust) sættir maður sig yfirleitt við það sem maður hefur og gerir sjaldan kröfu um meira, en öll breyting verður fyrirkvíðanleg.

Trump var af nægilega mörgum Bandaríkjamönnum álitinn skárri kostur en Kamala Harris. Hugsanlegt er að tugir þúsunda Demókrata hefðu leikið sér að því að sigra Trump, en á það reyndi aldrei.

Ég skildi aldrei hversvegna Demókratar kusu ruglað gamalmenni til að fara í forsetaframboð fyrir sig á síðasta ári, satt að segja. Þegar Biden þóttist vera að hlaupa var það beinlínis hlægilegt og brjóstumkennanlegt.

Trump stefnir á einangrun að mínu viti, og vel getur verið að honum takist það. Þá er ég hræddur um að Kínverjar muni sigla framúr Bandaríkjamönnum á flestum sviðum fyrr en ella.

Hættur.

Einhver mynd.

3240 - Skyldurækni

Ég er andvaka. Klukkan er rúmlega 5 og kannski er ég búinn að sofa nóg. Fór snemma að sofa í gærkvöldi.  Hver veit nema ég  sé að komast í bloggstuð.

Vona að mér fyrirgefist þó ég skrifi fyrst og fremst um sjálfan mig. Að blogga er það eina sem ég kann.

Er venjulega heltekinn af einni hugsun á hverjum morgni, svo þetta er öðrum þræði dagbók, sem ég get flett upp í þegar ég vil. Kannski ég skrifi reglulega upp frá þessu. Hraðinn er að aukast.

Seinna.

Ekki er miklu við að bæta. Fæ mat á eftir um ellefu. Og Jói kemur liklega á eftir. Veit ekki með Bjarna. Á morgun verður skúrað og þurrkað af hérna. 2 pólskar konur koma hingað væntanlega.

Kannski ég setji þetta upp og hætti.

Einhver mynd.

3239 - Árans kóvítið og krabbameinið

Nú má segja að nýtt tímabil hefjist í mínu lífi, því konan mín til meira en 60 ára er látin. Kannski verður þetta tímabil stutt. Ég ræð litlu um það. Á mánudaginn kemur (þann 10. febrúar) verða tvö ár liðin frá því ég endurfæddist til skilnings á því hve þýðingarlaus ég er í samhengi hlutanna, en framað því hafði ég haldið að ég skipti einhverju máli. Þann dag kom ég heim af sjúkrahúsi eftir mögnuð veikindi.

Ekki ætla ég mér þá dul að fara að ræða um konuna mína hérna enda væri það ekki viðeigandi en læt þess að sjálfsögðu getið að hennar er sárt saknað af systkinum sínum, afkomendum  og mörgum fleirum.

Er öfgahægrið að ná völdum í veröldinni? Uppgangur Trump-ismans gæti bent til þess. Eins og ég skilgreini öfgahægrið er það andstæðan við villta vinstrið. Alheims-stjórnmál eru ásamt mörgu öðru mitt helsta áhugamál um þessar mundir. Kannski ræði ég það nánar á næstunni.

Nú er ég hættur. Best er að hafa innleggin í bloggið fremur stutt. Þá eru þau frekar lesin.

Einhver mynd.