499. - Það kreppir að í bloggheimum

Lítið bloggað í kvöld. Svo lítið að líklega rekast fáir hingað inn. Samt ætla ég ekki að sleppa þessum degi.

Fór í dag í IKEA og fékk mér sænskar kjötbollur eftir að hafa skoðað vörur þar í smátíma. Já, það er erfitt að skoða draslið í IKEA.

Skrapp í Hveragerði í gær og fékk nokkrar gamlar myndir hjá Bjössa. Fór með þær til Guðjóns ritstjóra í dag því þær eiga að vera með Bláfellsgreininni í nóvemberheftinu af Heima er bezt.

Nei, svona dagbókarskrif henta mér ekki. Skárra að blogga ekki neitt ef maður hefur ekkert að segja.

Séra Svavar Alfreð á Akureyri bloggar um Íslenska orðræðugreiningu ehf og Ólína á Ísafirði um skuldhreinsun. Þetta er vel að orði komist hjá báðum. Jafnast þó ekki á við áruhreinsunina í Hafnarfirði. Það er einfaldlega sprotafyrirtæki aldarinnar.

Kíki alltaf öðru hvoru í Google readerinn en annað hvort hef ég sett of marga í hann eða þá að ég fer of sjaldan þangað því venjulega eru innleggin svo mörg að ég nenni varla að lesa þau öll.

Frá því var skýrt í fjölmiðlum að nýlegar rannsóknir hafi sýnt að frekar kvikni í nýjum og dýrum bílum en gömlum druslum. Þetta er merkilegt rannsóknarefni og mér dettur ekki í hug að halda að snáparnir séu að gefa í skyn að kveikt hafi verið í bílunum. Þá hefðu þeir einfaldlega sagt það.

Athugasemdir

[Ellismellurinn 4.11.2008 kl. 07:25]

Það verður spennandi að sjá hvað blogg nr. 500 hjá þér kemur til með að fjalla um. Ertu að geyma einhverjar rúsínur þangað til?

[Emil Örn Kristjánsson, 4.11.2008 kl. 13:29]

Kveikt í bílum? Nei, það getur ekki verið.

[alva 4.11.2008 kl. 14:12]

já, ég bíð spennt hérna í flensunni eftir að sjá blogg nr. 500 :) Vonandi verður það um það að Obama hafi unnið kostnngarnar vestra.

[Beturvitringur, 4.11.2008 kl. 23:42]

Allir nýlegir bílar og þeir dýrustu eru með hönnunargalla í vindlingakveikjaranum. Hefði átt að innkalla þá strax.

[Jón Steinar Ragnarsson, 5.11.2008 kl. 02:08]

Já Áruhreunsunin er sannarlega sprotafyrirtæki aldarinnar, nema ef vera skyldi stofnfrumunuddstofan.  Nú er það máske eina von okkar að slík hugmyndaauðgi fái að blómstra.