771 - Vitandi vits

Því skyldi ég alltaf vera að blogga þetta? Skil það ekki. Ekki fæ ég neitt fyrir það. Svo er Mogginn að nota þessi skrif mín til uppfyllingar. Svei því bara. Sennilega hef ég með aðgerðarleysi gefið þeim leyfi til þess. Mér er svosem sama. Samt vanda ég mig stundum heilmikið. Ef ég leita í gagnasafninu verð ég að gefa upp notendanafn og lykilorð ef ég vil vita meira um mín skrif. 

Á ég að borga fyrir að lesa mín eigin skrif? Dettur það ekki í hug. Svo kalkaður er ég ekki. Golfara heyrði ég um sem kalkaði veggina. Líklega höfðu þeir aldrei verið kalkaðir áður því hann hlaut nafn sitt af þessu. Það væri vitið meira að skrifa eitthvað bitastæðara. Til dæmis eitt stykki bók. Ætli ég geri það ekki næst. Kominn í æfingu. Beautiful nonsense. Skrifa bara það sem manni dettur í hug. Engin uppbygging, ekki neitt. Bara flæði. Þetta er ein aðferðin.

Ekki hægt að hætta. Hver hættir því sem ekki er til? Svona skrif eru engin skrif. Hættur við að hætta. Held bara áfram. Af hverju syngur kötturinn? Hvernig eru júrópallettur? Er hringskyrfi kringlótt? Bráðum kemur haust. Icesafe verður samþykkt og Jóhanna tekur í hendina á sjálfri sér. Steingrímur að verða munaðarlaus. Svo má brýna deigt járn að bíti. Drullukökur og djús til sölu við þjóðveginn. Farinn. Bless.

Athugasemdir

[Kristinn Theódórsson, 12.8.2009 kl. 00:28]

Þessi spuni þarna í restina var ansi góður ;)

[Sæmundur Bjarnason, 12.8.2009 kl. 00:44]

Takk.
Þetta með drullukökurnar finnst mér nú bara nokkuð gott sjálfum.

[Margrét St Hafsteinsdóttir, 12.8.2009 kl. 02:28]

Þú ert skemmtilegur

[DoctorE 12.8.2009 kl. 12:55]

   hvað getur maður sagt... nema kannski dembt inn myndlíkingu um stöðuna

...

[Kama Sutra, 12.8.2009 kl. 14:35]

Hérna er gaman að vera.