2434 - Tromparinn í USA

Varðandi tromparann í US of A vil ég bara segja þetta: Hvort sem það er í Bandaríkjum Norður-Ameríku eða annars staðar (t.d. hér á landi), þá eru þeir sem HATA stjórnvöld þeir sem blakta í pólitíkinni. Hvort þetta hatur kemur frá vinstri eða hægri virðist ekki skipta máli. Það getur vel verið að ég sé að misskilja þetta alltsaman, en ég tel mig vinstri-sinnaðan eftir gamla kerfinu og HATA stefnu Donalds Trump. Mér finnst hann fordómafullur og stefna á þjóðrembu og misrétti af hæstu gráðu. Það getur vel verið að það sem hann segir NÚNA, hljómi vel í einhverra eyrum, en öfgafull hafa ummæli hans og gerðir allar verið hingað til. Ekki er útlit fyrir að stjórnendur Repúblikanaflokksins geti komið í veg fyrir framboð hans.

Eitthvað var ég að fimbulfamba um Tortóla um daginn ef ég man rétt. Ég var samt ekkert að tengja sjálfan forsætisráðherrann eða fjölskyldu hans við þá litlu eyju. Sennilega er bankakerfið þar svolítið skrítið í okkar augum. Löngum hefur það samt loðað við hana að þar væri skattaskjól. Í mínu ungdæmi var talað um að Sviss væri aðalskattaskjólið. Auðvitað er ekki rétt að bara þeir ríku geti komið peningunum sínum í skattaskjól. Eiginlega ætti að banna þau.

Tortólatengingin við SDG getur, þrátt fyrir alla lagakróka og flækjur, orðið til þess að minnka traustið á honum og komið sér illa fyrir Framsóknarflokkinn í næstu kosningum. Þingmenn þess flokks og einhverjir fleiri virðast samt enn treysta honum. Þingrof og kosningar eru ekkert nær en venjulega. Stjórnarflokkana greinir samt á um mörg mál.

Hér á Akranesi er veðrið bara ágætt. Kannski svolítill dumbungur en hvergi er snjó eða ísingu að sjá nema til fjalla og götur allar að þorna. Svei mér ef það er bara ekki að koma vor. Grasið er samt dálítið gulleitt ennþá. Birtan er sífellt að aukast og annað eftir því. Farfuglarir á leiðinni samkvæmt útvarpsfréttum og þar eru menn bara orðnir skáldlegir. Hnatthlýnunin lætur ekki að sér hæða. Bakslag gæti þó komið í þetta alltsaman ef veðrið hagar sér illa. Hugsanlega er sjálft Páskahretið enn eftir.

Sennilega eru mannréttindi og umhverfismál í víðum skiliningi mál málanna um þessar mundir. Hér á Íslandi finnst mér þó mestu skipta að fá nýja stjórnarskrá. Greinilega er sú gamla meingölluð á margan hátt. Hugsanlega eru þau drög að stjórnarskrá sem reynt var að koma í gegn á síðasta kjörtímabili líka gölluð. Þessvegna eru þær tillögur sem nú eru fluttar kannski örlítið betri en ekki neitt. Annars er alls ekki hægt að búast við því að tillögur sem allir flokkar á alþingi eru sammála um séu nokkurs virði í raun.

Var að lesa um daginn bók Garðars Sverrissonar um Bobby Fischer og á margan hátt er hún mjög áhrifarík. Þó frásögnin af dauðastríði Fischers láti örugglega fáa skákunnendur ósnortna sem bókina lesa er ekki hjá því komist að líta á hana, a.m.k. öðrum þræði, sem einskonar varnarrit höfundarins. En gagnvart hverjum er hann að verja sig? Eftir á finnst honum kannski að hann hefði getað gert meira fyrir hann. Víst er að margir af óvildarmönnum Garðars vildu hafa gagn af Fischer og dauða hans. Sennilega hef ég ekki lesið jafnmargar bækur um neinn einn mann og Robert James Fischer.

Sementsverksmiðjan.

Athugasemdir

[Valdimar Samúelsson, 18.3.2016 kl. 17:06]

Það verður auðvelt fyrir Donald Trump að taka við embætti og hann þarf ekkert að breyta neinu. Heimurinn er eins og hann segir.Evrópa hatar Múslima og það væri engin ný vísindi er Ameríkanarnir gerðu það sama. Eina sem hann þarf að gera er að apa eftir Evrópu með veggi á milli USA og Mexico en þá leið nota ISIS menn til að komast inn en nú þegar gera þeir það.

[L. 18.3.2016 kl. 23:16]

Vandamál bandarísku þjóðarinnar persónuvædd í Trumpnum.

Fáir virðast velta fyrir sér hvers vegna strumpurinn Trump nýtur mikilla vinsælda.

"Change" var slagorð núverandi forseta.

Ég velti fyrir mér hvort strumpurinn Trump geti kallast fordómafullur bara vegna þess að bandaríkin hafi löggjöf um þá sem koma ólöglega til landsins?

Ekki dettur mér annað í hug að greinarhöfundur hafi fordóma hvers eðlis sem þeir geta verið.

Hugtakið kynþáttafordómar býður upp á skilgreiningu og um leið aðgreiningu á fordómum og fellur því um sjálft sig.

Líkt og þeldökkir í BNA skilgreina og aðgreina sig sem " African/American "

Eins og þeir sem skilgreina og aðgreina sig sem " European/American " hlóta að tilheyra KU Klux Klan.

Til er enskt orð sem sameinar alla fordóma hverjir sem þeir geta verið  " rankism " 

Íslenska þýðingin væri hreinlega fordómar, innan sviga ( án skilgreiningar eða  aðgreiningar ) og án hinnar fáránlegu skilgreiningar og aðgreiningar orði "kynþátta" /misrétti(kvenna)

Vantraust á stjórnmálamönnum er löngu orðið alþjóðlegt vandamál en alþjóðavæðingin hefur gert stjórnmálamenn svo til valdalausa ...

Og fjölmiðlar sem japla óþreytandi á persónulegum högum fólks fá kjálkaþreytu þegar kemur að sósíalískri aðstoð almúgans við banka/einka/geirans ...

[L. 18.3.2016 kl. 23:31]

Alþjóðavæðingin er nýtt dansspor frumskógarvæðingar kauphallarinnar.

Að sundra fjölskyldum víð og dreif um heiminn með ákvæðum um frálst flæði vinnuafls ...

Snilldin ein ...

[Anna Sigríður Guðmundsdóttir, 19.3.2016 kl. 01:24]

Planaðir heimsveldis-þrælahaldsins stjórar segjast ætla að trompa Trump?

Skýringar eru ekki fjölmiðla-heimsmafíuleyfðar?

M.b.kv.

[Sæmundur Bjarnason, 19.3.2016 kl. 12:36]

Valdimar ég er alls ekki sammála þér. Hatur og einangrun er ekki það rétta til að ráða bót á vandamálum heimsins, sem ég viðurkenni að eru allmikikil.

[Sæmundur Bjarnason, 19.3.2016 kl. 12:38]

L, ég skil ekki almennilega innlegg þitt. Og heldur ekki hversvegna þú kýst að koma fram undir dulnefni.

[Sæmundur Bjarnason, 19.3.2016 kl. 12:43]

Anna Sigríður, ég er sammála þér að því leyti að vandamál heimsins verða aldrei leyst að fullu og alheimsstjórn er sennilega ekki lausnin. Samt er ég andvígur stefnu Donalds Trump. Geri mér grein fyrir að vel getur verið að fjölmiðlar afflytji mál hans.