696 - Um blogg

Ég get ekki að því gert að ég er óskaplegur dellukarl. Um þessar mundir er það bloggið sem slíkt sem ég er með dellu fyrir. Þegar ég uppgötvaði bloggið einhverntíma um 2000 las ég öll blogg sem ég fann, jafnvel erlend líka. Það kvað svo rammt að þessu að eitt sinn, líklega á jólunum 2003, fékk ég í jólagjöf bókina um Salman Pax. Því miður hafði ég lesið flest áður sem í bókinni stóð því ég hafði lesið bloggið hans frá því nokkru fyrir upphaf Íraksstríðsins. 

Stefán Pálsson hefur verið minn aðalgúrú á þessu tímabili þó Salvör Gissurardóttir hafi komið þar við sögu einnig. Einu sinni las ég hvert einasta blogg frá þeim. Lýsingarnar á því þegar maðurinn hennar Salvarar fór til Afghanistan eru mér minnisstæðar. Já og auðvitað las ég bloggið hans líka.

Á tímabilum hef ég líka lesið hvert einasta blogg sem Ágúst Borgþór og Nanna Rögnvaldardóttir hafa skrifað. Lýsingar Nönnu á sauðargærunni eru klassík. Um þessar mundir læt ég ekkert blogg frá Sigurði Þór Guðjónssyni ólesið. Les jafnvel veðurfarslanglokurnar hans þó mér finnist þær hundleiðinlegar. Við Lára Hanna urðum forsíðubloggarar hér á Moggablogginu um sama leyti og ég las öll bloggin hennar lengi vel en er farinn að sleppa þeim stundum nú í seinni tíð.

Nýjasta dellan mín í bloggheimum er svo blogg-gáttin. Þar skráði ég mig fyrir nokkru og fer þangað inn jafn oft og á mitt eigið blogg. Semsagt mjög oft. Blogg-gáttin er ágæt og þar fyrir utan nota ég Google readerinn talsvert. Bloggvinirnir eru því miður orðnir of margir til þess að ég geti almennilega fylgst með þeim.

Baldur Guðmundsson skrifar fasta þætti í DV.is. Hann heldur því fram að flestir hörðustu ESB andstæðingar á blogg-gáttinni noti bókstafinn Z. Þetta hafði mér aldrei dottið í hug en vel getur verið að það sé rétt. Hörður Bragason segir í athugasemd að þeir eigi það líka sameiginlegt að hafa aldrei verið búsettir í öðru Evrópuríki en Íslandi.

Athugasemdir

[Sigurður Þór Guðjónsson, 26.5.2009 kl. 17:07]

Bloggið er verkfæri djöfulsins til að draga fólk á tálar - nema náttúrlega veðurbloggið sem er eina göfuga bloggið.

[Brjánn Guðjónsson, 26.5.2009 kl. 20:35]

ert sumsé haldinn bloggblæti

[EE elle 26.5.2009 kl. 20:36]

Draga fólk á tálar?  Hvert í logandi?  Það væri þá verkfæri djöfulsins.

[Malína 26.5.2009 kl. 21:37]

Halló!  Ég vil láta draga mig á tálar!   Ég hef beðið eftir draumaprinsinum mínum næstum alla mína ævi!

Veit samt ekki hvort veðurblogg er besta verkfærið til þess...

[Sæmundur Bjarnason, 26.5.2009 kl. 21:37]

Bloggið er eins og nafnið bendir til dagbók á Netinu (weblog) sem allir geta lesið. Hvernig það er síðan notað fer mest eftir notendunum (lesendum og skrifendum). Suma er hægt að draga á tálar með blogginu en aðra ekki. Bloggið er bara eitt af því sem hægt er að nota Netið til. 

[EE elle 26.5.2009 kl. 22:13]

Draumprinsinn fundinn:

[Sigurður Þór Guðjónsson, 26.5.2009 kl. 22:47]

[EE elle 26.5.2009 kl. 22:49]

[Sæmundur Bjarnason, 26.5.2009 kl. 23:16]

Ég er bara ekki nógu broskallafróður til að taka þátt í umræðunni hér. Kann ekkí nógu vel á svoleiðis nýmóðins tákn. Þeir eru líka svo margir.

[Anna Sigríður Guðmundsdóttir, 26.5.2009 kl. 23:53]

Ein aðalástæðan fyrir að vil ekki ESB er að hef búið í öðru landi og unnið með mörgu fólki víðsvegar að úr Evrópu og heyrt um svörtu hliðarnar á ESB teningnum.

þær freista ekki mín í dag.

þetta eru mín rök fyrir minni skoðun. þetta er fólk sem hefur séð svörtustu hliðarna frá sínum löndum. Samt var mér hlíft við að heyra ljótustu lýsingarnar sem þeir flúðu frá og til Noregs. Gerðu sér grein fyrir að ég var viðkvæm fyrir grimmdinni  sem getur viðgengist í Evrópu.

Enginn Íslendingur hefur fengið mig til að hræðast ESB. 

[Malína 27.5.2009 kl. 03:31]

[EE elle 27.5.2009 kl. 10:47]

Sæmundur, ef þú ýtir með örinni á gula karlinn þarna, þá koma upp nokkrir skrýtnir karlar.  Og svo getur maður ýtt á einn og viti menn, hann bara kemur.  Maður getur líka bara teiknað með blýanti beint á skjáinn og litað með trélit, he, he.  Kannski pínu ýkt?!  

[Sæmundur Bjarnason, 27.5.2009 kl. 11:26]

Mér virðast broskallar vera með ýmsu móti og alls ekki sé útilokað að fræðast heilmikið um þá. Sumir segja eitthvað ef maður setur örina yfir þá, aðra má hægri klikka á og skoða til dæmis properties og svo má prófa að klikka á þá. Fleira má svosem prófa en ég veit hvergi nærri allt um þá.