2633 - Veipvöllurinn og annar óþarfi

Yfiburðir hvíta kynstofnsins sem Páll Vilhjálmsson segir að séu sennilega umdeilanlegir eru ekki bara það heldur að mestu eða öllu leyti ímyndaðir.

Einhver var að spyrja eftir Trump og þá var hann bara spurður hvort hann vildi ekki tala við Bannon sjálfan. Trump þótti þetta ekkert fyndið og sennilega rekur hann Bannon fljótlega fyrir að skyggja á sig.

Nasistar, fasistar, rasistar, kommúnistar, öfgamenn allskonar, kynþátthatarar, aðskilnaðarsinnar o.s.frv. styðja Trump og hann er kannski ekkert verri fyrir það. Slíkir eru samt hugsanlega fjölmennir í Bandaríkjunum ekki síður en annarsstaðar og núverandi forseti þar um slóðir fúlsar ekki við atkvæðum þeirra. Gætir þess jafnvel að styggja þá ekki um of.

Stundum bera bakþankarnir í Fréttablaðinu þess greinilega merki að blaðamenn eru meira og minna skikkaðir til að skrifa þá. Semsagt að mestu marklausir. Í blaðinu í dag (mánudag) er talað um Veipvöllinn og þeir þankar eru alls ekki marklausir, finnst mér. Sennilega er veipið svar tóbaksframleiðanda við þeirri almennu skoðun að reykingar séu hættlegar heilsu fólks. Til að tryggja að veiparar ánetjist tóbaki reyna þeir að ná til unglinganna á sem hættulausastan hátt. Nikótínið og reyndar koffínið og sykurinn einnig eru eiturlyf og þau ber að varast. Varðandi veipið og nikótínið er kannski rétt að það drepur ekki, en veldur vana sem getur orðið erfitt að losna við. Sjálfsagt er samt fyrir stórrekingamenn að nota veipið til að hjálpa sér til að hætta, ef þeir vilja það.

Á vissan hátt er það galli að geta ekki eða vilja ekki setja þessar hugleiðingar á fésbókina, því hraðinn á öllum samskiptum manna er orðinn slíkur að best er að láta hugsanir sínar sem fyrst frá sér. Kannski verða þær orðnar úreltar eftir örfáa klukkutíma. Þ.e.a.s ef þær fjalla um pólitík eins þær gera stundum frá mér.

Einhver mynd.

Athugasemdir

[Bjarne Örn Hansen 15.8.2017 kl. 09:51]

"Yfirburðir" hvítra manna, eru svo sannarlega ímyndaðir.  Við erum minsta og veikasta þjóðarbrot allra tíma, sem höfum þurft að leita hælis lengts á norðurskauti, þar sem enginn annar vildi búa, vegna þess að við vorug og erum ... öðrum minni og veikari.

Síðan er ég ekki sammála því að "Nasistar" séu að baki trump ... þjóðernissinnar, já ... en Nasistar, eru eins og allur annar ófögnuður.  Þeir dulbúa sig, undir fögru skinni ... Nasistarnir, og fasistar nútímans eru eins og Windost Churchill sagði á sínum tíma ... dulbúnir sem "gott" og "frjálslint" fólk. Fólk, sem vill "heimsyfirráð" og "tortímingu" þjóðarbrotanna og einstaklingsins.

Ef hið illa í heiminum, væri svona auðveldlega auðkennt ... þá væri löngu búið að uppræta það.  Hið illa, dylur sig í "fegurðinni" ... og "góðu yfirskini".

[Sæmundur Bjarnason, 17.8.2017 kl. 13:44]

Ef "fagra skinnið" sem nasistarnir dulbúa sig undir er rasismi eru alþjóðasinnarnir jafnvel betri en þessir góðu og frjálslyndu þjóðernissinnar.

[Sæmundur Bjarnason, 17.8.2017 kl. 13:47]

Takk fyrir athugasemdina samt. Gleymdi að segja það.