1316 - Burt - og meir en bæjarleið + Saavedra

Líklega verður kominn 1. apríl þegar einhverjir aðrir en ég lesa þetta þó núna sé 31. mars. Sama er mér. Ekki er þetta blogg neitt plat. 

Mikil blessun er að vera hættur að fylgjast með frægðarhórum og vasaklúta-fréttaaukum. Þá er hægt að nota tímann til annars. Þetta tekur alltof mikinn tíma. En það er þægilegt að láta mata sig.

En hvað skiptir máli og hvað skiptir engu máli? Hvað skiptir mig máli? Hvað skiptir aðra máli? Ef fólk vill láta fjölmiðlaruslið stjórna lífi sínu er það þá ekki í lagi?

Sumir lesa blogg til viðbótar við fjölmiðlana. Velja þau jafnvel af kostgæfni. Aðrir lesa um frægðarhórur og þess háttar og týna sér alveg í því. Kannski vilja margir vera frægðarhórur. Verst hvað fjölmiðlarnir eru margir og hve stór hluti innihaldsins er rýr í roðinu. Líka er flýtirinn alltof mikill.

Hugleiðingar um hitt og þetta eru mínar ær og kýr. Var t.d. að lesa í gær formálann að bókinni. „Burt - og meir en bæjarleið".

Það virðist vera athyglisverð bók. Þó ég hafi sofnað útfrá formálanum er hann langur og ítarlegur. Þar er meðal annars verið að velta fyrir sér umfjöllun um þá sem í vesturvíking fóru í lok nítjándu aldar.

Ef skoðuð eru opinber skrif frá tímum ferðalaganna sjálfra er ekki annað að sjá en þeir sem til Kanada og Bandaríkjanna fóru séu hin mestu úrhrök, sem með þessu eru að svíkja ættjörðina.

Samt fór fólk utan þúsundum saman. Var þá ekkert að marka þessi skrif? Um miðja tuttugustu öldina er meginstefið í skrifum um þá sem vestur fóru að vesaldómurinn og hungrið á Íslandi þess tíma hafi hrakið þá þangað.

Nú aftur á móti og einkum á tímum útrásarinnar eru þetta hinar mestu hetjur og úrval þjóðarinnar. Hverju á að trúa? Hvað hugsar almenningur? Verða fésbókarskrif og þessháttar óværa talin skoðanir almennings í framtíðinni? Já, hér er margt að hugleiða.

Ef dæma á um Icesave af fésbókar- og bloggskrifum eru nei-sinnar miklu fleiri og ákveðnari en já-fólkið. Samt segja skoðanakannanir annað. Er þá ekkert að marka þær? Atkvæðagreiðslan sjálf hlýtur að vera það sem sker úr um þetta.

Mín reynsla er sú að mark sé takandi á skoðanakönnunum þó þar sé margs að gæta. En auðvitað breytast skoðanir almennings með tímanum. Þess vegna hamast stuðningsmenn allskyns skoðana sem mest þeir mega.

Er ekki sjálfsagt að selja ríkisborgararétt 10 manna fyrir 1700 milljarða? Mér finnst það. En er tilboðið frá auðmönnunum uppá það eða er þetta bara ómerkilegt aprílgabb?

Kannski er þetta bara útspekúlerað tilhlaup til að koma ríkisstjórninni frá eða ná forystunni í Icesave kapphlaupinu. En hvort styður þetta já-ið eða nei-ið? Mér finnst það ekki liggja í augum uppi. Kannski finnst einhverjum óhætt að segja nei (eða já) ef ómengaðir ríkisbubbar koma og spýta 1700 milljörðum í íslenska hagkerfið.  

Saavedra position

	A	b	c	d	E	F	G	h
8									8
7									7
6									6
5									5
4									4
3									3
2									2
1									1
	A	b	c	d	E	F	G	h

 

Saavedra staðan

Einhvers staðar las ég það haft eftir skákmeistara nokkrum að þá fyrst hafi hann fengið ódrepandi áhuga á skák þegar hann sá Saavedra stöðuna í fyrsta sinn. Hún er vissulega mögnuð og ég ætla að reyna að birta hana hér. Hún kemur ágætlega fram í Word skjalinu sem ég er með en ekki er víst að Moggabloggið taki henni eins vel. Þessvegna segi ég frá því hvernig hún er: Hvítur kóngur er á b6 og peð á c6. Svartur kóngur er á a1 og hrókur á d5. Hvítur á að leika og vinna. Fer yfir lausnina á eftir er einhver skyldi vilja vita um hana.

Þetta skilst mér að sé hin klassíska Saavedra staða. Hægt er að lesa sér til um sögu hennar á Wikipediu ef áhugi er fyrir hendi. Auðvitað er hún til í fleiri myndum og afbrigði af henni geta komið fyrir í tefldum skákum. Sama er að segja um kæfingarmátið svokallaða sem nefnt er Philidor‘s Legacy á ensku.

Auðvitað má segja að öll mát þar sem kóngsræfillinn eru umluktur eigin mönnum séu kæfingarmát (enska smothered mate) en Philidors Legacy er samt ákveðin leikjaröð þar sem kóngurinn er í horninu og peðunum fyrir framan hann hefur ekki verið leikið fram. Hótun um slíkt kæfingarmát getur vel komið upp í tefldum skákum.

Lausnin á Saavedra-stöðunni er þannig:

1. c7 Hd6+

2. Kb5 (2. Kc5? Hd1 og  3...Hc1!)

2...Hd5+

3. Kb4 Hd4+

4. Kb3 Hd3+

5. Kc2! Hd4!

6. c8H! (hótar 7. Ha8+; Ef vakin er upp drottning leikur svartur Hc4+! Og ef drottningin drepur er svartur patt.)

6...Ha4

7. Kb3

Saavedra staðan er mjög fræg. Segja má að hún sé eitthvert albesta dæmið um svokallaða „underpromotion".

Ýmislegt er bannað hér. Eða er það kannski einmitt leyfilegt