2934 - Langtímaáhrif veirunnar

Fréttir eru alveg ömurlegt áhugamál. Að „venjulegar“ fréttir skuli á einu andartaki (eða einum mánuði) geta breyst í covidfréttir er hryllingur. Kannski eru venjulegar fréttir ekkert skárri. Oftast nær fjalla þær um einhverskonar ömurleika. Þær eru samt fjarlægari. Nú finnur maður greinilega hvað það gæti verið gott að eiga sér áhugamál sem hægt væri að sökkva sér í. Gleyma öllu þessu kovitakjaftæði og hugsa bara um eitthvað annað, eða jafnvel ekki neitt.

Ég var að hugsa um að gera þetta „intermittent fasting“ að mínu áhugamáli númer eitt, en er snarhættur við það. Alltof margir virðast líta á þetta sem einn megrunarkúrinn til viðbótar. Ekki geri ég það. Lít fremur á þetta sem lífstílsbreytingu. Sá 16/8 fésbókarhóp um þetta og leist ekkert á. Svo maður fari nú aftur að tala um bölvaða kovítveiruna þá er ekki að sjá að hún láti yngra fólk neitt í friði þó því hafi verið haldið fram. Mest stansar mig á því að hvergi skuli hafa komið til óeirða, einsog venjulega gerist í dystópíubókum. Bókmenntir eru nú eiginlega einn ömurleikinn til viðbótar. Ekki er hægt með góðu móti að hafa áhuga á lygasögum þegar raunveruleikinn er miklu magnaðri. Kannski er veðrið bara best sem áhugamál. Það er samt ömurlegt eins og er. Batnar samt kannski á undan kovitfjandanum.

Mér virðist allt benda til þess að í fyrsta lagi muni íþróttalíf svotil allt endurfæðast seint næsta haust í fyrsta lagi. Fyrsta íþróttakeppnin verður væntanlega forsetakosningarnar í Bandaríkjunum. Auðvitað er það ekki hefðbundin íþróttakeppni, en spennandi samt. Kannski verður þeim frestað líka. Allar líkur eru á að fram að þeim tíma, semsagt til byrjunar nóvember næsta haust, verði ekkert að gerast á íþróttasviðinu né annarsstaðar. Í hæsta lagi að sagt verði frá því með heimsstyrjaldarletri að hinum og þessum leiðist aðgerðarleysið. Svo verður náttúrulega efnahagslífið í rúst.

Íþróttafrík munu sennilega sakna ýmislegs, en við því er ekkert að gera, mannslíf eru víst mikilvægari. Ekki hef ég orðið var við spádóma um að sumarið sé ónýtt til allra meiriháttar boltaleikja, en mjög hætt er við því að sú verði raunin. Íslandsmeistarmótið í krass-spyrnu mun ekki fara fram, en hugsanlegt er að golfmót fari fram, áhorfendalaus samt.

Lúsmýið mun ráða alfarið á helstu sumarleyfisstöðum. Einstaka þöngulhausar munu fara í skógarferðir einir saman og koma aftur lúsbitnir mjög. Á sama hátt og tjaldferðir lögðust af í hitteðfyrra mun útilegumaðurinn í Mosfellssveit fara á hausinn. Tjaldvagnar og fellihýsi munu komast í tísku aftur. Ég er semsagt strax farinn að hugsa um sumarið og haustið. Ekki er ráð nema í tíma sé tekið. Kannski hverfur snjórinn einhverntíma.

Hugsanlega lærir mannkynið eitthvað á þess vírusævintýri sínu. Mér er svosem sléttsama þó ég komist lítið útúr húsi. Mér leiðist aftur á móti þetta sífellda óveður. Er ekki kominn tími til að leggja veðurstofuna niður. Óvitlaust er að setja svona fáránlega fullyrðingu á blað, eins og þetta með niðurlagningu veðurstofunnar. Þar með er það næstum öruggt að enginn tekur neina aðra vitleysu, sem sett er í þetta blogg, alvarlega. Getur virkilega hver sem er skrifað hvaða vitleysu sem honum eða henni dettur í hug? Já, þannig virkar ritfrelsið. Ekki lætur það að sér hæða.

IMG 6216Einhver (ömurleg) mynd.


« Síðasta færsla | Næsta færsla »

Athugasemdir

1 Smámynd: Þorsteinn Siglaugsson

Skil að þú sért orðinn þreyttur á þessum Covid fréttum. Það er ég svo sannarlega líka og læt mér ekki detta í hug að horfa á þessa blaðamannafundi endalaust. Enda er meira og minna verið að segja sömu hlutina dag eftir dag.

Þorsteinn Siglaugsson, 6.4.2020 kl. 12:47

2 Smámynd: Helga Kristjánsdóttir

Ég sleppi þeim alveg og finnst líka gott að "rausa" hér um allt og ekkert til að skerpa minnið. 

Helga Kristjánsdóttir, 6.4.2020 kl. 23:21

3 Smámynd: Þorsteinn Sch Thorsteinsson

Þetta eru nýjar tölur, en hér er eitthvað annað fyrir alla til þessa að hugsa um.  

Image may contain: 1 person, text

Þorsteinn Sch Thorsteinsson, 6.4.2020 kl. 23:53

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband