1591 - Sótt að Internetinu

Gamla myndin.
Hér er ég sjálfur með Pésa í fanginu, sýnist mér.

Björn Valur Gíslason boðaði mikil pólitísk tíðindi þegar hann kom fram í Silfri Egils um síðustu helgi. Misskilningur virðist það vera. Líklegt er þó að tillagan um að falla frá málssókninni á hendur Geir Haarde verði umdeild mjög. Ömmi greyið virðist ætla að fara illa útúr þessu öllu.

Þegar talið berst að trúmálum eru margir sem segja eitthvað á þessa leið: „Ég hef svosem lesið biblíuna en........“. Ég hef aftur á móti aldrei lesið biblíuna og býst ekki við að ég eigi eftir að gera það. Það sem ég hef lesið um möguleikana á viti bornu lífi í alheiminum, cosmológíu eða alheimsfræði almennt og t.d. Darwinisma eða þróunarkenninguna finnst mér mun athyglisverðara en trúmál. Mögulega er samt tenging þarna á milli þó trú á t.d. framhaldslíf þurfi enganvegin að koma þessu máli við. Astralplanið er ekki nein staðreynd fyrir mér.

Tölvutjáning er greinilega mjög vinsæl. Bloggið er það ekki lengur. Internetið gæti sem hægast verið í hættu. Ef þeir sem veita þjónustu á Internetinu verða gerðir ábyrgir fyrir því sem sagt er eða gert þar er hætt við að sneyðist um frelsi þess litla og smáa og völd peninganna aukist enn. Internetið er e.t.v. síðasta vígið í þessu sambandi og getur hæglega orðið pólitíkinni að bráð.

Tröppur í vita.

Athugasemdir

[Ólafur Sveinsson 19.1.2012 kl. 12:16]

Kvitta fyrir þetta.

[DoctorE 19.1.2012 kl. 13:13]

Það mun aldrei takast að ritskoða internetið.. sama hvað þeir reyna.... við munum berjast til síðasta blóðdropa gegn stóra bróður og ... stef ásamt öðrum sníkjudýrum

[Sæmundur Bjarnason, 19.1.2012 kl. 14:31]

DoctorE, þú er orðhákur mikill og gætir verið í hættu. Ég aftur á móti reyni að passa mig. Ritskoðun er yfirleitt mjög lúmsk og oft(ast) eru fallegar og góðar hugsjónir látnar í veðri vaka þegar verið er að koma henni á. 

[DoctorE 19.1.2012 kl. 14:54]

Aðeins á íslandi, aðeins á blog/mbl.is hef ég fengið aðvörun.. verið bannaður/ritskoðaður.
.. er eiginlega bara sjálfstæðiflokkurinn sem hefur ráðist að mínu tjáningarfrelsi :)