2885 - Eftirlaun

Skyldi það vera svo að demókratar séu með ákærunni að hendur Trump að tryggja sér sigur í þarnæstu kosningum. Ef reiknað er með því eru þeir næsta vonlausir um að geta sigrað Trump á næsta ári. Kannski búast þeir við að staðreyndir ákærunnar verði ekki ljósir fyrir kjósendurm fyrr en á næsta kjörtímabili. Þannig var því varið bæði varðandi Nixon og Clinton. Alltaf má samt gera ráð fyrir auknum hraða í pólitíkinni. Þó er það svo að núverandi kæra kann sem best að verða Trump til framdráttar á næsta ári. Það er einfalt að rökstyðja enda má segja að demókrötum hefði verið nær að bíða svolítið með þessa ákæru ef þeir ætla sér í alvöru að sigra Trump í forsetakosningunum á næsta ári. Þetta eru þær kosningar sem ég bíð í mestu ofvæni eftir að frétta af. Kosningar hér á Íslandi eru fremur lítilvægar samanborið við þessar.

Einnig er það svo að Brexit getur haft mikil áhrif hér á landi. Nýjustu fréttir herma að e.t.v. sé að draga saman með deilendum. Það er þó einkum vegna þess að breski forsætisráðherrann virðist hafa gefið heilmikið eftir.

Er það svo að íslensk stjórnvöld séu undir hælnum á svokölluðum smálánafyrirtækjum? Ekki er hægt að sjá annað en þessi fyrirtæki (sem áður voru kölluð okurkarlar) finni alltaf leiðir til þess að leika á stjórnvöld. Eigum við ekki bara að leyfa þessum okurkörlum að stjórna okkur? Þeir virðast að minnst kosti vera mun útsmognari en þessir svokölluðu ráðherrar og alþingismenn. Er ekki í rauninni alveg sama hverjir svindla á okkur, saklausum almúganum?

Auðvitað skiftir máli hvort kosin stjórnvöld stjórna eða okurkarlarnir. En meðan stjórnvöld einbeita sér að því að svindla á pöplinum er ekki við neinu góðu að búast. Oft hef ég útmálað íslensk stjórnvöld sem óalandi og óferjandi. Sjaldan nefni ég samt dæmi um slíkt. Það skal ég þó gera núna. Því hefur margoft verið haldið fram og ekki mótmælt að Tryggingastofnun ríkisins svokölluð steli í umboði ríkisstjórnarinnar og alþingis af okkur gamalmennunum bæði leynt og ljóst. Hvað er það t.d. annað en þjófnaður að taka hluta af eftirlaunum okkar og kalla þau eihvað annað og henda svo í okkur einhverjum tittlingaskít sem minnkar eftir því sem við höfun hamast meira við að byggja upp eftirlaunasjóði okkar?

Á sama hátt og stolið hefur verið af okkur gamlingjunum kerfisbundið hefur verið reynt að svindla sem mest á ýmsum öðrum. Ekki ætla ég að fara nánar útí það núna en minna má á það að sýslumenn og prestar hafa öldum saman svindlað og svínað á almúga þessa lands. Um það eru til mörg dæmi og þarflaust að rifja það upp.

Kannski Papparass þurfi fljótlega að koma einhverju að. Þessvegna er ég einmitt núna að flýta mér að segja eitthvað. Mér finnst ég vera að missa tökin á þessu bloggi mínu. Mér finnst þessar sögur sem hann er að segja vera hálfmisheppnaðar. Kannski er bara best að halda sig við staðreyndirnar.

Einhver mynd.